#36
|
|||
|
|||
رد: قرار صعب جدا ... أرجو من ملاك اسبرانزا a516 مساعدتي عليه
وبعدين كنت حتضطر تغير اسمك يبقى (نور _ مرسيدس) |
#37
|
||||
|
||||
رد: قرار صعب جدا ... أرجو من ملاك اسبرانزا a516 مساعدتي عليه
مبروك الحجز يا دكتور درش وعاش مصطفى واسم مصطفى-- وعقبال الاستلام وان شاء الله يكفيك شرها ويديك خيرها- عند الاستلام- لابد ان تكون مركز جدا وتلقى نظرة فاحصة شاملة فى السيارة من الداخل ومن الخارج -ولازم تجرب كل الابواب والسنتر لوك والانوار والشمال واليمين منها وحتى تجرب تجيب مارش وتخللى حد يشوفلك الانوار--والمفروض ان تستلم مع السيارة- كتالوج السيارة -واخر كتالوج للكاسيت --وايضا ضمان الكاسيت--بالنسبة لضمان السيارة نفسها سيادتك بتستلمة فيما بعد وبالتحديد بعد ترخيص السيارة- --سيادتك بتستلم مفتاحين- - مفتاح ريموت -و اخر عادى - ليس بريموت بالنسبة للأدوات :- مثلث عاكس مفك صليبة مفتاح عجل كوريك (شيك اوى) شنطة اسعافات (وهذة اضافة جديدة) مرة اخرى الف مبروك -- |
#38
|
|||
|
|||
رد: قرار صعب جدا ... أرجو من ملاك اسبرانزا a516 مساعدتي عليه
وألف مليون تريليون شكر ليك على المعلومات الغالية دي ده برضه اللي نتوقعه من شخص في رقتك وذوقك بس ناقص كده لو عند حضرتك معلومات عن الترخيص والورق والاجراءات وكمان لو نصائح حضرتك بخصوص فترة التليين والتعامل مع العربية وايه رأي حضرتك في انشاء رابطة ملاك اسبرانزا؟ |
#39
|
||||
|
||||
رد: قرار صعب جدا ... أرجو من ملاك اسبرانزا a516 مساعدتي عليه
العفو يادكتور مصطفى لاشكر على واجب
بالنسبة للترخيص هو قيمتة فى حدود ال 500 جنية اذا كنت سيادتك ح ترخص لمدة 3 سنوات - - بتمضي سيادتك لحظة استلام السيارة على إقرار بالإستلام - وطبعا اهم حاجة المبايعة الأصلية الخاصة بالسيارة وديه بتبقى من ابو الفتوح للمعرض ومبايعة من المعرض ليك -ولو سيادتك حجزت مباشرا من ابو الفتوح يبقى بتستلم المبايعة عند الاستلام وبعد الامضاء-- وعلى فكرة بعد الترخيص سيادتك بترجع المعرض مرة اخرى من اجل استلام الضمان ولابد ان تكون رخصة السيارة بحوزتك لانهم بيصوروها طبعا بالنسبة للتعامل مع السيارة هناك نصائح بأن لاتتعدى السرعة ال90-100-على الاقل اول الف ك-م وكانت ايضا هناك نصائح بعدم تشغيل التكييف خلال هذة الفترة ولكنى سمعت من كثير من الزملاء والاصدقاء ان هذا الكلام لا ضرر ولا ضرار منة-- وبمناسبة انشاء رابطة للاسبيرانزا هناك بالفعل رابطة ونادى للاسبيرانزا ويوجد هنا فى مصر موتورز اعلان عن النادىالاسبيرانزا فى الصفحة الرئيسية-والقائمين علية اصدقاء افاضل ومتعاونين لابعد حد وايضا الاعضاء بالنسبة بقى لاسم مصطفى (درش) هو اسم ابنى- مصطفى- التعديل الأخير تم بواسطة m.genedy ; 13-06-2009 الساعة 10:34 PM |
#40
|
||||
|
||||
رد: قرار صعب جدا ... أرجو من ملاك اسبرانزا a516 مساعدتي عليه
بخصوص فترة التليين
