#1
|
|||
|
|||
عاوز اسافر مطروح بالنوبيرا حبيبتي
انا لسه جديد هنا معاكو يا جماعه واشتركت مخصوص علشان الناس اللي هنا بجد خبرتهم بتخليني عاوز اتكلم معاهم واستفيد من خبرتهم
انا معايا نوبيرا 2 2001 اتوماتيك وعملت فيا مصايب وبلاوي من يوم مجت وهي بتاخد في فلوس والحمد لله مش ببخل عليها بحاجه ومن اخر مشكله حصلت معايا وصلحتها حاسس دلوقتي أني سايق عربيه جديده ومش بسمع صوتها خالص المهم علشان مطولش اكتر من كده انا عاوز اسافر بيها مرسي مطروح تنصحوني بأيه وانا مسافر وايه اللي اعمله قبل الرحله دي علما بأني عندي ردياتير جديد والعفشه يدوب لسه ملينه من شهر والكاوتش لسه جديد ماركه محترمه وكود السرعه H وكمان قوليلي امشي علي كام في طريق زي ده وخصوصا انكو عرفين الاتوماتيك بعد الرابع بتبقي مغريه جدا وببقي مش عاوز ادوس فرامل ومش بسمع صوت الموتور خالص عاوز خبرتكو يا جدعان وشكرا ليكو مقدما |
#2
|
||||
|
||||
رد: عاوز اسافر مطروح بالنوبيرا حبيبتي
لازم تاكد علي الكوتش االاستبن والزيوت اللي في العربيه وفولها قبل ان تسافر
__________________
|
#3
|
|||
|
|||
رد: عاوز اسافر مطروح بالنوبيرا حبيبتي
الزيوت تمام الحمد لله ولسه مغير زيت موتور امبارح والاستبن هبص عليه انشاء الله عاوز اعرف كمان الثبات في السرعات العالي بيبقي لحد كام لما يكون في العربيه حوالي 4 ركاب وشنطهم
انا اعلي سرعه جبتها بيها كانت 160 وكنت حاسس انها بدأت تطير مع مطبات الهوا علشان كنت راكب لوحدي واريحها كل كام كيلو او كام مره واو ريحتها اريحها قد ايه كده نص ساعه مثلا ولا اقل ولو خدت المشوار متواصل هيبقي في مشاكل ولا لأ معلش يا جماعه انا بسأل علشان اول مره اسافر بعربيتي |
#4
|
||||
|
||||
رد: عاوز اسافر مطروح بالنوبيرا حبيبتي
السلام عليكم
في العجله الندامه بلاش تسرع افضل للموتور ولأجزاء العربيه لا تزيد عن سرعة 120 لتحافظ على العربيه وراجع على الكوريك ومفتاح العجل وخد عده معاك وتوكل على الله هي مش مسافه كبيره والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#5
|
|
رد: عاوز اسافر مطروح بالنوبيرا حبيبتي
زى ما قالك زميلنا فى العجلة الندامة ما تجريش بالعربية حتى لو بتغريك بقوة موتورها وخلى بالك الرادار محدد لك السرعة 100 كم فقط ، العربية ثابته وماتقلقش منها خالص ، وبعدين انت طالع من القاهرة يمكنك التوقف فى الرست هاوس ( الماستر ) ربع ساعه وبعدين لما تدخل على طريق العلمين ومنه الى الطريق الدولى الساحلى يمكنك التوقف لمدة ربع ساعة فى استراحة مدينة الضبعه وما ينفعش تسافر المسافه كلها مرة واحد مش عشان العربية ولكن علشانك انت تنزل تغسل وشك أو تصلى ها تجدد نشاطك ، ولما تدخل مطروح السرعه لا تزيد عن 60كم وحاول تسافر بالنهار فقط
رحلة سعيدة وياريت تكتب لنا تقرير عنها
__________________
م . نبيل عبد الرحمن مصر موتورز الإسكندرية
|
أدوات الموضوع | |
|
|