|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
تربو تشارجر
سؤال للمتخصصين ! السياره الفيات 1400 سى سى مع تربو تشارجر ! المفروض انها تعطيك
ناتج عالى ! سرعه و قوه عاليه مع موتور ذو سعه بسيطه ! يعنى من الآخر وفر فى البنزين ! و السؤال هو هل يعمل التربو فى هذه السياره من لحظة ادارة الموتور أم عند سرعه معينه أم يدويآ ؟ و السؤال الثانى ! هل يحتاج هذا التربو الى صيانه أو ضبط أو معايره دوريه ؟؟ Dr. Bolbolan ptmnlo123per1127 |
#2
|
||||
|
||||
رد: تربو تشارجر
السلام عليكم
يشرفني ان اكون اول من يجيب اولا التربو لا يعمل مع دواره المحرك ولكن بعض الانواع ( الي شفتها ) تعمل عند1500 لفه والبعض يعمل عند 1750 لفه وهو يعمل مع الموتور لانه يعتمد علي العادم الخارج من الموتور وكل المطلوب في التربو التاكد من الوصلات ( التبريد و التزيت ) واتمني ان اكون اوضحت الموضوع ptmnlo123per171
__________________
|
#3
|
|||
|
|||
رد: تربو تشارجر
مع تصاعد رغبات المستهلكين فى اقتناء سيارات أسرع و أقوى فى الأداء, لم تجد الشركات مهربا من تطوير محركاتها أو تكبيرها لتقديم أفضل أداء ممكن فى الفئة التى تنافس بها السيارة.
و بما أن زيادة حجم المحرك تعنى زيادة تكلفة تصنيعه, و بالتالى سوف يزيد من سعر السيارة, فان الحل هو استخدام التربو شارجر فى السيارات الصغيرة و الاقتصادية, لرفع مستوى الأداء دون تكلفة كبيرة على صعيد السعر. السائق الأن أصبح متطلبا أكثر من أى وقت مضى. و أعتقد أن استخدام التربو سوف يصبح اتجاها عاما لصانعى السيارات فى الفترة القادمة, خاصة صانعى السيارات الاقتصادية, مثل فيات و فولكس و غيرهم. التربو هو بمعنى أخر مكبر لحجم المحرك, و ليس مزود لكفاءة المحرك, الموضوع ببساطة انو نسبة الخليط اللى بيخش المحرك لازم يكون 14:1 بالكتلةفى المتوسط (بيتغير حسب السرعة و الحمل) يعنى ادام كل 14 جرام هوا 1 جرام بنزين. الخليط ده هو اللى بيحترق و يدينا الطاقة اللى بنحرك بيها العربية, لو زودنا كثافة الهواء أى ضغطناه, هيدينا كتلة أكبر فى نفس الحيز المحدود (أى حيز المحرك), و ده بيتم عن طريق التربو شارجر. التربو شارجر هو عبارة عن تربينة تعمل بواسطة الهواء الساخن (العادم), و تقوم هذه التربينة بادارة كمبرسور يضغط الهواء, و من ثم يدخل الهواء مضغوطا الى المحرك, و نزيد من كمية البنزين. بالطبع و لكى يعمل التربو, لازم كمية العادم تكون كبيرة بما يكفى لادارة التربينة, عشان كده التربو لا يعمل الا بعد سرعة معينة للمحرك (بحسب حجمه, بعض التربو الصغير يعمل عند 2000, و البعض الأخر عند 3000), و هذه الظاهرة تسمى بظاهرة ال"تربو لاج", فالسائق يشعر بالفرق بين عزم المحرك قبل هذه السرعة و بعدها. التربو يزيد من استهلاك البنزين, و لا يقلله, بمعنى انو محرك 1400 +تربو سوف يستهلك وقودا أكثر من 1400 بدون تربو, لكن محرك 1400 مزود بتربو قد يعطيك أداء محرك ال1800 أو ال2000 سى سى مثلا, ده غير انو محرك 1400+تربو وزنه أخف من محرك 1800 سى سى, و هو أرخص فى تكلفة تصنيعه, و طبعا بيتجاوز مشكلة الجمارك فى مصر على السعة اللترية. نلاحظ برضو انو مرسيدس مثلا بتستخدم نوعا مشابها "سوبر شارجر"(كمبرسور لكن يدار بواسطة المحرك مباشرة و ليست لديه مشكلة التربو لاج) و تسميه كمبرسور لكن مع المحركات الصغيرة فقط, فنجد السى 180 كمبرسور, و السى 200 كمبرسور, لكن مع المحرك الكبير لا داعى للسوبر تشارجر فتأتى السى 280 مثلا بدون كمبرسور.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
#4
|
|||
|
|||
رد: تربو تشارجر
مهندس فادي جاب من الاخر ... و قال كلام لو وقفت على شعر راسي مش حعرف اقوله ...
لكن في حدود معرفتي المتواضعه ... ان التيربو برغم مميزاته الا انه بيقصر عمر الموتور نتيجه عمل الموتور تحت ضغط غالبيه الوقت علشان يوصل للقوه الحصانيه العاليه المماثله للمواتير بسعات اعلا ... يعني لو موتور تيربو 1400 بيدي اداء موتور 1800 ... بيكون عمره الافتراضي اقصر ....لأنه بيعمل غالبيه الوقت تحت ضغط بعكس الموتور ال 1800 .. والله اعلم بس في حاجه احب اضيفها .. في مواتير جديده دلوقتي بيكون فيها تيربو و سوبر تشارجر ... و الاخير ميزته انه بيشتغل على عدد دورات قليله .. و بالتالي انتهت مشكله التيربو لاج ... و موتور الفولكس صاحب جائزه العام فيه نوعين الشواحن
__________________
من تواضع لله رفعه The ultimate car would be designed by Italians engineered by Germans built by Japanese &
|
#5
|
|||
|
|||
رد: تربو تشارجر
التربو تشارجر و السوبر تشارجر على فكرة كان من ابتكار لانسيا عام 1980, و دلوقتى بيحقق شعبية كبيرة فى السيارات الرياضية الخفيفة, و مؤخرا نزل الى السيارات الأقل حجما, لكن يعيبه التعقيد و استهلاك قوة المحرك فى ادارة السوبر تشارجر.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
أدوات الموضوع | |
|
|