مياة الرداتير بتنقص

[xman2008]

انا لاحظت انى مياة الرداتير فى القربة بتنقص هي مياة عادية مش خضراء ده عادي ولا تكون المشكله فييين ؟

[ahmed el gendy]

انا عندي نفس المشكله برده والحراره عاديه جدااا هو ده غالبا بسبب تسريب خفيف ف دوره المياه وبصراحه انا كبرت دماغي وبازودها كل يوم او يومين حسب المسافه اللي مشيتها والعمليه تمام

[abasabnfernas]

ممكن يكون غطاء قربة المياه محتاج يتقرط عليه أو يتغير

[Vanditta]

بص اول حاجة افحص بعينك كدة عن اى تسريب (الخراطيم -الكوليهات-كوعة المية -الردياتير)
لو كلة تمام غير غطا الردياتير وخلى معاك القديم وجرب لو المشكلة اتحلت يبقى منة
لو لسة
هيبقى فية كلام تانى

[soltanfriend]

لنا نفس المشكله والغريب ان مفيش اي تسريب ولا فيه اي ارتفاع في درجه حرارة الموتور بس بتنقص ميه كتير جدا ودا حصل فجأه يعني ماكنتش كدا
ولما وديتها للميكانيكي قالي سيبها لحد ما عيبها يظهر
بس عندي سؤال لو حطيت البودره بتاعه سد ثقوب الريداتير وهو ما فيهوش ثقب عادي ولا يبوظ حاجه؟