|
بيكانتو Picanto سيارة كيا الصغيرة الاقتصادية الانجح فى اوروبا ومصر |
|
أدوات الموضوع |
#1
|
||||
|
||||
تغيير اولسيل كوبلن بيكانتو
الاخوة الكرام السلام عليكم . النهارده هحكى تجربتى فى تغيير اولسيل كوبلن البيكانتو بس الاول عاوز اقول حاجة . لاحظت فى الفترة الاخيرة تذمر بعض الاعضاء من عدم الرد على تسأولاتهم وعدم وجود تفاعل مع الاسئلة وكتير بيدخل يقرا وياخد الفائدة ويبخل بانه يحكى تجربته وده طبعا لايصح انا شخصيا باستفيد كتير من مشاركات الاعضاء فى المنتدى المهم انا لسه شارى البيكانتو 2011 العربية ماشاء الله ممتازة وعجبتنى جدا لكن امبارح لقيت نقطة زيت على ارضية الجراج والزيت زيت باكم وكنت عارف وانا بشتريها انها عاوزة اولسيل كوبلن المهم قلت مبدهاش رحت لمركز خدمة بتاع عفشة بس عندنا بس ماشا الله ممتاز وعنده عمال شاطرين قوى وفيه حوالى 4 كوريك كهربا زى اللى فى التوكيل بالضبط بس عيبه زحمة المهم رفعنا العربية نتاكد قالى اولسيل كوبلن يمين روح هات واحد وتعالى . خدت العربية وكنت فاكر الموضوع سهل لكن للاسف محدش عنده . طلعت على المنصورة فى الحسينية قالو عند الخضرى رحت له برضه مفيش والعراقى والزعيرى مفيش ومركز خدمة العدوى مفيش بقيت مستغرب ان عربية منتشرة كده ومش لاقى امال لو بونتو ولا ماركة مش منتشرة كنت عملت ايه وبعد ما يأست لقيت محل اسمه كوريا قالى موجود ب 65 ج مبقتش مصدق نفسى الصراحة وقلت اكيد مش هو رجعت تانى للورشة وحلينا القديم طبعا القديم لازم بيبوظ وهو بيفكه ودى المشكلة انك لو فكيت متعرفش تمشى بالعربية لكن الحمد لله طلع هو نفس المقاس ركبناه ورحت بسرعة على اقرب بنزينة كملت زيت الفتيس وبقت تمام والحمد لله
__________________
لا اله الا انت سبحانك انى كنت من الظالمين |
#2
|
||||
|
||||
رد: تغيير اولسيل كوبلن بيكانتو
الحمد لله تمت تلك العملية الجراحية على خير
بارك الله لك فى سيارتك وحفظنا الله جميعاً من اى اعطال خبيثة
__________________
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
دليل اسعار صيانة وقطع غيار تويوتا ياريس | rehab11 | Yaris | 12 | 13-05-2013 02:41 PM |
كيا تطلق بيكانتو 3 باب 2012 الجديدة كلياً | مبارك القناوى | بيكانتو Picanto | 1 | 21-08-2011 11:32 PM |
كيا الأردن تطرح كيا بيكانتو 2012 الجديدة كلياً | رانيا 2 | بيكانتو Picanto | 0 | 11-06-2011 12:54 AM |
اسعار و جدول صيانات تويوتا ياريس من التوكيل(حازم خضر) | hazem_khidr | Yaris | 16 | 20-05-2009 09:59 AM |
تغيير زيوت السيارات | oldman | ميكانيكا السيارة | 0 | 04-04-2009 12:20 PM |