المشاركة الأصلية كتبت بواسطة odaoda
حضرتك عاوز تشترى من التوكيل وليس معرض؟
على فكرة الشركة للاسف مبتديش عربياتها لمعارض!!!!
انا ملقتش العربية لا فالمصرية للسيارات ولا فالمعارض الكبيرة
وانا بستعجب لية كدة المفروض انهم يسوقوها
ويجيبوا دفعات كبيرة بكميات كبيرة ويدو موزعين
لكن سياسة تسويقية غير جيدة من الشركة مش عارف لية !!!!!
وربنا يرزقك بتمنها وبأكتر من تمنها كمان
وكل سنة وانت طيب
|
أخى العزيز : odaoda
على فكره التساؤل اللى انت بتتساءل فيه دا دار فى دماغى من أول ما نزلت العربيه وانا شفتها فى معرض الوكيل اللى فى شارع البطل احمد عبد العزيز . وانبهرت جدا بيها من اول ما عنيا وقعت عليها . ووقتها كان سعرها 69900 واستعجبت جدا من السعر دا مقارنة مع امكانياتها العاليه وجمالها وتشطيبها المتميز .
لكن فضلت متردد جدا بسبب عدم وجود دعايه لها وعدم انتشارها . وطبعا دا اكيد يأثر كتير على توافر قطع غيارها فى المستقبل . وكلمت المبيعات عندهم اكثر من 6 مرات وكل مره اسجل عندهم نفس الشكوى من عدم وجود الدعايه الكافيه . وضربت لهم مثال بأبو الفتوح لما قرر انه يستورد الإسبيرانزا وعمل حملة دعايه مهوله قبل نزول السياره بشهر تقريبا وعشان كده السيارات جريت فى الشارع اول ما نزلت وانتشرت انتشار واسع وسريع . المهم كان ردهم فى كل مره لا يسمن ولا يغنى من جوع .
المهم قررت انى احجزها . وروحت احجز ولاكن مع الأسف فرق السعر كتير فبعد 69900 أصبحت 78900 . وسألتهم هناك على الموضوع تانى . وسبب عدم وجود دعايه كافيه . وهناك لقيت واحد فهمنى الآتى :
ان شركة جاك هى شركه حديثه نسبيا بالنسبه لسوق السيارات وخاصة الركوب . وبالتالى فان خطوط انتاجها مازالت غير متوسعه فى الإنتاج . وبتصدر العربيه الى دول كتير . وحجوزاتها كمان كتير . وبالتالى فان نصيب كل دوله بيكون محدود من الدفعات اللى بتخرج واحنا فى مصر هنا نصيبنا تقريبا حوالى 150 عربيه تقريبا فى الدفعه . ( طبعا عدد قليل جدا ) ولذلك ماينفعش يعمل دعايه واسعه جدا ويزيد الإقبال على العربيه ويزيد الحجزات عليها وهى محدوده فى النزول لمصر .
وبصراحه كلامه معقول جدا . ونتمنى لهم التوفيق والتوسع قريبا انشاء الله .