#36
|
|||
|
|||
رد: عايز تشتري عربية ومحتار؟؟؟؟ تعالى أقوللك إزاي تختار
ألف شكر علي المعلومات القيمه ده
بس أنا ما بفهمش في العربيات كتير وعاوز أشتري عربيه تكون حنينة في قطع الغيار وأستهلاك البنزين وانا عاوزها علشان أولادي ( أسرة من خمس أشخاص ) لقيت 3 عربيات وهما ألتو 800cc hاسبرانزا a113 هيونداي i10 بس ده غاليه عليه لأني عاوز أقسط تبع بنك واللي معايه مقدم هما 10000 بس أعمل أيه ؟ أفيدوني |
#37
|
|||
|
|||
رد: عايز تشتري عربية ومحتار؟؟؟؟ تعالى أقوللك إزاي تختار
انا عاوزه اشترى عربيه وموضوعك فادنى جدا وبعد اذنك انا محتاجه مساعدتك لانى مش بفهم فى العربيات او حاجه العربيه تكفى اسره وتكون صالونها واسع ومرتاحين فى القعده العربيه مشاوير جوه القاهرة وممكن مره فى الشهر نروح بيها اسكندري موفره للبنزين تستحمل شقى الشوارع هنا وكمان برستيج جدا لانى شغاله فى الجامعه وجوزى مدير انا اول مره اسوق انا وجوزى فمش عارفه جديد ولا مستعمل (احنا قولنا مستعمل لان الجديد خربشته صعبه جدا واحنا لسه فى الاول) اعتقد سيدان ولو ممكن حضرتك الهاتشباك الى يناسب ايه حجمها متوسط مش ضخم علشان الركنه ما تكونش صعبه وكمان نكون مرتاحين فيها الحاجات الاساسيه تكيف - باور - اتوماتك - شبابيك كهربا - abs - ايرباج - جنوط سبور - gps - ويفضل كراسى جلد لو ممكن علشان الولاد السعر لحد 150 الف لا اكثر ممكن اقل طبعا الصيانه لا اعلم شى عن اى نوع المصنع : احنا ما يلين للالمانى بس انت لو شايف حاجه تانيه ياريت تفيدنى مع العلم ان جوزى شغله بره القاهره يعنى لو حصل حاجه فى العربيه عطل او خلافه محدش حيكون معايا وانا معايا ولادى صغيرين معلش حتعبك معايا بس انا مش لاقيه حد يفيدنا وشكرا جدا |
#38
|
|
رد: عايز تشتري عربية ومحتار؟؟؟؟ تعالى أقوللك إزاي تختار
أولا.. شكرا على ثقتك... وأكيد مفيش تعب ولا حاجة... يا رب تلاقو حاجة مناسبة وتنفعكو إن شاء الله بالنسبة للمتطلبات اللي حضرتك قلتي عليها.. فقدامك مجال واسع نسبيا للاختيار.. وهنحاول نقلله مع بعض: أول ملحوظة ... ما دام أول مرة حضراتكم تسوقوا يبقى توجهنا على طول للمستعمل... لإنه ببساطة المتوقع إن غلطات السواقة هتكون كتيرة نسبيا في أول سنة أو سنتين بالكتير. ميزة السيارة المستعملة حاجتين: عشان كده أفضل إننا نشوف حاجة متوسطة موديل ما يبقاش أقدم من 2008.. كده حالتها تبقى معقولة وسعرها كويس كمان. من ناحية المصنع... أنا شخصيا أفضل الياباني والكوري... لكذا سبب: بالنسبة للحجم... كلمة متوسط دي في مصر ممكن يكون مقصود بيها فئة غير المتعارف عليه في بقية العالم لإن سوقنا الفئات فيه محدودة شوية... فمحتاج من حضرتك مثال لعربية من الحجم المتوسط في رأيك. بالنسبة للتجهيزات الأساسية: كل التجهيزات اللي حضرتك قلتيها موجودة في معظم العربيات... يمكن الـGPS فقط هو اللي صعب شوية... وده ممكن نستعيض عنه إما عن طريق موبايل سمارت فيه GPS... أو نشتري شاشة مع GPS من محل أكسسوار عربيات محترم.. بس ده تكلفته ممكن تدخل في حوالي 2000-3000 جنيه. أتوقع بالكلام اللي فوق ده ممكن نلاقي حاجة ممتازة بسعر حوالي 60-80 ألف ومستني الرد بالنسبة لحجم السيارة ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
#39
|
|||
|
|||
رد: عايز تشتري عربية ومحتار؟؟؟؟ تعالى أقوللك إزاي تختار
رائع .. بارك الله فيك وجعله في ميزان حسناتك
|
#40
|
|||
|
|||
رد: عايز تشتري عربية ومحتار؟؟؟؟ تعالى أقوللك إزاي تختار
لو سمحت ايهما افضل اوبترا ام تيجو اسبرنزا
|
الكلمات الدليلية |
مطلوب شراء سيارة, دليل |
|
|