تقرير عن صيانة 35000 للفيرنا * Corsair *

[mar mar]

: 070104~242:
يموت المعلم وهو لسه بيتعلم عادي بقي يا باشا لازم نجرب
شكرا علي نقل تجربتك لينا : 01F6EB~150:

عندك حق والله يا مرمر فعلا هنفضل نتعلم لحد ما نقابل رب كريم تسلمي ونورتي الموضوع وتقبلي تحياتي

[SuccessCre8or]

الف مبروك الصيانة و عقبال 100 الف ان شاء الله

الله يعزك يا غالي

والحق يقال واحده اتصلت بيا من كارتك وقالتلي ايه اخبار الخدمة قولتلها وش زي الزفت والعربية زي ما هيه وهيه اتصدمت من كلامي وبقيت كل شوية تتصل بيا وتتحايل عليا علشان اروح اشيك علي العربية واعيد عليها الشغل وفعلا روحت والحمد لله اني روحت لان كان في تسريب في زيت الباور وانا معرفش هما اكتشفوه وكان في امونيا ملح علي الاكواع بتاعت الخراطيم وهما بردك اللي اكتشفوها

وغيرت خرطوم زيت الباور ونظفت دورة المياه بالكامل والاكواع من الملح وحطيت مياه خضراء وعملت العدادت لكن الباب للاسف لقيته بيقولي لازم كالون جديد بس هقضيها كدا لحد ما ربنا يسهلها واشتريه في اي وقت تاني ودفعت 115 جنيه بالتمام والكمال

[Dr: Ahmed Sultan]

الواحد ما بيتعلمش ببلاش
والحمد لله انها تيجي فى الحاجات العادية دى
المهم اكيد انتا اخدت خبرة
وممكن تعمل الصيانات الخفيفة لوحدك او برة (نزل زيت وحط الجديد - فلتر كل مرة ومرة - تربيط عفشة ) الكلام ده
بس فى سؤال
ازاى زيت ال5000 تمشى بيه 15000
معروف ان فسكو بيتبخر ودة رأى ناس كتير ع المنتدى وفى عربيات كتير
انا فى رايي زيت ال 5 ممكن يقعد 7 ويكون مش كويس ع الموتور بشرط انك تغير فلتر زيت كل غيار
لكن 15000 !!!!!!!!!!!!!!!!!