|
#1
25-06-2016, 11:47 AM
|
|||
|
|||
تعديل فورد اسكورت من 1300 الي 1600 cc
كل سنة و انتم طيبين،،،،، واحد صاحبي عزيز عليا عندو عربية اسكورت 1300cc كانت بتاعة والده و هو خدها المهم العربية متورها خفيف و بتاكل زيت و عزمها مفيش و اعلي سرعة بتجبها 130 ده غير ان مفيهاش تكيف و الموتور ده اتعمر قبل كدة فهو قرر ميعمرش تاني و يسقط ال1600 بس يكون انجيكشن هو للاسف ملوش في العربيات يدوب بيسوق و يزود مياه و خلاص ،، فهو معتمد عليا في الموضوع انا دورت في المنتدي عرفت ان في موتور 1600 zetech كويس ليها فياريت لو تكرمتم تدوني معلومات عنه و عيوبه و مشاكله وهل محتاج فتيسه ولا الموجود تمام و محتاج اشتري ايه مع الموتور (العربية كربراتير و هتتقلب انجيكشن) سعره ايه مع تكيفه و دورة التبريد و هل الفرامل هتحتاج تتغير؟ و اشترية منين و مين ميكانيكي برنس في الفورد شغال في الموتور ده ينزل معايا و يسقطه في العربية و ياريت اجراءات المرور كمان معلش هاتقل عليكو،،،، شكرا مقدما
|
|
#2
25-06-2016, 04:00 PM
|
||||
|
||||
رد: تعديل فورد اسكورت من 1300 الي 1600 cc
اهلاً بيك يا ميدو وكل سنه وحضرتك طيب وبخير يارب
بالنسبة للموتور ورحله تغييره تبداء من الصنايعيى الشاطر والمحترم اللى هتتفق معاه يبقى معاك خطوة خطوة من البدايه للنهايه حل وتركيب وفحص وكل حاجة وتبقى متفق معاه على كل حاجة ومرضى تماما علشان ميخلعش منك فى نص السكه الصنايعي هو اللى هيحدد معاك ايه اللى يركب وايه اللى ميركبش وايه ليه صرفه فيه وايه لاء بعدها تاخده من ايده وتروحو تشترو المكنه وتجربوها وتتفقو على مدة ضمان اختبار وافضل طبعا تجيب المكنه بكل حاجتها كنترول وفتيس وتكييف وكله وبرضو حسب المعروض والسعر وطبعا مكنه اعلى هتحتاج العفشه كلها تبقى حالتها افضل مما هى عليه الان من اول قواعد الموتور للفرامل والمساعدين بالنسبة لاثبات الموتور واجراءات المرور يرجى الرجوع للموضوع التالى وغيره من المواضيع المفصله كيفيه اثبات موتور استيراد أو جديد على السياره - مصر موتورز مجتمع السيارات للبحث عن مواضيع فى مصر موتورز استخدم محرك البحث فى الرابط التالى ظ…ط*ط±ظƒ ط¨ط*ط« ظ…طµط± ظ…ظˆطھظˆط±ط² - ظ…ظˆط§ظ‚ط¹ ط§ظ„ط³ظٹط§ط±ط§طھ ط§ظ„ط¹ط±ط¨ظٹط©
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| للتميز فى مصر موتورز ( اسعار جمارك السيارات) | Saif eldien | جمارك السيارات | 96 | 26-03-2015 01:24 AM |
| فورد اسكورت 1999 | khames | فورد FORD | 16 | 19-01-2015 11:38 AM |
| محتاج ماتور لجولف 2 موديل 89 وعاوز رايكم اركب 1300 ولا 1600 ولا 1800 | mickel2005 | جولف GOLF | 9 | 20-11-2011 12:12 AM |
| تاريخ اسطورة فورد | شادي2007 | منتدى السيارات العام | 3 | 25-08-2009 09:52 PM |
| طائرة فورد ؟؟؟؟؟؟!!!!! | ahmed_kamel | فورد FORD | 6 | 03-04-2009 01:34 AM |
