4.25 جنيها سعر لتر البنزين أول يوليو ورفع الدعم تماما عن السيارات فوق 1600 سى سى

[حسام البورسعيدى]

يا نهار اسووود .. دا حوار ..

اللبخة دى هتخلى الموضوع يبقى كوسه والوضع هيتفاقم الى اضعا اضعاف ما هو علية ..

نظام دعم وعدد معين من اللترات هيفتح مجال كبييييييير للسووق السوداء والمصالح وتظبيط عمال البنزينات علشان ياخد من المدعم او يمون من غير الكارت او اى تحوير .. واحنا عارفين ان المواطن المصرى - اللى هو احنا - مش هيغلب فى الحوارات واللف والدوران .. وهتبقى مووووولد بمعنى الكلمة ..

انا مش قادر اتخيل ان مجرد حاجة زى كده ممكن تحصل .. ربنا يستر ...

انا رايى فعلا لو فى ازمة فعلا يبقى الحل الوحيد ان الاسعر تغلى بس تكون موحده انما نظام كارت وكده هيدخلنا فى متاهه كبيره ملهاش اخر وهتبقى استخدام العربية عذاب للمواطن .......


البلد دى مش هتطلع ع الاول بقى بدل درس المارشليه اللى حفظناه ده !!!!!!!

[white cosmo]

ربنا يوفق الجميع ويهدى الحال

[white cosmo]

ربنا يهدى الحال

[sayed2077]

المشاركة الأصلية كتبت بواسطة zing0 حبيب قلبى يا أستاذ سيد, و الله زميل كفاح. فعلاً حضرتك معايا فى نفس الطريق و نفس البنزينات إللى بتستهبل برضه. كان فيه بنزينة وطنية إللى عالأوتوستراد , واحده فى الزهراء و الثانية فى المعصرة, و كانوا الأول ملتزمين يجيبوا البنزين يومياً الساعة 6 الصبح, و بعد كده العدوى طالتهم و بقى مفيهومش بنزين 80 بشكل دائم, و دى بنزينات حكومية تحت إشراف و إدارة أفراد القوات المسلحه, يعنى حاميها حراميها أهو, لا بلطجية و لا طرف ثالث. بالله عليك يا أستاذ سيد لو فى أى أخبار عن أى بنزينات أقرب تبلغنى.

للاسف احلى بنزينات هما لاربع بنزينات اللى روا بعض دوول لازم واحده فيه فى اغلب الاوقات يبقى فيها بنزين

وبالنسبه لاقرب بنزينه ففيه البنزينه اللى قدام محطه مترو الزهراء بس ديه بيجبوا بنزين على مزاجهم يعنى انت وحظك ممكن مره تلاقى البنزين من الصبح الساعه 7 لغاية الضهر ومره من الضهر لغاية بليل ومره من بليل الساعه 12 لغاية الساعه 7 الصبح وكداا بقى غير ان ايام كتير مش بيبقوا شغاليين اصلا

فللاسف مالهاش مواعيد ثابته وحلها الوحيد معاهم تاخد رقم حد من الى شغاليين هناك وتحاول تظبط معاه يقولك ان فيه عربيه بتنزل بنزين او حضرتك تتصل بيه كل ما تحتاج تفول البنزين هيجى امتى

وللاسف البنزينة الوطنيه اللى على الاستراد خلاص مبقتش زى الاول وفى اغلب الاوقات مبقاش فيها اصلا

[hesham mansour]

مالوش لازمه غلو البنزين دلوقت لانه محتاج استقرار جامد لانه هيحرك كل حاجه و هي مش ناقصه بصراحه يعني