وفق الكتالوج خلال الألف كيلو الأولى (خد بالك محدش بيعيش المرحلة دى غير اللى بيجيب زيرو) لا يجب زيادة السرعة عن 100 كيلومتر فى الساعة الموتور متلين أصلا جاهز لكن خلال الألف الأولى بينصحوا بالإحتياط و عدم زيادة السرعة عن 100 لتجنب حدوث مشاكل نتيجة لعيوب التصنيع متخفش مفيش عيوب تصنيع و لا حاجه لكن الإحتياط واجب أنا كمان مكنتش بعدى 3000 RPM ف€ن الزيت اللى فى الموتور هو زيت مخصص لفترة الألف الأولى وظيفته تجميع الرايش و الشوائب من الموتور بعد التصنيع و الزيت ده يجب تغييره فى صيانة الألف إنما مفيش مشكلة ممكن تسافر و تروح و تيجى و تشغل التكييف و تعمل كل اللى إنت عايزة خلال الألف الأولى بخصوص الترخيص: بتستلم من المعرض مبايعتين واحده من أبو الفتوح للمعرض و واحده من المعرض لحضرتك و دى لازم إسمك فيها يكون هو بالظبط زى الموجود فى بطاقه حضرتك علشان ميحصلش مشاكل فى المرور المبايعتين دول بيبقى موجود فيهم بيانات السيارة القانونية زى رقم الشاسية و رقم المحرك و سعة المحرك و اللون و كل ده لازم يبقى مظبوط و وفيهوش أى غلط ( متقلقش - الورق بيبقى مظبوط و مفيهوش مشاكل) كمان المبياعتين دول بيبقوا معتمدين من مرور الجيرة و مختومين بختم النسر. بتاخد الورق ده و تصورة لأنه هيتاخد منك فى المرور فيفضل تحتفظ بصورة منه للتاريخ و بعدين تشتريلك طفايه تمنها حوالى 122 جنيه و تاخد فاتورة بإسمك للطفاية و بعدين تتوجه للمرور (وحدة ترخيص) بتاع المنطقة بتاعتك و تقوم بعمل التالى تحجز نمر - و دى مش ضرورى تكون أول خطوة حسب نظام المرور عندك تشترى نماذج الترخيص لأول مرة و من ضمنها نماذج الفحص الفنى بس لازم تحدد هترخص لمدة سنه واحدة و لا تلات سنين (أنا أفضل التلات سنين علشان متتمشورش فى المرور كل سنه) تدفع التأمين - فى أى شركة تأمين تعمل وثيقة تأمين إجبارى و بتتكلف حوالى 220 جنيه تأمين لتلات سنين و 75 لسنة واحده تعرض العربية على الفحص الفنى وفى الفحص الفنى بيتم عمل بصمة لرقم المحرك و الشاسية و مطابقتها بالمبايعات اللى معاك. و بعدين المهندس المختص بيفحص السيارة ( جسم و دهان و شكل عام ) و يحدد لونها اللى هيتكتب فى الرخصة و الفحص ده بالنسبة للعربيات الزيرو بيبقى روتينى و مفيهوش مشاكل بعد كده تروح لموظف التراخيص اللى بيعملك إذن سداد الرسوم و الضرائب حسب سعة المحرك بتاعك بالنسبة لفئة الـ 516 بيكون تقريبا 280 لسنة واحدة و 680 لتلات سنين المبلغ ده شامل تأمين اللوحات و الضريبة و تمن الرخصة و الستيكر اللى بيتلزق على الزجاج لكن خد بالك لو اللوحات هتكون الشكل الجديد هيكون تأمينها أكبر بكتير من اللوحات البيضا القديمة أنا سمعت إن تأمين اللوحات الجديدة حوالى 200 جنيه بس بعد سداد الرسوم تبقى جاهز لإستخراج الرخصة تتقدم بكل الورق اللى جمعته من الخطوات السابقة لموظف التراخيص اللى هيعمل الازم و تستخرج الرخصة و تستلم اللوحات و ألف مبروك. |
أدوات الموضوع | |
|
|