|
كيا KIA احد اعمدة عملاق الصناعة الكورى اندمجت مع هيونداى لتصبح اكبر مجموعة فى كوريا الجنوبية بينما بدات باعادة تجميع موديلات مازدا القديمة من اشهر الموديلات بيكانتو - سيراتو - ماجنتيس - كارينز - ريو - اوبيروس - كارنفال - سورانتو |
|
أدوات الموضوع |
#6
|
رد: رابطة مالكي الكيا سيفيا فيد واستفد ( صداقة - نقل خبرات )
السلام عليكم
مبروك العربيه يا باشا وربنا يديلك خيرها ويكفيك شرها.لازم تصلح الفرامل عشان العربيه ده حاجتها من قدام غاليه وبالذات الكبوت غالي فعلا اقرا الموضوع ده :علاج فرامل السيفيا .. http://www.masrmotors.com/vb/showthread.php?t=37303 وبالنسبه للتابلوه متقلقش يا باشا ممكن تقرا الموضوع ده: اصلاح تابلوه السيفيا والشوما http://www.masrmotors.com/vb/showthread.php?t=36512 |
#7
|
|||
|
|||
رد: رابطة مالكي الكيا سيفيا فيد واستفد ( صداقة - نقل خبرات )
شكرا sameh_saso ومبروك على العربية ربنا يديلك خيرها ويكفيك شرها ، فعلا فعلا فعلا العربية دي جامده اخر حاجه ،، على فكره هي معايا بقالها 6 او 7 سنين كامله اوتوماتيك ،، بس بجد بتستحمل افتريت عليها كتير بصراحة شكراً طبعا للباشا Sharooo بجد معلم ، موضوع التابلوه ده قارفني ومكسل اعمله عشان ما لقتش غير واحد في السيده زينب ، بس تنك شويه وبيقولي لازم تفكلي التابلوه وتجيبه وتسيبه عندي وتاخده تاني يوم عشان بيقول بيعمله صنفره باين يشيل البطانه اللي من الضهر شويه وبعد كده يسقيه مش عارف ايه مره واتنين وتلاته وبعد كده يكويه عشان يطبع على الهوايات الجديدة والحوارات دي ، جايز يكون فاهم بس حكاية اسيبله التابلوه واركن العربيه يوم دي حتبقا صاعبه بالنسبالي عشان ظروف شغلي، هو بالمناسبة بياخد 150 تقريبا ده غير الكهربائي اللي حيفك ويركبه كمان بتاع 80 جنيه حسب ما اتقالي يعني ، بس طبعا طالما اسطى جمال مهران كهربائي وحيفك ويركب هو يبقا اعتقد احسن يا باشا والا ايه ؟ وخصوصا زي ما بتقول شغال في التوكيل (( والا بيعمل دعايه لنفسه وخلاص ؟ )) ،،، لاني خايف من موضوع التابلوه لو اتفك ده يجي يزيقلي بعد كده والا يرج والا حاجه مش عارف بقا. تحياتي للجميع ،،، |
#8
|
|||
|
|||
رد: رابطة مالكي الكيا سيفيا فيد واستفد ( صداقة - نقل خبرات )
>>>> دي يا باشا صوت البلوف ( التكاهات ) هو اللي بيعل الصوت ده ، وظهر عندي مأخراً ( بصره ) وكده عاوزين تغيير ، اهتم بالزيت وماتسيبوش كتير ، انا عن نفسي مش بسيبه اكتر من 2000 كم ، والمره اللي بعديها بغير معاه فلتر زيت ، لما تيجي تدور الصبح ، ماتدوسش بنزين خالص سيبها هي مع نفسها تسخن لحد ما المؤشر بتاع الحراره ، هه يبتدي يطلع ..... و فى مشكله مع المروحه ما بتشتغلش أوقات و بتعلق >>>> خد بالك من النقطه دي مهمه جدا عشان ما تضيعش الماتور حرام ،،،، امشي مع السلك اللي طالع من المروحه حتلاقيه شابط في الماتور بفيشه بلاستيك بيضة ( حساس الحرارة ) ،،، غالبا حتلاقي عليه ترشيح زيت من غطى التكاهات وممكن تكون الفيشه بتاعته بتعلق السلك ملمس جواها ساعات يشتغل وساعات يعلق ،، ده وطبعا في في نص السيلك اللي بين المروحه والماتور فيشه بردو تانيه طويله شويه ، هي كمان ممكن تكون بتلمس ساعات وتفصل ، اول ما الحراره تيجي على النص اقف فورا وسيبها لحد ما تبرد ( الطبيعي تحت النص بشرطة ) وشيك على السلك اللي بقولك عليه ده وطبعا المشكله المشهوره بتاعة السيفيا التابلووووه حله ايه >>>> انا عن نفسي اعتقد تجربة اخونا Sharooo هو اللي حعمله عندي [/QUOTE] |
#9
|
|||
|
|||
رد: رابطة مالكي الكيا سيفيا فيد واستفد ( صداقة - نقل خبرات )
ياريت تقبلونى معاكو فى الرابطه
وانا معايا كيا سيفيا موديل 2001 بقلها حوالى 6 سنين خبرتى والحمد لله فيها كبيره وهبقى سعيد انى اشارك معاكوا باى معلومات وافيد واستفيد منكوا وياريت لو فعلا اتعرف على الناس الجميله الى هنا |
#10
|
|||
|
|||
رد: رابطة مالكي الكيا سيفيا فيد واستفد ( صداقة - نقل خبرات )
السلام عليكم
اولاً انا خبير جامد جداً في السيفيا بس المشكله ان ظهر عندي صوت في عربيتي من الجنب اللي قدام شمال ومش عارف ايه هو اتلسبب صوت عبارة عن تكتكة بس بتظهر لما بمشي بالعربيه حوالي 20 او 30 كيلو يعني الصوت ده مش بيظهر اول ما بمشي والصوت ده عبارة عن صوت زي ما يكون الكوبلن بايظ يعني بيطقطق غيرت الكوبلن كله وغيرت دوشمة الفرامل ونقلت المساعد الشمال مكان اليمين ونقلت الفرده اليمين مكان الشمال مش باقي غير اني اقص العربية نصين وانقل اليمين مكان الشمال لفيت كتير وشوفت اكتر ومش عارف الصوت ده جي منين ياريت لو حد حصل معاه الموضوع ده يقولي |
الكلمات الدليلية |
اسبكترا, سيفيا |
أدوات الموضوع | |
|
|