|
عفشة السيارة عفشة السيارة تشمل أنظمة التعليق و التوجيه و نقل طاقة المحرك للعجلات |
|
أدوات الموضوع |
#1
|
|||
|
|||
يعنى اية رزجينة
السلام عليكم
انا معايا جولف 2 وفيها حدفة يمينن روحت لبتاع زوايا قالى العربية فيها عجلة الزاوية بتاعتها مش مظبوطة ومحتاجة زرجينة. قلتلة كفاية كدة. انا عارف ان زرجينة دى لاستعدال الشاسية، يبقى استخدمها لية فى ظبط زوايا علشان تصليح 2 مليمتر (مش سنتىمتر). ارجو الافادة والسلام ختام |
#2
|
|||
|
|||
رد: يعنى اية رزجينة
الزرجينة يا غالي مش لاستعدال الشاسيه بس لا واستعدال اي ترحيله في الكاوتش كمان لان اكيد عربيتك خبطت في حجر او خدت نقره جامده او مطب فاجأة فعلشان كدا مش هتنفع غير بالزرجينه وربنا يسترها عليك وعلينا
|
#3
|
|||
|
|||
رد: يعنى اية رزجينة
الف شكر ليك على ردك، انا رحت لواحد تانى يتاع زوايا وعفشة (مؤتمن) وقالى الاول تغير الجلف وبيض المقصات وبعدين نقيس تانى، ودة الى ناوى اعملة. والسلام ختام |
#4
|
||||
|
||||
رد: يعنى اية رزجينة
بتاع الزوايا بيعمل زراجين برضو لو العجل مرحل بس غالبا برضو بيستغلو حوار الزرجينة ده علشان يشتغلو بيه الناس ويتقلو الحساب
عموما انت فى الحالة ديه خليه يظبط ويطبعلك تقرير الكمبيوتر عن قرايات الزوايا الحالية وممكن تروح لواحد تانى تاخد رايه محتاجة زرجينة او لاء وتقارن بين قرايات الاول والتانى |
#5
|
|||
|
|||
رد: يعنى اية رزجينة
تم تغيير الجلب وبيض المقصات وظبط زوايا وتبديل العجل والنتيجة ممتازة بدون زرجينة ولا خلافة
|
أدوات الموضوع | |
|
|