محتاج مشاركه الخبراء.

[Aymank2]

بسم الله الرحمن الرحيم.
معايا اكسل 1500 كامله مانول كاربراتير.
كنت بشتكى من 3 حاجات فى العربيه .
1-بخر زيت كان مبهدل ماتور العربيه الزيت كان بينقص بسيط بس مكنش فيه نقص زيت كتير ولا وجود لدخنه سوداءسحبها ومشيها كان ممتاز والبوجيهات كانت زى الفل كل مره بشيك عليها.
2-وجود تسريب مياه من ماسوره المياه خرم صغير العربيه مكنتش بتسخن بس بتتزود ميه كل يوم تقريبا نصف لتر
3-العربيه بتحرق بنزين جامد معدل 140 للصفيحه 20 لتر مع ان التكيهات متظبطه والكهرباء والبوجيهات 10على 10بستخدم دائما بنزين 92.
تم عمل الاتى.
1-طقم شنبر للقضاء على بخر الزيت مع تغير طقم سيور الصيانه بالكامل لسيور اصليه دايكون تغير ماسوره المياه تغير علبه الشكمان لانها كانت مسدوده من الزيت مع تغير سوسته الشكمان .
2-تنظيف وتسليك الرداتير وتنظيف للقربه مع ان الرداتير الامونيوم وكنت مغيره جديد وبستخدم دائما ميه خضراء من ساعت مغيرته.
3-تنظيف وتسليك الكربراتير وتغير اكس وباب وعمل اللازم عند واحد مشهور فى شبرا مصر الباب التانى ملغى صاحب العربيه القديم لاغيه وبتاع الكربراتير قالى عادى 90% من الناس بتلغيه لانه بيتصلح ويبوظ تانى وقالى الكاتينه ماخره سنتين ظبطها عند الميكانيكى وجرب استهلاك العربيه وارجعلى وطبعا الميكانيكى ظبطها 10على عشره.
بعد معملت ده كله لسه عندى مشاكل كالاتى
1-سحب العربيه ممتاز المشكله استهلاك البنزين لسه زى ماهوه 140كيلو للصفيحه ال20لتر بنزين 92 مشى 65%جوه البلد يعنى اول تانى تات بالكتير رحت لبتاع الكربراتير شيك على الماتور وشاف البوجيهات نظيفه قالى عربيتك ماتور وكاربرتير 100% وقالى كلام مش مقنع زى شيك على الخراطيم والتانك طبعا هما عندى 10على عشره ومفيش تنقيط ولا ريحه بنزين والتنك بقفله بنفسى فى البنزينه قلى صفر العداد انتا وعربيه تانى وامشى مشوار وشوف العربيتين نفس الرقم طبعا العدادات مظبوطه وان بعرف المسافات الى بمشيها اخر تقليعه قالى اغير البنزينه طبعا حسيت انه كلام سخيف لانى بحط بنزين فى اكتر من بنزينه وانا من القاهره وبحط فى بنزينات نضيفه فى مصر الجديده والمهندسين شديت معاه جامد وسيبته ومشيت بعد كده حصلت مشكله اكبر كل مشغل السخان الصبح يفضل معلق ال RBM.يوصل لل2 كانك حارق على اخر الاول ميتظبتش الا لما ابطل العربيه عشر دقايق وادورها يرجع مظبوط الشرطه الى تحت الواحد والاكتر من كده جيت اجرب التكييف عمل نفس المشكله برضو !!!!! ياريت راى الخبراء ولو الرأى انى اروح لبتاع كاربراتير تانى تنصحونى بمركز الصفا ياريت عنونهم ورقم تليفونهم .
باقى المشاكل بخر زيت خفيف بحط زيت شل الاحمر متعدد الدرجات 20-50 الزيت مبينقصش.
الميه بتنقص حوالى نصف لتر كل يوم مع ان مفيش اى تسريب والعربيه سخنه او بارده وبشيك على الموضوع ده بنفسى 100% العربيه بتمشى حوالى 35كيلو كل يوم.
اسف على الاطاله واشكر كل من سيقدم الرأى والنصيحه.

[zing0]

بص يا باشا
أنا أول ما أشتريت العربية كانت محتاجة طقم شنبر و الإستهلاك عالى , تمام زى مشكلتك
و الميكانيكى اللى بعتنى على ورشه مشهورة أوى فى شبرا, لدرجة ناس من الصعيد جايين و حاجزين دور من الفجر !!!
عملوا باب فقط و حاسبونى (أكس و باب) و برضوا المشكله قائمة و برجلة زادت.
و سألت أكتشفت أن كل ورش الكربراتير فى شبرا كانوا صبيان الحاج إبراهيم و طبعاً مش فى خبرته بس الشهرة بتاعة الشغل بتاعه خادماهم رغم أنهم معظمهم نصابين.
فضلت على الحال ده لحد ما أخونا البشمهندس سيد عصام مشرف قسم الفيات رشحلنا واحد بتاع كربراتير فى دار السلام. قولت نجرب.......
بجد عبقرى كربراتير
صنايعى شياكه فى التعامل و متعلم و خبرة و أمانه, لو معندكش حاجة بيقولك, و الأهم من وجهة نظرى, بيعمل أى شغل خراطة بنفسه قدامك على المكنه و المقاسات عالشعرة بالبوكليس.

مركز الصفا برضوا اللى فى جسر السويس أسمع أن شغله كويس بس أسعارهم أوووووووفر

نصيحتى : جرب البشمهندس معتز و قولنا النتيجة أيه. و شوف كلام الناس اللى جربته برضوا عالنت قبل متروح.

كربراتير ====== بيانات البشمهندس معتز المصرى تليفون:01222648701 العنوان :12ش زهير العتال من مصر حلوان الزراعى بجوار الشبراويشى وامام كشرى كهرمان - دار السلام من الكورنيش, هتدخل فى الشارع إللى بين المحكمة الدستورية و مستشفى القوات المسلحة ( مدخل موقف المطبعة) و آخر الشارع هتدخل شمال فى الشارع الزراعى لحد متلاقى محل "ألبان رزة" على شمالك, قبل شركة الشبراويشى, تدخل الشارع اللى قدامه يمين هتلاقى الورشة (عالم الكربراتير)

بالنسبة للمياه اللى بتنقص:
مبدئياً أنا أعرف إن الألومنيوم مالوش مياه خضراء, المفروض حمراء, و الأفضل من الحمراء و الخضراء (علشان مضروبين فى السوق) تحط مياه مقطرة من تكييف أو بتاعة البطاريات السايلة أو أى مصردر, المهم مش مياه حنفية علشان الأملاح.
طبعاً المفروض الأول تشوف تسريب المياه منين؟ من الريداتير و لا الخراطيم و لا طبب المكنه (اللى فى بلوك الموتور)
- هتطلع مشوار تزود فيه سرعتك (و تحرق شوية عالغيارات) و بعدين تشوف فيه آثار مياه من الخراطيم أو تحت الريداتير أو على جسم المكنه. و طبعاً بتاع ريداتيرات يعملهالك لو محتاجة لحام الومنيوم.


أعانك الله