|
سيات SEAT سيات SEAT سيات الاسبانية الاصل الالمانية الطابع قائد الجناح الرياضى فى مجموعة فولكس الالمانية من اهم موديلات سيات كوردوبا ابيزا وتوليدو وليون |
|
أدوات الموضوع |
#1
|
|||
|
|||
صيانة سريعة لعدادات الابيزا ..
السلام عليكم يا اهل السيات ..
اليومين دول الواحد خارج من امتحانات و في فترة استرخاء نسبي من التعامل مع البشر فا بحاول اعمل الحاجات الخفيفة في العربية و اظبطها الي حد ما العدادات .. الابيزا 94 عدادها كالاتي عداد RPM و ده 7000 د.د عداد سرعة 200 كيلو عداد بنزين عداد حراره لمبات كتير زي الاشارات و النور و العالي و الفوجات و الهاند و الخ الخ بنعمله صيانه ليه .. العداد فيه بوردة بتبقي موصله بالكهربا عن طريق فيشه و ضفيرة للعداد و انتوا عارفين تراب بلدنا اللي بيتسلل لاي حته و بيدخلها مهما كان صغر حجم الحيز اللي بيسمح بدخول التراب .. طريقة فك العداد.. الاول هنفك الفريم اللي ادام العداد هو مربوط بمسمارين من فوق و نحترس و احنا بنفك الفريم لانه من تحت فيه 2 كلبسات واحد يمين و واحد شمال مثبتينه في التابلوه و نحاول منخليهمش يتنطروا من الفريم .. بعد كده هتلاقي العدادات مكشوفه ادامك هتبص علي اليمين و الشمال هتلاقي مسمارين مثبتين العدادات في حاجة زي فريم صلب معمول للعدادت زي القاعده كده تفك المسمارين دول بالراحه عشان مكانهم ضيق .. و بعد كده تميل العداد لتحت تخلي العدادات وشها في الطاره تنيمها بمعني اخر يعني و تشيل الفيشه عن طريق الضغط عليها من الاجناب و تخلعها و تسيبها مكانها .. و تطلع الطقم بالراحه من فتحة الطارة العلوية و محدش يضغط عليه جامد عشان جسمه بلاستيك و ميحلصش فيه اي شروخ و بعد كده تلف الطقم عند الجزء الخلفي الاسود و هتلاقي مسامير صغيرة كتير منها اللي ماسك العداد نفسه و منها اللي ماسك عدادات الحراره و البنزين فك كل المسامير .. و شيلها عشان مسامير العداد ده لو ضاعت صعب تلاقي زيها الوش اللي هو شفاف ده اغسله بالمياه عادي و حطه في الشمس ينشف اما العداد نفسه بقي .. تطلع عداد الحراره و البنزين و تمسحهم من جوا و من برا و تفك المؤشر البرتقالي و تنضفه لوحده كده عشان يرجع للونه الجميل و تركبه تاني بسهولة جدا و كذلك عداد البنزين اما البورده الخضراء اللون حاجة من اتنين يا اما بنزين و فرشه اسنان مش بتستخدم و تبل الفرشه بنزين و تنضف يا اما منديل من مناديل ال wipes المبللة و تنضف بيه البورده من جوا و من تحت العدادات بالراحه جدا عشان فيها اجزاء حساسه نيجي للعدادت الكبيرة تفك المؤشرات و تنضفهم علي حده و محدش يخاف لا يحط المؤشر ده مكان ده عادي الاتنين واحد و تنضف سطح العداد و المؤشرات بالنسبة لعداد الكيلو لو عايز تلعب فيه مشي ايدك علي البكره من برا هتلاقي الارقام بتتغير عادي بعد التنضف فيه مسمارين بيمسكوا العدادات الكبيرة .. قرط عليهم لكن مش اوي عشان مفيش حاجة تتكسف و نضف الابره اللي بيركب عليها المؤشرات و المكان اللي بتخش فيه الابره اللي بيركب عليها المؤشر فتحة ضيقة كده في المؤشر نفسه و اللمبات تتنضف طبعا و تتركب كويس و فكها و تركيبها سهل تتلف يمين و شمال اللمبتين اللي بينوروا العداد نفسه هما لمبتين فوق العداد هما بينوروا برتقالي لون حلو ممكن يتغير بليدات او احمر حسب ذوق صاحب العربية لكن انا بفضل البرتقالي لون الفابريقة بتاعها ملحوظه : خلي بالكوا من الساعة الديجيتال ممكن تتكسر لو اضغط عليها و دي الصور الصورة دي مش العداد بتاع ال 99 بس بوريكوا الفريم و الكلبسات اللي قلت تخلوا بالكوا منها عشان متكسرش كلبسين استانلس كده في اسفل الفريم علي الجناب باينين في الصورة دي صورة العداد بعد الفك و التنضيف بيفرق اوي في الشكل و اللون و الاضاءه بتاعته و الاداء كمان لو فيه تراب ولا حاجة ممكن العدادت تعلق او تهيس شوية كل ده بيظبط بالتنضيف و التربيط عداد البنزين عداد الحرارة
__________________
IBIZA |
#2
|
|||
|
|||
رد: صيانة سريعة لعدادات الابيزا ..
الله عليك يا محمد باشا طول عمرك متميز والله
فعلا انا عملت الحوار دا بس مع كهربائى من شهر كدا و فرق اوى اوى اوى فى شكل العدادات لما رجعت تانى فسفورى و شكلها بليل بيبقى روووعة فعلا بيحيى العدادات تانى شكرا يا باشا على موضوعك الجميل |
#3
|
||||
|
||||
رد: صيانة سريعة لعدادات الابيزا ..
كلمة واحدة معلم يا استاذ محمد و بجد انت حد بيعمل مجهود جبار والف الف شكر علي تعبك لينا يا كبير الابزاوية :]
|
#4
|
||||
|
||||
رد: صيانة سريعة لعدادات الابيزا ..
معلم فعلاً وشيخ قبيله الابيزاويه يا بيزا
بس سؤال بايخ معلش هو العداد معمول لحد 200 ليه والعربيه بتجيب 150 بالعافيه (واحد بيطلع لسانه عقبال ما نحط ايموشن واحد بيطلع لسانه ) |
#5
|
|||
|
|||
رد: صيانة سريعة لعدادات الابيزا ..
لا شكر علي واجب
__________________
IBIZA |
أدوات الموضوع | |
|
|