|
المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
أدوات الموضوع |
#1
|
||||
|
||||
عداد الكيلومترات والرحلات الأصيل
عداد الكيلومترات والرحلات من النوع الميكانيكى على الرغم من بدء إنقراضه فى العديد من السيارات الحديثه إلا أنه مازال يتربع على القمه معبرا عن الأصاله وروعة التصميم الهندسى والدقه البالغة الروعه فى تصميمات نسب تخفيض التروس البالغة الجوده فهو بالفعل نابع من تفكير أكثر من رائع لمخترع هذا النوع من العدادت والعداد من هذا النوع ماهو إلا سلسه من التروس الفيبر المخصوص والخارقه فى التصميم لنسب التخفيض بين التروس فحينما ننظر لتصميم العداد الموضح بالشكل نجد أنه يتم تخفيض نسبة التروس بين الداخل والخارج بنسبة 1690 : 1 وهذا يعنى أن هذا العداد سيسجل قراءه واحد ميل على العمود الحامل لأرقام القراءات بعد أن يدور عمود دخول الحركه للعداد 1690 مره هذا النوع من العدادت الميكانيكه ... تم أستبداله بأنواع أخرى من العدادات الخاصه بتقييم الكيلومترات المقطوعه ومسافة الرحلات المقطوعه بعدادات رقميه ( ديجيتال ) ذات معالم هندسيه أخرى وأقل فى تكلفة أنتاجها بالضبط نقدر نشبه العدادات الميكانيكيه بساعات زمان الأصيله وساعات اليوميبن دول ....الرقميه فنظامه أيه العداد الميكانيكى ده من جواه .....وبيشتغل أزاى Mechanical Odometers يتم تدوير عمل دخول الحركه لهذا العداد بكبل مرن ( لولبى ) محطوط داخل جراب ومتصل الكبل من جانب بالفتيس لأخذ أشاره لولبيه بسرعة خرج الفتيس ونقلها على عمود دخول الحركه للعداد يلف الكبل الخاص بتشغيل العداد مثل الحيه التى ترقص فى حركه لولبيه من أسفل لأعلى وناقله حركتها اللولبيه لأعلى فمع بداية لولبة الكبل من عند الفتيس ....تنتقل الحركه اللولبيه حتى لوحة العدادات وتحديدا عند منطقة دخول الحركه اللولبيه لعمود دخول الحركه للعداد فكيف يتم عمل العداد من الداخل ................؟ . The Gearing هذا النوع من العدادات الميكانيكيه يستخدم سلسله مكونه من ثلاث تروس دوديه أول ترس دودى هو المركب عليه الماسوره الصاج اللى أمامنا يسارا لتركيب نهاية كبل السرعه على هذا الترس الدودى من أجل تدويره لبدء عمل مجموعة التروس بأنواعها حتى الوصول لنسبة تخفيض فى السرعه الدورانيه من خلال تقسيمات التروس تعادل 1960 الى 1 ...............كما بينا من قبل كل لفه للترس الدودى الأول تلفف الترس العادى المعشق معه لفه كامله ومع هذا الترس العادى على نفس محوره ترس دودى آخر ( ذو اللون الأحمر ) ( الأثنين بشكل مائل أمامنا وعلى محور واحد ) الترس الدودى الأحمر يدور معه فى نفس الوقت ترس أحمر عادى معشق معه والترس الأحمر العادى على نهايته من جوه العداد آخرترس دودى فى المجموعه الدوديه آخر ترس دودى أحمر بيدور برضه ترس عادى أحمر آخر والترس ده معلق على رقم العشرات لمبين العداد أسيبكم مع شكل العداد من جوه أحسن وبلاش خوته دماغ
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
#2
|
||||
|
||||
رد: عداد الكيلومترات والرحلات الأصيل
رائع كعادتك ويشرفنى اكون اول رد واول القارئيين لموضوعك .
الترس الاول اللى على اليمين دة دايما لة خلفية بيضاء فى عداد الرحلات دة بتاع اية ؟ اول ترس |
#3
|
||||
|
||||
رد: عداد الكيلومترات والرحلات الأصيل
ده بتاع كسور الكيلو أو الميل ( حسب تدريج القراءه )
يعنى قدامك عليه أرقام 2& 3&4 بالأحمر ودول بيعبروا عن 200 متر & 300متر & 400 متر على الترتيب ولو حطينا غطاء العداد يبقى الرقم حيكون قارى 300 متر وأول مايوصل ل900 متر ويبدأ يكمل يروح مشغل رقم واحد فى آحاد القراءات ( فى أول صينيه أو حلقه سوداء جنبه حامله للأرقام الخاصه بآحاد الكيلو مترات ) زى نظام عداد النور تماما مع أختلاف طريقة تغذية العداد بدخول آلية تشغيله
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
التعديل الأخير تم بواسطة samirayad ; 24-01-2011 الساعة 11:07 PM |
#4
|
||||
|
||||
رد: عداد الكيلومترات والرحلات الأصيل
يعنى الترس ده أو الحلقه لأنه مش ترس فعلا ( الأبيض وحامل للأرقام الحمراء )
هو اللى بيظبط كل الأمور تباعا وهو من يشغل كل الأرقام على الصوانى أو التروس الحلقات الحامله لتدريج الآحاد والعشرات والمئات ___________________ أول مايكمل دورانه لحد 900 متر يروح مظبط التانى على رقم 1 كم ولما اللى بعده يوصل ل 9 كم يروح مظبط بتاع العشرات على رقم 1 ( أى عشره كيلو ) وهكذا تنتقل الحركه من اليمين للشمال
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
التعديل الأخير تم بواسطة samirayad ; 24-01-2011 الساعة 11:07 PM |
#5
|
||||
|
||||
رد: عداد الكيلومترات والرحلات الأصيل
تمام .. تسلم يا بشمهندس متميز كعادتك دائماَ ..
|
أدوات الموضوع | |
|
|