#1
|
|||
|
|||
مساعده بخصوص تيريوس مزديل 2000
السلام عليكم يا اصدقائى الاعزاء اريد مساعدتكم فى الموضوع التالى بخصوص تيريوس 2000 اوتوماتيك لسه شاريها من شهر:
1. صوت العربيه عالى مع انى روحت للمهندس سيد الفراش وقالى محتاجه كلاتش للمروحه وغيرته فعلا لكن صوتها مش كويس 2. سحبها من السكون اى من الوقوف تماما الى الحركه وبالاخص فى مطالع الكبارى بطىء جدا بحس انى انا بدوس بنزين كتير والحركه قليل وفى الوقت ده بسمع صوت شخلله غريبه مش عارف من الموتور ولا الشكمان ولكن على الطرق السريعه بتجرى كويس لحد 120 3. يوجد زيت كتير تحت كارتيره الزيت مغرق الشاسيه تحت الكارتيره مباشر ولما بعدى سرعة 80 لمبة الزيت تضئ اضاءة خافته وتختفى واحيانا تسبت علما بان الحراره مش بتزيد لانى كل شويه بشوف منسوب الزيت وازوده لو نقص وريت العربيه لميكانيكى جنبى فى التجمع قالى محتاجه تغير جوان جوان كارتيره واولسى كرانك ومن الافضل نغير طقم جوانات كامل للموتور طالما هنخرجه علشان اولسيهات الكرانك ماعدا طبعا جوان وش سلندر لن يتغير وقالى محتاجه نغير لها سيور وبوجيهات وفلتر زيت وبنزين وهواء ومحتاجه نظبط لها تاكيهات 3. العربيه استهلاكها للبنزين داخل القاهره 370 كيلو متر /40 لتر وفى السفر على الصحراوى حوالى 390 او 400 كيلو متر / 40 لتر استهلاكها ليه عالى مع انها 1300 سى سى 4. الدفع الرباعى بتاعها لما بشغله بتظهر لمبه فى التابلوه انه شغال بس بحس انى العرببه مش طبيعيه او مش شغال اساسا والمبه وهميه لما قولت للميكانيكى الى جنبى قالى لما نظبط الحاجات الى فى العربيه فى الاخر نشوفه وهل الكرونه الاماميه والخلفيه بتتزود زيت او شحم 5. لما باخد مطب هواء على الطريق العجلتين الى قدام بيعدوا عادى لكن العجلتين الى ورا بحس بخبطه كأن العربيه فيها حاجه خبطت فى الارض ارجو الافاده يا اصدقائى الاعزاء لانى متشائم شويه ونفسى افرح بالعربيه لانى لسه شاريها وهل بعد ما اغير الحاجات الى الميكانيكى قالى غيرها العربيه هتتظبط ولا ايه ياريت الى عنده فكره او خبره فى العربيه دى يساعدنى وياريت حد يقولى اسعار الحاجات دى كام تقريبا واشتريها من اى محل وهى كالاتى: طقم جوانات كامل للموتور اصلى طقم سيور كامل ( سير كاتينه بالبلى _ سير باور _ سير دينامو ) فلتر بنزين فلتر زيت فلتر هواء طقم بوجيهات 2 شمعه |
#2
|
||||
|
||||
رد: مساعده بخصوص تيريوس مزديل 2000
انا انصحك تكشف علي العربية كويس بالكومبيوتر قبل ما تعمل اي صيانة وتصرف فلوس والمشكلة متتحلش
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
#3
|
|||
|
|||
رد: مساعده بخصوص تيريوس مزديل 2000
تمام اخى العزيز رأيك صح مائة بالمأئة وانا هعمل كده إن شاء الله
بس ياريت تقولى على مكان اروح اكشف عنده على العربيه بالكمبيوتر وهل لما اكشف عليها هيقولى كل العيوب الى فيها وهل العيوب الى انا ذكرتها لها حل من وجهة نظرك وياريت لو تعرف تقريبا اسعار قطع غيارها وخاصه الى انا ذكرتها تقولى علشان اعمل حسابى فى كام وشكرا جزيلا لاهتمام وتقديرك |
#4
|
|||
|
|||
رد: مساعده بخصوص تيريوس مزديل 2000
ارجو الرد يااصدقائى الاعزاء للاهميه
وجزاكم الله كل خير |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هل يمكن تركيب سينسور بارك لعربية تيريوس موديل 2000 | seko700 | تعديل السيارات العــام | 4 | 24-11-2013 08:50 PM |
سؤال بخصوص دايهاتسو تيريوس اوتوماتيك99 | nabaleto | دايهاتسو Daihatsu | 9 | 09-09-2012 12:23 PM |
دايهاتسو تيريوس موديل 2000 كاملة اتوماتيك للبيع | mr star | ملاكى اسكندرية | 2 | 13-02-2012 02:21 PM |
تيريوس موديل 2000 حالة جيده أم لادا نيفا موديل 2010 | seko700 | مقارنات | 10 | 15-11-2011 02:50 PM |
صوت احتكاك عالى على الخامس فى تيريوس 2000 ( افيدونى يا اهل الخبرة) | pp900 | دايهاتسو Daihatsu | 11 | 15-08-2009 11:06 PM |