بعد عام من طحن 516

[spera516]

بعد عام كامل من طحن وفرم وبهدلة سيارة سبيرانزا 516 موديل 2011

اليكم الحاله العامه واطلب من الخبراء اسئله فى بعض المشاكل التى ظهرت مؤخرا ..

1- السياره عامله 55 الف كيلو
2- السياره مازالت فبريكه بره وجوه الحمد لله مع وجود بعض الخدوش البسيطه
3- لا اذهب للتوكيل نهائيا
4- اقوم بتغيير زيت موبيل كل 4 الاف كيلو تقريبا XHP
5- قمت بتغيير فلتر زيت كل 15 الف كيلو تقريبا و فلتر بنزين مره واحده عند 30 الف
6- اقوم بتربيط العفشه وعمل ظبط زوايا كل 20 الف كيلو تقريبا
7- استعمل بنزين 92 فى الغالب او 90 قليلا ونادرا جدا ما استعملت 80
-----------------------------------------
- اقصي سرعه حققتها بالسياره 190
- السرعه المفضله بالسياره 130/140
- متوسط استهلاك البنزين 8 لتر كل 100 كيلو فى السفر وداخل البلد 9 الى 10
--------------------------------------------
مشاكل تؤرقني مؤخرا :
1- وجود هزه (رعشه ) فى السياره لحد سرعه 110 وبعدها لا تشعر بها اى تشعر بها فى السرعات المنخفضه وتشعر بها اكثر وانت جالس فى الكنبه
2- اداء السياره مع التكييف سىء جدا خصوصا مع الغيارات الاول والثاني وكانك تقود ببنزين 80 والسحب ضعيف فى اول غيارين عموما
3- صوت السياره سواء من العفشه او من المكنه عالى نسبيا
4- ظهرت مؤخرا صوت زننه بتروح وتيجي خصوصا عند التسخين اعتقد انها قادمه من طلمبة البنزين ولست متأكد ولكنها تشبة صوت الموبايل عند تشغيل الفيبريشن وهذا الصوت مسبب قلق لدي
5- ظهرت بعد ال 40 الف تقريبا صوت (تسس) فى الفرامل عند الفرمله وانا ممور لكنه صوت ضعيف جدا ومش موجود دائما يعني احيانا ولكن عند الفرمله مع الغيار لا يظهر الصوت بتاتا

*** ملحوظه هامه : مش عايز العب فى العربيه عشان اسباب تافهه والمشاكل تزيد لانى عارف ان مفيش صنايعي بيفهم زى الخواجه حتى لو كان الخواجه صيني
وعشان كده من تجاربي مع سيارات سابقه لا ازهب للصنايعي الا لما تكون العرابيه بايظه فعلا ومافيش حل تاني

-------------
ياريت تفيدوني وتقولولى العربيه محتاجه مني ايه ضرورى

تقييمي للسياره بعد هذه الفتره 75 %

[Saif eldien]

اعمل تنظيف لتيل الفرامل واكشف علية ان شاء الله تروح الصوت ال مع الفرامل
اضبط زوايا عربية وترصيص عند حد كويس علشان صوت الرعشة بتاعت 110 تروح
ابعد عن البنزين 80 بعد مدة استعمل سائل تنزيف بنزبن مع البنزين
وربنا يبارك لك فى السيارة

[abo-salama]

كل اللى حضرتك بتقوله كويس وانا مع سيف الدين فى نصائحه

[luaai]

المشاركة الأصلية كتبت بواسطة spera516 1- وجود هزه (رعشه ) فى السياره لحد سرعه 110 وبعدها لا تشعر بها اى تشعر بها فى السرعات المنخفضه وتشعر بها اكثر وانت جالس فى الكنبه

أنت محتاج تكشف عالجنوط ممكن تكون معووجة وأنت مش واخد بالك أو الكاوتش فيه رفة او بالونه داخليه واعمل بالمرة ترصيص عند حد نضيف

المشاركة الأصلية كتبت بواسطة spera516 2- اداء السياره مع التكييف سىء جدا خصوصا مع الغيارات الاول والثاني وكانك تقود ببنزين 80 والسحب ضعيف فى اول غيارين عموما

احرق على أول غيارين لحد 4000 آر بي إم عشان تحس بالعزم
والكلام ده أول حاجة تعملها قبل ما ندخل في فلتر البنزين أو تنظيف البوابة والحساس والذي منه

[mmmmgogommmm]

روح التوكيل او لاحمد مهران