إلحقونى يوجد زيت فى قربة المية معقول

[samirayad]

وتم ضبط التيكهات ووطى الدبرياج

أنت شوفته وهو بيظبط التاكيهات قدامك

وياريت تدينا فكره ظبطها أزاى

لأن أنا عارف أن الدايو ملهاش ظبطة تاكيهات

إلا أذا كانت الماتيز نوع تاكيهاتها مختلف عن الانوس والنوبيرا ( يبقى ماشى الحال )

والمشكلة السابقة كما هى رعشة فى السرنسية وصوت المحرك غير منتظم وبتنتش وبتسقف

وهل كشفت كمبيوتر وهل كشفت على وضع قرص البوابه ولقيته قافل كويس

والمكنه مبطله وأنت فاصل خرطوم الهواء القادم من فلتر الهواء لزور البوابه

[MOHAMED22]

المشاركة الأصلية كتبت بواسطة samirayad أنت شوفته وهو بيظبط التاكيهات قدامك وياريت تدينا فكره ظبطها أزاى لأن أنا عارف أن الدايو ملهاش ظبطة تاكيهات إلا أذا كانت الماتيز نوع تاكيهاتها مختلف عن الانوس والنوبيرا ( يبقى ماشى الحال ) وهل كشفت كمبيوتر وهل كشفت على وضع قرص البوابه ولقيته قافل كويس والمكنه مبطله وأنت فاصل خرطوم الهواء القادم من فلتر الهواء لزور البوابه

كشف كمبيوتر وحسب ماقالى إن الجهاز لم يسجل أى أعطال وبالنسبة لضبط التيكهات كان شغال ومعاة سلسلة بها شرائح معدنية وكان بيضبط بيها طبعا بعد ما فك غطا التيكهات وبالنسبة للبوابة بصراحة ما أخدتش بالى ولكن بكرة أشوفها وأقولك
وشكرا مرة ثانية على الأهتمام

[samirayad]

لو البوابه كانت منوره بالشكل ده وأنت حالل خرطوم الهواء من على زور البوابه والمكنه مبطله

يبقى فيه بوش فى أكس البوابه ولازم تغير البوابه فقط (بدون المانيفولد )

[MOHAMED22]

المشاركة الأصلية كتبت بواسطة samirayad لو البوابه كانت منوره بالشكل ده وأنت حالل خرطوم الهواء من على زور البوابه والمكنه مبطله يبقى فيه بوش فى أكس البوابه ولازم تغير البوابه فقط (بدون المانيفولد )

أستاذى العزيز مهندس سمير مع تحياتى وإعتزازى بحضرتك أحب أعرف سيادتك إن البوابة سليمة وكذلك المينوفولد والتقسيمة مضبوطة وطلع العيب فى وش السلندر لأنه إتزود وحش وإتقشط زيادة وكانت حالتة سيئة وبكرة إن شاء الله سوف أشترى وش سلندرإستيراد من بور سعيد لأن مفيش منة جديد وسوف أعرفك بما تم 0
وأشكرك مرة ثانية على إهتمامك وعن المعلومات التى أمدتنى بها والتى كنت أجهلها وربنا يوفقنا جميعا لما فية الخير

[samirayad]

والمشكلة دى حصلت بعد ما عملت وش السلندر

توكل على الله وغير الوش وجرب

جايز فعلا يكون الوش أتزود وأتخرط غلط

والصبابات مش مطبعه صح

لأن زى ما أنت عارف

الجماعه بتوعنا بيشتغلوا بالبركه فى المخارط

بدون أى أصول هندسيه