السرعه و التسارع انا وصلت لاختراع مذهل

ربنا يقويك يا جميل ومنتظر الرد

[egynet]

الاستاذ / مدحت

اولا ربنا يوفقك فى فكرتك وتبدع كمان وكمان بس يا ريت المرة الجاية تحاول تظهر نتائج
أفكارك بصورة أفضل من كده ويا ريت تقولنا على موضوع زيادة اضاءة الأنوار بتاع العربية

ثانيا أنا بس حبيت أعرف أنا معايا عربية موديل 78 1500 سى سى من الاخر 128 بس الماتور اللى فيها بتاع ريتمو
طيب انا دلوقت طبيعى بستخدم بنزين 80 اللى حضرتك بتقول انه معدم ومفيش منه رجا وكنت فى مشوار الى بورسعيد
والمسافة بينى وبين بورسعيد 160 كم وأخدت الطريق الدولى الساحلى اللى هو طريق رشيد اللى حضرتك جربت فيه النوبيرا بس من الاتجاه الاخر يعنى من عند مدخل جمصة كده وانت رايح على بورسعيد طبعا غير المسافة بينى وبين جمصه المهم انا بعد ما شوفت الفيديو بتاعك قولت أجرب انا كمان واشوف استهلاك البنزين بس طبعا انا مجربتش موضوع الغيار الخامس والتسارع والحجات دى بس المهم فولت التانك بنزين 80 بتاع الغلابة من بنزينه فى مدخل بلدنا
وعايرت العداد رايح جاى وفولت تانى من نفس البنزينة بعد الوصول المهم المسافة المقطوعة كانت 320 كم ذهاب وعودة والتانك استهلك 25 لتر بالتمام يعنى بالورقة والقلم كده 25 لتر على 320 كم يبقى اللتر بيعمل 12.8 كم
او بمعنى اخر 10 لتر تعمل 128 كم وعلى فكرة انا كنت ماشى بسرعة بين 90 الى 100 كم
والسؤال هنا يا ترى لو فكرت اعمل التعديل اللى حضرتك توصلت اليه ايه الفرق اللى ممكن الاقيه فى العربية
وبعدين حاجه تانية زى ما بعض الاخوة الكرام قالوا لو حصل لا قدر الله اى شىء يستلزم فك جسم الماتور هل بالشكل
ده ابقى انا خسرت المبلغ اللى اندفع فى عمل التعديل أو زى ما قالوا الاخوة تطير القرشينات مع الغاز من جوه الماتور
وهحتاج اشحن غاز تانى بنفس التكلفة ؟؟
طيب دلوقت انت عارف العربيات القديمة دى لازم كل كام يوم تعمل زيارة لصديقك الميكانيكى طيب ايه الوضع لو
الراجل حب يتفذلك ويفك الماتور لغرض فى نفس ابن يعقوب يبقى ايه الحل ؟؟؟

معلهش انا اسئلتى كتير شويه بس انت عارف اللى معاه عربية شقيانه فى الدنيا 32 سنه يبقى مش مستحمل يدخل فى
دوامة و وشغل الميكانيكية والحوارات دى

تحياتى الى كل اهل اسكندرية

: 260309~146:

[medhat3377]

مساء الفل
اولا انا شايفك محتار الموضوع انك تتفضل تيجى اسكندريه و اعتبرها يوم ترفيه و جاى تغير جو و متحتش فى دماغك موضوع العربيه
بالنسبه لى اشوف العربيه و اقولك حالتها ايه تنفع و لا لا و لو الحاله كويسه حتفرق معاك و حتحس ان فى فرق اهم شىء بالنسبه لى هى النتيجه لا تقلق انا فى انتظارك تليفونى موجود فى الصفحات السابقه
و على فكره لو البستم مساحته 8.5 سم النتايج حتبقى هايله معاك لان الريتمو اللى عملتها كانت مساحه البستم 8.5 سم
كل مزادت مساحه البستم النتائج بتسير افضل لان مساحه الموتور بتكون اوسع فتعطينى براح اكتر
و بالطريقه دى توفير البنزين حيكون اكتر من كده بكتير

[medhat3377]

كلمه واحده حقولهالك يا دكتور اسلام
انا فى انتظار تشريفك لى
توصل بالسلامه و بردو حفجئك بابتكار جديد بحضر له دلوقتى بلاش كلمه اختراع علشان مزعله ناس كتير
ابتكار يخص البنزين لاكميائى وصله ولا اى معملى وصل اليه
ادينى فرصه ولغايه لما توصل نكون ان شاء الله وصلت لحاجه تنفعنى و تنفع اللى عايز يستفيد منها

[Dr. Bolbolan]

المشاركة الأصلية كتبت بواسطة medhat3377 و على فكره لو البستم مساحته 8.5 سم النتايج حتبقى هايله معاك لان الريتمو اللى عملتها كانت مساحه البستم 8.5 سم كل مزادت مساحه البستم النتائج بتسير افضل لان مساحه الموتور بتكون اوسع فتعطينى براح اكتر

المشاركة الأصلية كتبت بواسطة medhat3377 توصل بالسلامه و بردو حفجئك بابتكار جديد بحضر له دلوقتى بلاش كلمه اختراع علشان مزعله ناس كتير

يا عم مدحت ياريت تخللى بالك من كلامك علشان ماتزعلش الناس منك !

يعنى أنا أول واحد نصحتك تقول ابتكار مش اختراع ! مش انتصارآ للغه العربيه بس علشان

الغلطه لما بتتكرر بيبقى شكلها وحش فى الآول و بعدين مضحك فى الآخر ! فلمل تييجى سعادتك

تقول بلاش كلمة اختراع علشان مزعله ناس كتير ؟؟ يبقى كده سعادتك دخلت فى بند التريقه ! فى حق

ناس بتشجعك وبتعاملك كويس ! مع ان ابتكارك أو كلامك ممكن تاخد عليه كلام تريقه للصبح !

والمفروض ان أى حد فى وضع حضرتك يحاسب على كلامه سواء الودى أو العلمى ولا يقع فى

أخطاء ! علشان يعطى نفسه مصداقيه و يتجنب على الآقل التريقه !

مثلا سعادتك كررت كلمة مساحة البستم و مساحة الموتور ! و ده كلام غير علمى خالص ! كلمة مساحه

لا تقال الا على الآراضى والآماكن والرسومات الهندسيه ! انما ممكن تقول قطر أو نصف قطر البسنم

يبقى كلام مبلوع ! أو تقول حجم ازاحة البستم ! يبقى كلام أجمل ! أو سى سى الموتور يعنى مكعب

الازاحه فى حجرات الاحتراق فى الموتور !

شفت بأه ! ياريت ما تتريقش على حد علشان من كان منزله من زجاج فلا يقذف الناس بالحجاره !

Dr. Bolbolan