#1
|
|||
|
|||
شويه استفسارات من خبراء الانوس
انا دلوقت بكره او بعده هودى العربيه للميكانيكى عشان انضف بوابه و ايدل و رشاشات فكنت قريت موضوع هنا على المنتدى قبل كده ومش لاقيه دلوقت المهم قريت انى بحتاج منظف كاربراتير و wd-40 طيب منظف الكاربراتير و عارف بيعمل ايه ال wd-40 ده ليه و فايدته ايه ؟؟
ايه اللى اخلى بالى منه و الميكانيكى شغاله عشان ميبوظش حاجه عشان اليومين دول معنديش اى استعداد انى اغير اى حاجه فى العربيه اخر حاجه بقى انا قريت لحد دلوقت طريقتين لعمل الايدل ليرن و مش عارف مين فيهم الصح الاولى : افتح الكونتاكت 5 ثوانى و اقفلة 3 مرات متتالية دور الموتور و بعد 3 دقايق على السلانسية شغل التكييف و سيب العربية دايرة دقيقتين كمان اطفى التكييف و بعدين بطل العربية التانيه : 1- أفتح الكونتاكت لمده 5 ثوانى 2-أغلق الكونتاكت لمدة 5 ثوانى 3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه 4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى 6-أفصل التكييف(ان وجد) لمدة 10 ثوانى فمين الصح والعربيه لانوس 2002 كامله اخر استفسار بقى من رجاله المنيا اللى فى المنتدى مين ميكانيكى كويس يعمل الموضوع ده كويس |
#2
|
|||
|
|||
رد: شويه استفسارات من خبراء الانوس
114 مشاهده و ولا رد واحد هو انا سؤالى صعب اوى للدرجه دى و لا المنتدى نايم ولا ايه ؟؟
|
#3
|
|||
|
|||
رد: شويه استفسارات من خبراء الانوس
اولا يا باشا ماتزعلش يمكن الناس مشغولة ولا حاجة ,,,,,,
ثانيا موضوع ال WD40 ده وظيفته انه بيشيل الصدأ من اي حاجة و بجد ده عمرك ما حتستغنى عنه خالص سواء في عربيتك او في بيتك عشان بيسموه مزلل الصعاب , المهم حتحتاجه عشان ترسه على حساس الايدل عشان لو فيه صدأ على راسه او على السوسته بتاعته الصدأ ده ينزل وكمان عشان يزيت السوسته بتاعت الحساس , على فكرة انت كمان ممكن تزيت اي مفصلات في العربية حتلاقيها بقت زي الحلاوة . بالنسبة للحاجات اللي تاخد بالك منها وانت عند الميكانيكي فبصراحة مش عارف اقولك ايه بس خلى عينك دايما علي ايده لانه لما حيفك البوابة عن المانافولد بيكون في مسامير و جوان بينهم ممكن يضيعوا و في كمان حساس اسمه حساس العمة تحت الكاوتشة اللي واصلة لفلتر الهواء خالي بالك منها عشان ساعات بتتفك او بتتهز اثناء عمل الصنايعية ودي ممكن تسبب مشاكل في نظام الحرق . اما بالنسبة لطريقة عمل الايدل ليرن فهي كالتالي : 1 - بتفتح الكونتاكت ثلاثة مرات لمده خمس ثواني . 2 - بدور العربية بدون اي احمال عليها خالص لمده 3 دقائق 3 - بعد ما يخلصوا ال 3 دقائق بتشغل كل احمال العربية بالكامل زي التكييف و الكاست و النور العالي و نور الضباب و الانتظار و نور الصالون زده لمده 2 دقيقة , حتلاقي العربية بتترج منك شوية كبر دماغك ده عادي . 4 - اطفى العربية بعد الدقيقتين وشغل تاني وزود بنزين لغاية ما عداد الRPM يبقى ثابت و صوت العربية هدى . وبالتوفيق ان شاء الله .
__________________
|
#4
|
|||
|
|||
رد: شويه استفسارات من خبراء الانوس
نسيت اقولك على حاجة يا باشا , الميكانيكي لازك حيفك بكرة الاكسيراتير , لما يجي يركبها تاني حتحس بعضة في دواسة البنزين لازم تخليه يعمل رجلاش لمسمار البكرة بحيث العضة تروح و صوت الموتور ما يعلاش .
__________________
|
#5
|
||||
|
||||
رد: شويه استفسارات من خبراء الانوس
كل الي انت بتتكلم علية ممكن تعملة بنفسك
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
أدوات الموضوع | |
|
|