مشكله محيرانى فى الكيا سيفيا

[WALEED MOH.]

السلام عليكم يا سيفاويه عندى مشكله محيرانى فى الكيا سيفيا أرجو أن حد يقدر يفدنى فيها وهى
1- لمبة الأوفر دريف بتاعة الفتيس أو بتاعة السرعه العاليا فى الفتيس من وقت مغسلت العربيه من 3 أسابيع وهيا منوره معايا وحاسس ان العربيه مش مظبوطه.
2- فيه فيوز فى علبة فيوزات أللى فى الموتور 3 مرات يقطع معايا وهوه فيوز مربع لونه أزرق مكتوب عليه IGN-1 مش عارف ده بتاع أيه بس لما بيقطع معايا العربيه بتفصل كهربة الكونتاكت ومش بدور بس المرش بيبقى شغال.
أرجو أن حد يفدنى.

[AbOnOrA]

اكشف عليها كمبيوتر الاول

[Hisham.Elgazzar]

فتيس السيفيا الأوتو ومشاكله
ياريت تكشف على توصيلات الفتيس
ونصيحة ماتصرفش عليه
فتيس الإسبكترا ركبناه على السيفيا وكانت النتيجة الحمد لله زى الفل
ماشاء الله بقاله 3 سنين شغال معاها الله ينور
وكان تمنه 2500 بالتركيب على التجربة 10 أيام تقريبا

[samirayad]

- لمبة الأوفر دريف بتاعة الفتيس أو بتاعة السرعه العاليا فى الفتيس من وقت مغسلت العربيه من 3 أسابيع وهيا منوره معايا وحاسس ان العربيه مش مظبوطه.

هتحتاج كهربائى ينظفلك كل الفيش الكهربيه على الفتيس بمنظف كهربى مناسب

ويعيد تجميعها

2- فيه فيوز فى علبة فيوزات أللى فى الموتور 3 مرات يقطع معايا وهوه فيوز مربع لونه أزرق مكتوب عليه IGN-1 مش عارف ده بتاع أيه بس لما بيقطع معايا العربيه بتفصل كهربة الكونتاكت ومش بدور بس المرش بيبقى شغال.

بيقطع إزاى يعنى

فهل مبوش مكانه فى علبة الفيوزات ورجليه بتتحرق

ولا الأرجل سليمه بس بيتحرق من جواه ويقطع كهرباء

وهل عندك رسمه للدايره الكهربيه بتاعتك

أو لينك فنى لكتالوج السياره

علشان يساعدنا برضه فى أى مناقشات قادمه

[WALEED MOH.]

روحت امبارح مركز صيانه معتمد وكشفت على الموتور والفتيس (سكان) كمبيوتر وتم تنظيف الفيش أو بمعنى أصح ال 3 فيش بتوع الفتيس وفعلا كان عليهم كربون من غسيل الموتور ونظفناهم فعلا بأسبراى نوعه جيد جدآ وبعد كده بالهوا وكمان علبة الفيوزات نظفناها وعلى فكر الفيوز مكانه مش مبوش خالص هوه بيضرب من فوق (الطبيعى يعنى) والفيوز ده طلع بيفصل طلمبة البنزين والكونتاكت عمومآ ده مش مشكلتى الرئيسيه انا مشكلتى فى لمبة ألأوفر دريف أللى منوره معايا بأستمرا.
المهم بعد عمل كل اللأزم وخلع كابل البطاريه وسكان كمبيوتر وتنظيف الفيش فعلا اللمبه طفة.
خود بقى المهم (مشيت 2 كيلو بعد مركز الصيانه وبطلت العربيه وجيت أدور تانى لاقيت اللمبه أشتغلت.
رجعت لمركز الصيانه نضافلى فيشه كانت مش باينه طلعت أجرب مشيت 6 كيلو مع العلم أنى شغلت الأفر دريف كذا مرة وبطلت ودورت الموتور كذا مره تمام ؟
رجعت المهندس اللى كان معايا بيجرب العربيه لمركز الصيانه لظروف ما بطلت الموتور وده كان بعد 9 كيلو من التجربه وكله تمام تمام جيت أدور العربيه لاقيت اللمبه نورة تانى هههههههه هتجنن طبعآ)
شوفنا لزوجة الزيت ولونه ومقاسه كله تمام.
المهم الصانيعى قاللى ممكن يكون فيه بلف فى الفتيس لما بيسخن بتقؤم اللمبه منورة بعد كل ده سيبتهم ومشيت بصراحه كنت خلصت خلاص.
مع العلم ان سحب الموتور والفتييس ماشاء الله زى الفل.
أرجو أن حد يفدنى فى المشكله ديه. ولكم جزيل الشكر.