|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#6
|
||||
|
||||
رد: مناقشة الفرق بين الهواه و المحترفين
شكرا جدا على التفاعل و النقاش اللى انا استمتعت بيه جدا و لسة فى متعة قادمة و خبرة مكتسبة من امناقشة
على الرغم من سهولة بعض العمليات اللى بتتعمل فى الصيانة إلا إن فى بعض النواحى الفنية اللى يجب مراعاتها مثلا عملية تغيير زيت و فلتر متهيألى مش محتاجة أى فن بس تخيل لو الطبة باظت (( المشكلة إنها مش هتبان المرة دى ممكن تبان المرة اللى جاية و إنت بتغيير الزيت بعد الكم اللى انت عارفه و ممكن تقلب معاك بكرتيره او طبة و عمل تمشيط لسن الكرتيرة فى أبسط الظروف)) عملية تغيير تيل الفرامل لو التيل مش أصلى تأكد تماما غن الطنابير ( الديسكات) هتبوظ و هتحتاج تغيير أو خرط على أقل تقدير و كمان بعض العربيات بيكون فى سوست و صاج للتيل مهم جدا لو مش متركب ممكن يعمل مشكلة و كمان الميكانيكى ممكن مايبصش على أطقن الإصلاح مثلا أو لو فى تسريب زيت باكم و غيره من الحاجات المهمة بالنسبة لعملية إكتشاف العيب قبل حدوثه فأنا بأكد بمنتهى الأمانة إنى الحمد لله إكتشفت كوارث كانت ممكن تحصل الموقف اللى نط فى دماغى دلوقتى أمر شغل مكتوب فيه الكشف على صوت عند الملفات و العربية كانت عمله حوالى 20 الف كم تقريبا جربت العربية و كانت الفاجعة ((( العربية محتاجة كوبلن))) بلغت العميل و سألته حضرتك بتعمل صيانه قالى لأ انا بغيير زيت فى بنزينة أكيد كاوتشة الكوبلن المقطوعة كنت هبلغ بيها و أغيرها قبل ما الموضوع يبقى كوبلن بحوالى 3 ألاف جنيه لو العميل بيعمل الصيانة الدورية و كمان مستوى الزيت فى المحرك كان عالى جدا و ده ممكن يتسبب فى تلف أويل سيلات الكرنك و مستنى المناقشة و الردود
__________________
شارك دافع عن أفكارك
|
#7
|
||||
|
||||
رد: مناقشة الفرق بين الهواه و المحترفين
من الآخر ،، الإهمال البشري وارد في التوكيل و في الورش ،، كناحية فنية ،، أنا عارف ان العربيات الحديثة عامة مشاكلها الميكانيكية عامة بسيطة جدا عن عربيات زمان ابعد بس عن الكهربا و غير كده خش في أي حاجة بقلب جامد بخصوص التخصص فأنا شايف الظاهرة الجديدة الورش و المراكز المتخصصه في ماركات معينة و دول معظمهم بيكونوا خارجين من التوكيلات فبيبقوا برده حافظين عربياتهم أنا شايف ده حل وسط |
#8
|
|||
|
|||
رد: مناقشة الفرق بين الهواه و المحترفين
موقف شخصي لسه حاصل من يومين ..
بس الاول .. انا من الناس اللي ملتزمه بالصيانه الدوريه في التوكيل كل 10 الاف كم وبعتبر الموضوع كأنه استثمار او تأمين ... يعني ادفع تمن صيانه و مصنعيه مبالغ فيها قصاد ان العربيه تبقى متظبطه و يكشفو على اي عيب بحيث يتم تداركه بدري بدري ... بدل ما ادخل في مشاكل اكبر و مبالغ اكتر ... وبعتبر اني بعمل صيانه للعربيه في ميعاد مترتب بمزاجي بدل ما تعمل معايا حركه نقص في وقت مش اللي هو خالص ... كمان نوع من الاحساس بالامان .. ان العربيه حد بيفهم بص و كشف عليها وقال تمام ... لكن من يومين رحت عملت صيانه ال 60 الف .... سيور و فلاتر و بوجيهات و زيوت .. و رقم محترم يجيب عده نوكيا و لا سفريه للغردقه فول بورد ... لكن للأسف .. نفس يوم الصيانه خرجت مشوار بالليل .. و انا راجع وداخل على البيت الدريكسيون بقى حجر ودخان بيخرح من الكبوت ... وافتح الاقي الموتور كله زيت .. وبمساعده صديقي العزيز احمد انور ربنا يبارك له و يكرمه وجهني لمدير خدمه العملا .. و بعت لي تاني يوم ونش شال العربيه لحد مركز الصيانه ... ايه اللي حصل الصنايعي وهو بيغير السيور هوا لاكور (او مسمار ماسك دراعين ) لزيت الباور ... و طبعا مع المشي الزيت كله طااااار .... غيرو الزيت و غسلو الموتور و مدفعتش مليم .. لكن يومين كاملين طارو .. يوم الصيانه و تاني يوم لتصحيح غلطه الصيانه .. الخطاء البشري وارد في اي مكان ... و لو كان لا قدر الله حصلت مشكله اكبر و كان اللي طار ده زيت حاجه تانيه ( زيت موتور مثلا كنت شيلتهم العربيه ) ( و لو كان زيت باكم كنت انا اللي اتشلت للبساتين) .... لكن .. التوكيل اه صلح الغلطه .. اعتذر ... لكن فقدت المصداقيه في الصيانه ... فقدت احساس الامان الوهمي ptmnlo123per172 وبفكر اتعلم ميكانيكا .... و اوفر فلوسي
__________________
من تواضع لله رفعه The ultimate car would be designed by Italians engineered by Germans built by Japanese &
|
#9
|
||||
|
||||
رد: مناقشة الفرق بين الهواه و المحترفين
اى حد ممكن يغلط وممكن التوكيل برضو ميبقاش فيه ناس كفائه زى بره التوكيل بس المشكلة فى تكاليف الصيانة والاصلاح
__________________
|
#10
|
رد: مناقشة الفرق بين الهواه و المحترفين
كويس اوي الكلام اللي اتقال دا كله
بس فعلا الواحد لما بيبقي عنده خلفيه في الميكانيكا بيبقي شايف اكتر باعتبار انه فاهم يعني موضوع كاوتشه الكوبلن دا ماهو حصل معايا بزود ميه و ببص علي العربيه لقيت الكاوتشه مقطعوه قمت رايح مغيرها لما بسمع اي صوت في العربيه مش برتاح غير لما اعرف مصدره و بعد كده اطمن و سواء عربيه جديده او قديمه اي مشكله ميكانيكا فيها اي ميكانيكي نضيف بيعرف يتعامل معاها و برضه ابعد عن الكهربا لازم الواحد يبقي حاسس بالعربيه تحت رجله علشان تعيش معاه انا دايما قبل ما بركب العربيه تلاقيني ببص تحتها اشوف فيه ميه او زيت او اي حاجه نزلت منها و بقي الموضوع دا عاده عندي دا لما ببقي في سايق والاقي عربيه شاهين قدامي الكرونه بتاعتها معرقه زيت باجي جنب صاحبها و افهمه ان يغير جوان الكرونه بدل ما الكرونه تتحرق
__________________
حـازم خـضـر
|
أدوات الموضوع | |
|
|