|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
مشكلة الطحينة وجوان وش السلندر
السلام عليكم ورحمة الله وبركاتة
معلش يا جماعة الموضوع طويل شوية بس استحملونى شوية وانا هاحاول اختصر جبت بطارية جافة وركبتها بنفسى عشان القديمة بنت القديمة مرضيتش تدور العربية ركبت البطارية غلط الاقطاب معكوسة قاعده سليكونات الدينامو اتحرقت البيه الكهربائى جه غيرها وماركبش سير الدينامو كويس (الله لا يسامحه) السير وقع من غير ما احس وسقت العربية يومين لحد ما خدت بالى بس طبعا بعد خراب مالطة سمعت صوت السير وانا ماشى بالليل متأخر فى مكان هادى عمال يحك فى المروحه بصيت على مؤشر الحرارة لقيته فى السما بطلت العربية وفتحت الكبوت وكان معايا واحد قريبى حاول يفتح القربة لقينا خرطوم الميه هرب من الافيز وقام ضارب مية سخنة لما حمانا انا وهو والشارع والعربيات بعد الموضوع ماهدى لقيت السير واقع جبت واحد ركبه وركب الخرطوم وزود ميه وتوكلنا على الله بعد حوالى 10 ك الحرارة رفعت تانى فوقفنا فتحنا الكبوت واستنينا شويه ودورنا المهم قعدنا نعمل كده لحد ما روحنا بالسلامة تانى يوم واحد فتى فتوى وقاللى ده الردياتير المهم روحت لواحد فكه وسلكة ومليناه ميه واتحركت بالعربية نفس القصة بتاعه الحراره لحد ما ميكانيكى قاللى ده جوان وش السلندر فسيبتله العربيه وقولتله غيره المهم الزيت طبعا كان عامل طحينة جامد قوى وبعد ما ركب الجوان برده الحراره عالية والزيت زى ما هو قاللى على فكرة بلوكة الماكنة فيها شروخ وممكن تكون هيا اللى بتدخل الميه على الزيت فجيبنا ماده كده حمراء حطناها فى المية عشان تعالج الشروخ الكلام ده كان من يومين النهارده الصبح لقيت الزيت رجع لطبيعته والطحنة اختفت ورجع زيت اسود عادى والحرارة طول اليوم ازيد من الطبيعى بشويه ( بعد النص ) بس ما بتوصلش للأخر زى الاول دلوقت مش عارف اعمل ايه هل اغير الزيت والفلتر والا استنى شويه (الميكانيكى قاللى الميه هاتتبخر) هل ده حقيقى؟ الميكانيكى اقترح عليا اننا نغير الفارغة ووش السلندر عشان هو مخروط قبل كده هل الكلام ده مظبوط؟ بصراحة انا عايز مساعدتكم لأنى والله بفكر اجيب موتور جديد بدل الفيلم الهندى ده لو موضوع الحراره ده ما اتظبتش فياريت ماتبخلوش عليا بنصيحة لوجه الله اخوكم ابو احمد
__________________
على عبد الفتاح
أبو أحمد |
#2
|
رد: مشكلة الطحينة وجوان وش السلندر
للآسف واضح انك بتروح لكهربائيه و ميكانيكيه أى كلام ! وأنصحك بتغييرهم !
حضرتك ما قلتش نوع السياره و موديلها ! اذا غيرت الفارغه و وش السلندر ! يبقى محتفظ بايه من الموتور ؟؟؟ القطع المتحركه الداخليه ؟؟ العقل بيقول تمشى بيها زى ما هى كده بدون مشاوير سفر و اذا تكرر الطحينه تانى مع سابق تغيير جوان وش السلندر يبقى زش السلندر مشروخ و فى مكان خبيث لن يصله لحام ولا تصليح ! يبقى سعادتك تشترى وش سلندر جديد فقط و عمل روديه و تطبيع للصبابات و الدلايل القديمه عليه اذا كانت حالتهم جيده أو هاته كامل أحسن ! أما اذا كان من السهل شراء موتور جديد وليس استعمال ! فتوكل على الله ! Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#3
|
||||
|
||||
رد: مشكلة الطحينة وجوان وش السلندر
يا ابو احمد انا كمان والله اتلخبطت انت كنت بعتلى على الخاص استفسارات بخصوص تغيير البطارية وبعدين حكيتلى مشكله الدينامو وبس ايه اللى حصل للماتور كل ده والموتور ايه وحالته قبل الموضوع ده كانت ايه والعربية اصلاً ايه وعامله كيلو متر قد ايه
لكن عامه انا مع رأى الدكتور بانك تستنى ومتستعجلش وتبعد عن الصنايعيه العكاكين دول شوف انت علشان تغير بطاريه هتخش فى عمرة موتور لو كملت على كده هتغير العربية خالص اشرحلنا التفاصيل بس وادى نفسك وقت لاختبار العربية كويس |
#4
|
|||
|
|||
رد: مشكلة الطحينة وجوان وش السلندر
الموضع ده حصل معايا قبل كدا بتاع الطحينة ده واطريت اني اغير الزيت والجونات وتسليك الريداتير
|
#5
|
|||
|
|||
رد: مشكلة الطحينة وجوان وش السلندر
وبالنسبه لوش السلندر مفيهوش شروخ بس كان مخروط قبل كده والخراط قال لو خرطناه تانى هاتحط جلبتين او جوانين مش فاكر بدل واحد بالنسبة للفارغة ووش السلندر يعملوا 700 جنيه الموتور كله يعمل فى حدود 1800 جنية ودى برده نفس تكلفة العمرة
__________________
على عبد الفتاح
أبو أحمد |
أدوات الموضوع | |
|
|