المشاركة الأصلية كتبت بواسطة bassol200
اتوكل على الله الصني عربيه حلوه مقابل فلوسها بتاخد امكانيات كيتير و لو انى افضل تشتري اوتو كامله و سيبك من السوبر صالون .. انا معايا صني 2010 برضه ماتفكرش انى بتكلم من دماغى بس انا ليا وجهة نظر متواضعه .. ان العربيه دى ماتخصش الفئات الفخمه بشئ .. و اقصد بالفئات الفخمه هنا يعنى الالماني من اول 250 الف و طالع ... يعنى دى عربيه استهلاكيه عاديه .. احسن شئ فيها الآمان و الراحه فى السواقه و قوتها .. و السوبر صالون دى قصه فخامه .. فخامه مع عربيه متوسطه فى السعر و كده .. تحس المعادله مش متظبطه .. اوضحلك اكتر .. السوبر صالون التابلوه بتاعها فيه خشب ابانوس .. لا ده مش خشب ابانوس .. ده بلاستيك مطبوع .. طيب و ليه تدفع فلوس بزياده .. خد الاوتو كامله بالبريك سيستم و الاير باجز و الكلام ده ووفر 6 الاف ولا 4 الاف .. اصرفهم على العربيه بمزاجك مثلا تضيف سماعات زياده او تغير spark plugs او تغير جنوط .. او تخليهم للصيانات و تشيلهم فى البنك .. انت و هواك و دى وجهة نظري .. وجهة نظر شخصيه عن عربيه انا بقالي اكتر من 4 شهور بستخدمها و هى عربيه ممتازه من ناحيه الاداء و الامان ..و لو الكلام على الرفاهيه ماتخليش حد يضحك عليك و يقولك فى عربيه تدخل فى فئه السيارات المجهزه بتقنيات حديثه و امكانيات و فخامه تحت ال 200 الف جنيه على الاقل .. فاهمني !! فكر تاني و احسبها و مبروك مقدما اختيار موفق باذن الله ![Smile](http://www.masrmotors.com/vb/images/smilies/smile.gif)
|
الله ينور عليك يا باشا
اتفق معك فى الفكرة تماما تماما
ممكن بالفرق يجيب جنوط 16 و فرش ممتاز و كاميرا و عتب وكساحات و مرايات ضم بالاشارات بتقفل لفوق من مودرن