مشكلة حيرتني اخر حاجة ..... ارجو المساعدة

[TELEBK]

السلام عليكم ورحمة الله وبركاته
المشكلة حلها بسيط بإذن الله تعالي ، روح حضرتك عند واحد محترم بتاع ظبط زوايا وإتزان ويكون عندة الظبط بالكمبيوتر ، وحط العربية علي الجهاز وهوه إن شاء الله تعالي يقول حضرتك لو فيها عيب أو أي حاجة حتظهر عنده علي طول ، وبالتوفيق إن شاء الله تعالي .

[matars]

شكرا ليك ولمدخلتك ياباشا
بس العربية دي من ورا على دونجل ملهاش زوايا ورا
هو انا بامر الله هروح لمكانيكي بس ادور على حد كويس ونشوف اخرتها ايه مع المزه دي

[matars]

رحت لميكانيكي كويس
قالي الطنبورة لازم تتفك وتتغسل كويس ويتعملها رجلاش علشان التيل قفاش من جوا
طبعا الطنبورة دي القباقيب الخلفية يعني
وفي اسوء الحلات ممكن تبقى عايزة خرط قولت لاء اروح بقى التوكيل ده كده حوار
الجديد اني لما بجري فوق 110
بروح بشم ريحة شياط خفيفة من العجلة دي بس حد عندو اي تعليق على الكلام ده ياأخونا

[ابو يمني]

كدة يا باشا التيل الخلفي افش علي الطنبورة ولو مرحتش حلت الموضوع التيل هيتاكل وبعدين يبوظ الطنبورة روح لاي ميكانيكي بيفهم يفك الطنبورة ويضيع الافشة بتاعت الفرامل وبعدين روح ظبط زوايا لان التوكيل مفيش فية ظبط زوايا وبتاع الزويا هيقول لك في مشكلة في الكاوتش ولا تمام

[احمد على 1999]

المشاركة الأصلية كتبت بواسطة matars رحت لميكانيكي كويس قالي الطنبورة لازم تتفك وتتغسل كويس ويتعملها رجلاش علشان التيل قفاش من جوا طبعا الطنبورة دي القباقيب الخلفية يعني وفي اسوء الحلات ممكن تبقى عايزة خرط قولت لاء اروح بقى التوكيل ده كده حوار الجديد اني لما بجري فوق 110 بروح بشم ريحة شياط خفيفة من العجلة دي بس حد عندو اي تعليق على الكلام ده ياأخونا

يبقى الموضوع كان صدفة انه ظهر مع تبديل العجل يبقى تبديل العجل ملهوش ذنب
حضرتك تروح للتوكيل
اصل للاسف من الواضح ان الميكانيكية الشطار افضل من التوكيل فى معرفة الاسباب الحقيقية
فحضرتك تروحلهم و انت عارف العيب فين و بعد ما يخلصوا ترجع تانى للميكانيكى يأكد على صحة الشغل
الغريب هو قفش مع نفسه كده ؟ و لا ممكن فى صيانة ال 20 يكونوا فكوا الطنابير للتنظيف و بعد التركيب ظبطوا الرجلاش ( طبعا ظبطوه غلط ) و ممكن يكون واير فرامل اليد إتكسر من الجراب !!!!!!!!!!!!!!!!!!!!!!