انا شايل الترموستات

[ابوشوقى]

الساده الأفاضل
تحياتى لكم جميعا
عندى فيرنا 2007 1500 cc
انا شلت الترموستات من الطبه اللى داخله على الماتور
الكلام ده صح ولا غلط
وايه فائدته
ولكم جزيل الشكر

[zing0]

ليييييييه ؟ يعنى كانت فيها مشكله و شيلتها و لا من نفسك؟
يا راااااااجل دا أنا أشتريت العربية و ملغى منها الترموستات و متضايق جداً بسبب الموضوع ده
أولاً العربية هتبقى بارده زيادة عن اللازم و بالتالى البساتم مش هتسخن و تتمدد لدرجة إحكام الخلوص اللى فى الشمايز و عليه هيبقى كبس المكنة ضعيف و السحب زفت و الصوت هباب و تقطيع و برجله و دياوله.
ممكن أفضل ماشى 3-4 كيلو و العربية لسه نايمة أصلاً.
ثانياً العربية عندى كربراتير و بالتالى الضبط اليدوى لمسمار الهوا و البنزين لضبط النسبة بينهم بيتم و هيا العربية سخنه, أول متبرد تلاقى كثافة الهوا زادت يعنى كمية الأوكسجين بالنسبة للبنزين زادت يعنى إستهلاك البنزين زاد جدااااااااااً
ترموستات الكوعة فيها عيب واحد فقط, لو علقت بتجيب جوان وش سلندر على طول لو ما شوفتش مؤشر الحرارة. و ده علاجة حتى الآن تعود نفسك أول بأول تبص على مؤشر أو لمبة الحرارة و ممكن تركبلها صفارة لو عدت درجة حرارة معينة للتنبية. (ممكن يكون الكلام ده موجود فابريكا فى بعض السيارات بس معرفش بصراحة)

بوجة عام .... رجع اللى أنت عملته تانى أدام مفيش مشكله.
و ربنا يحفظنا أجمعين

[ahmed_eng2001]

المشاركة الأصلية كتبت بواسطة zing0 ليييييييه ؟ يعنى كانت فيها مشكله و شيلتها و لا من نفسك؟ يا راااااااجل دا أنا أشتريت العربية و ملغى منها الترموستات و متضايق جداً بسبب الموضوع ده أولاً العربية هتبقى بارده زيادة عن اللازم و بالتالى البساتم مش هتسخن و تتمدد لدرجة إحكام الخلوص اللى فى الشمايز و عليه هيبقى كبس المكنة ضعيف و السحب زفت و الصوت هباب و تقطيع و برجله و دياوله. ممكن أفضل ماشى 3-4 كيلو و العربية لسه نايمة أصلاً. ثانياً العربية عندى كربراتير و بالتالى الضبط اليدوى لمسمار الهوا و البنزين لضبط النسبة بينهم بيتم و هيا العربية سخنه, أول متبرد تلاقى كثافة الهوا زادت يعنى كمية الأوكسجين بالنسبة للبنزين زادت يعنى إستهلاك البنزين زاد جدااااااااااً ترموستات الكوعة فيها عيب واحد فقط, لو علقت بتجيب جوان وش سلندر على طول لو ما شوفتش مؤشر الحرارة. و ده علاجة حتى الآن تعود نفسك أول بأول تبص على مؤشر أو لمبة الحرارة و ممكن تركبلها صفارة لو عدت درجة حرارة معينة للتنبية. (ممكن يكون الكلام ده موجود فابريكا فى بعض السيارات بس معرفش بصراحة) بوجة عام .... رجع اللى أنت عملته تانى أدام مفيش مشكله. و ربنا يحفظنا أجمعين

: THUMB_~112:

[محمد فيصل]

كارثة بكل ما تحمله الكلمة من معنى
عليك بإعادة الوضع كما كان مع تنظيف دورة المياه وإستخدام ماء احمر من نوع محترم

[borio1704]

إزالة ثرموستات الكوعة هو المسمار الأول في نعش الموتور


لمعلومات أكثر.. يمكنك الدخول على هذا الموضوع

ثرموستات الكوعة.... المفترى عليه


...