|
كيا سيراتو Cerato من انجح سيارات كيا عامة وسميت باكثر من اسم منها فورت و سبكترا وشوما قديماً |
|
أدوات الموضوع |
#1
|
|||
|
|||
سرقة عربيات كيا سيراتو
السلام عليكم ورحمة الله وبركاتة
الى كل الاصدقاء فى هذا المنتدي الكريم والى اصحاب السيراتو خاصة. انا معاية العربية وقرأت كتير على موضوع السرقة بتاعتها واختلاف بين الروايات واهمها: اولا" : ناس بتقول ان الشفرة اتسرقت من التوكيل وبقوا بيعملوا مفتاح للعربية بهذة الشفرة وتتسرق بدون عنف. ثانيا" : ناس تانية بتقول ان العربية يمكن فتح السنتر بتاعها بسهولة وكمان ممكن تدورها بكل سهولة عن طريق علبة الفيوزات . المهم ان احنا دلوقتى فى مشكلة وهى ان العربية سهلة السرقة وبما ان مفيش حد بيفكر فى حماية عربيتنا بعد ما تم الشراء يبقى احنا لازم نفكر ازاى نحميها ( اكيد احنا اذكى من الحرمية الملاعين ولاد ال تتتتتيييييييييييييييييييي يييييييتتتتتتتتتتتتتتتتت) . اولا": لازم يتم اخفاء رقم شاسية العربية اللى تحت البربريز الامامى (حط علية ورقة سوداء). ثانيا" : شيل اى استيكر من على زجاج الابواب لانة علية رقم الشاسية بردة. ثالثا" : لازم تحط دراع قفل الدريكسيون (يوجد نوعان واحد فى عجلة القيادة والثانى من عجلة القيادة للفرامل) وممكن تشتريهم من شارع دمشق للى ما يعرفش بيتباعوا فين . رابعا" : فى جهاز انذار بيركب على العربية ولية ريموت بيشتغل لما تفتح العربية بمفتاحها وكمان بيخلى المارش ما يشتغلش ( يعنى تيجى تدور بمفتاح العربية ما تدورش) غير لما تفتح بالريموت بتاع الانذار واعتقد انه بيغلق دائرة المارش وهى دى فكرة عملة. خامسا": توخى الحظر دائما" وعدم التهاون فى وضع ذراع قفل الدريكسيون حتى لو كنت نازل واقف جنب العربية لان بعد الشر عنكوا السرقة بتتم فى لحظة. وربنا يكفينا شر ولاد الحرام دول ويبعدهم عنا , اللهم امين يا رب العالمين ولو فى اى حد عنده اى مقترحات لتامين السيارة من السرقة ياريت يشترك معانا ويقول على افكارة لعله ينفع بها احد ويكفى عنة ولاد الحرام وتكون له فى ميزان حسناتة ( ارجوا المشاركة بالرأى والنشر) والسلام عليكم ورحمة الله وبركاتة |
#2
|
|||
|
|||
رد: سرقة عربيات كيا سيراتو
شكراااا جزيلا على موضوعك القيم واكيد يهم الجميع وبالذات فى الايام الى احنا بنعشها اليومين دول
طيب السيراتو الى بسمارت كى اية ظروفها المفروض انها لو مفهاش المفتاح ما تتحركش ولا دة كلام اونطة؟؟؟؟؟ |
#3
|
||||
|
||||
رد: سرقة عربيات كيا سيراتو
انا عن نفسى بشيل فيوز طلمبة البنزين كل ما اركنها هى متعبة شوية بس احسن من السرقة
عربيتى لانوس
__________________
ONE DAY YOU WILL SEE MY PLACE IN THE WORLD OF HISTORY |
أدوات الموضوع | |
|
|