|
التعديلات الشكلية موضوعات التعديلات الشكلية على السيارة خارجيا او داخلياً او ما يسمى بال - car Styling visual tuning |
|
أدوات الموضوع |
#6
|
||||
|
||||
رد: ازاى مكنة الباك فير بتتركب ؟
ربنا يخليك يا كبير.
ماهو أنا شرحت الموضوع كله علشان طرق الباك فاير كتير, وممكن يتعمل بأى طريقة منهم, وخاصة أن المكن سعره على النت من 30 دولار فيما فوق حسب مكوناته. لو عايز تبدأ بحاجة بسيطة, هات موبينة مستعملة, وركبها تحت العربية جنب علبة الشكمان, ووصل عليها بوجيه وركبه بخرم فى العلبة, ووصل الموبينة بزرار فى الكابينة عندك, ثم على البطارية, وده أساس كل مكن الباك فاير ولما تدوس على الزرار البوجيه هيطلع شرار, فبتدوس بنزين جامد, وبيطلع "حبة" بنزين نئ, البوجيه بيولعهم, بس مابيعملش زى الفيديوهات اللى فوق طبعا. أنما لو عايز "قاذفة لهب" زى الفيديوهات اللى فوق, لازم حاجة ترمى وقود قبل البوجيه, سواء كان خرطوم بنزين من بعد المضخة, ومتركب عليه رشاش, وبيفتح (بيرش) بزرار ودائرة كهربائية متركبة فى الكابينة, ودى خطيرة جدا وعايزة ميكانيكى فاهم اللى يركبها علشان الغلطة فيها على الأقل حريقة. أو أنك تزود كمية البنزين فى خليط الهواء والبنزين بتاع الموتور بأى طريقة, وده اخطر على الشكمان والموتور, بس نتائجها جامدة وطريقتها بسيطة. والكيت الهبلة بتيجى ببوجيه وموبينة بسيطة, ومفتاح تحكم وشوية سلوك بس. وفى كيتس غالية, ودى بتيجى زى النايتروس كيتس بالظبط ومعاها كل حاجة, لو بتتركب بغاز بروبان بييجى معاها أنبوبتها وخراطيمها وكل حاجتها ولو بترش بنزين فى الشكمان بييجى معاها رشاشها وخراطيمه وطريقة التركيب, ودى طبعا ممكن تولع فى شخص واقف على بعد 2 متر زى الشاحنة اللى فوق. بس أغلب اللى فى مصر بيجيبوا الكيتس التعبانة, علشان رخيصة وتتركب بسرعة.
__________________
|
#7
|
||||
|
||||
رد: ازاى مكنة الباك فير بتتركب ؟
ولله يا انجكشن انت باشا
بس انا عايز اعرف حاجة البوجية الى هيركب دة بيركب فى علبة الديفل نفسها ولا فى ااخر الماسورة قبل الديفل وبعدين اى بوبينة طبعا تشتغل يعنى انا محتاج بوبينة و بوجية وسلك كهربا و ابقى انا عملتها ولا اية رائيك |
#8
|
||||
|
||||
رد: ازاى مكنة الباك فير بتتركب ؟
انا النهاردة جبت بوبينة وبوجية ووصلتهم ببعض وايديت للبوبينة كهربا وان البوجية يطلع شرارة مفيش طيب روحت مديها ارضى وكهربا سالب وموجب انها تطلع شرارة بردو مفيش طب انا عامل اية غلط ميش عارف
|
#9
|
||||
|
||||
رد: ازاى مكنة الباك فير بتتركب ؟
ياباشا معلش سامحنى أنا مش عارف أرد ولا حتى أدور على معلومات عن الموضوع علشان الأمتحانات وكده.
المفروض أن الموبينة طرف بيتوصل بالقطب الموجب للبطارية والطرف التانى أرضى. والمخرج اللى فى النص هو اللى بيطلع الشرارة للبوجيه, ولو لاحظت صورة البوجيه كويس, لازم البوجيه يكون متوصل أرضى من تحت الصامولة, وده بيحصل وهو راكب فى الموتور بأن الموتور بيكون الأرضى للبوجيه. دى مقالة بالأنجليزى بتوضح كيفية تنفيذ المشروع بالظبط:- http://www.freecarkits.com/flamethrower.htm والبوجيه هيبركب قبل علبة الشكمان بشوية, أو بعدها, المهم يكون فى الشكمان.. أنا بحاول أساعدك على قد ماقدر ياباشا, بس أما طبعا مش خبير, ودى معرفة عادية مش خبرة يعنى. وعلشان الفكرة دى تنجح لازم يبقى فى وقود يشتعل أصلا, وده يا أما بمصدر وقود زى رشاش بنزين أو بروبان, أو أن العربية تبقى بتطلع بنزين زيادة الى الشكمان, فى حالة أنك بتدوس بنزين جامد مثلا. وحاجة تالتة ياباشا معلش, زى ماحضرتك عارف العدد دى اللى بيركبها فى عربيته قليل جدا بره وهنا, بالتالى مافيش مرجع موثوق فيه نقدر نجيب منه معلومات دقيقة عن الموضوع, فبالتالى الموضوع حضرتك بتعمله كتجربة أكثر منه كمشروع وأسف مرة تانية على التأخير, الأمتحانات والجامعة.
__________________
|
#10
|
||||
|
||||
رد: ازاى مكنة الباك فير بتتركب ؟
يا حبى ولا يهمك انا باخد رائيك ك اخ ليا وبيفهم اكتر منى وبعدين لو ربنا كرم واشتغلت مصلحة للكل يبقى كلة ماشى بيطلع نار والف شكر على الرد يا معلم
|
أدوات الموضوع | |
|
|