كيا بيكانتو 2012 ام رينو ستيب اوى 2012 ؟

[WaleedSaed]

السلام عليكم شباب
انا ناوى اشتري عربية ان شاء الله تقسيط الفترة الجاية هدفع 20 تقريبا و اقسط الباقى على 5 سنين
مشوارى كل يوم حوالى 30 كيلو رايح جاى فى اسكندرية ( العجمي لمصطفى كامل للإسكندرنية )
كنت بفكر فى الحاجات الى فى ال 50 و ال 60 بس ناس كتير قالت لى مش هتستحمل معاك المشوار الكبير لازم تزود الميزانية شوية من 70 ل 80 الف.
و انا مش ناوى ابيعها قريب ان شاء الله يعنى 7 سنين او اكتر فموضوع البيع ده مش مشكلة
المهم بالنسبة لى انها تتحمل و تقدر على المشوار ده كل يوم و برده قطع الغيار و الصيانة متكونش غاليه قوى
فانا محتار بين
الكيا بيكانتو الشكل الجديد 2012
و الرينو السنديرو ستيب اوى 2012
ايه رأيكم فيهم وانهى افضل بالنسبة للمواصفات الى انا محتاجها دي؟
و جزاكم الله خيرا

[akerima]

رينو سانديرو - مش استيبواي عشان تستفاد بالوبشن الكامل للسانديرو العادي - عفشة ممتازة واعتمادية عالية وتوكيل اكثر من رائع عندك واحد في العامرية وواحد في سموحة وعموما موضوع التوكيل مش حيفرق معاك عشان هو نفس التوكيل بتاع الكيا

[WaleedSaed]

اشكرك akerima لنصيتحتك بس ممكن احاول اجيب الستيب اوى فول ابوشن ولا السنديرو العادية افضل برده؟
برده لو فيه اى خيارات تانية فى نفس السعر ياريت تقولوا لى الفيات بونتو مثلا و انا بحب الهاتش باك اكتر

[akerima]

المشاركة الأصلية كتبت بواسطة WaleedSaed اشكرك akerima لنصيتحتك بس ممكن احاول اجيب الستيب اوى فول ابوشن ولا السنديرو العادية افضل برده؟ برده لو فيه اى خيارات تانية فى نفس السعر ياريت تقولوا لى الفيات بونتو مثلا و انا بحب الهاتش باك اكتر

مفيش ستيبواي فول اوبشن للاسف
السانديرو العادي يزيد عن الاستيبواي في
مقاعد قابله للتعلية والتخفيض
كمبيوتر رحلات
مرايات كهرباء
4 زجاج كهرباء

والاستيبواي تزيد عن العادي
ايرباج للراكب
ABS
مع الاختلافات الشكلية من الخارج

وعشان كده بقولك العادي من وجهة نظري افضل

[MmFFoR]

KIA Picanto 2012 فى الامارات 25.000 – 35.000 درهم اماراتى

ده سعرها في الامارات