موضوع تفاعلى: المصنعيه - ( اجره الميكانيكى ) فيرنا

[amrhamdy]

شباب تعالو نفيد بعض وكل واحد باخصار يقول تجربته مع اسعاره الماكانيكيه والكهربائيه والعفشجيه كل حاجه لوحدها كالآتى :

تيل فرامل اماميه 15
تغيير زيت 3
تغيير بوجيهات 5
تغيير سلك بوجيهات 5
خرم فى الكاوتش 3
تربيط العفشه 15
تغيير طرمبه بنزين 15
تركيب مساعد خلفى 40
تركيب فانوس 10
لحام خرم فى الريدياتير 30
تركيب كوبلن 20
تركيب بليه 15 + 15 مخرطه


يللا - كل واحد يقولنا باختصار كده اسعار المصنعيه

[AbOnOrA]

انا شخصياً مبقتنعش بموضوع التسعيرة بالشكل ده
لان ممكن تركيب الفانوس ده فى عربيه معينة ياخد 10 دقائق وممكن فى عربية تانية وفى ظروف تانية ياخد ساعة وممكن يركب الفانوس اى حاجة والسلام وممكن يلاقى ان السلوك محتاجة تتظبط فيظبطها او سلك بايظ او فيشه عايزة تتغير
فانا اولاً بحب اجمع شغل مع بعضه سواء مثلاً رايح للكهربائى بستنى اجمع شغل الكهرباء اللى فى العربيه كله واروح اعملة وبقدر شغلة بحسب الحاجات اللى عملها والوقت اللى اخدة فيها

[aymangalal]

هو طبعا كل ما يكون مجموعة شغل على بعضها بتبقى اوفر بكتير سواء كهرباء او ميكانيكا او عفشة لانى اعتقد ان الصنايعيى بيحسبها بالوقت " يعنى خد كام ساعة شغل فى العربية " ومافتكرش انه بيشتغل بالقطعة كده.. وفعلا يا ابو نورا كلامك مظبوط لانك حسبتها من ناحية الوقت
ومن ناحية تانية وبحسبة مفصلة يبقى صاحب الموضوع عنده حق " فى حالة" انه عمل كل حاجه لوحدة وده الاحتمال الاكبر لانه مسعر مصنعيات مختلفة عن بعضها
الفايدة ان الواحد لما يعمل حاجه واحده يبقى عارف "تقريبا" مصنعيتها كام
شكرا ا/ عمرو صاحل الموضوع
شكرا ابو نورا للافادة