محتارة في الستروين axومحتاجة نصيحة ضرووري

[بنت مسلمة]

يا جماعة انا معروض عليا ستروين ax ب13 الف بس فيها شوية حاجات زي الكاربيراتير وكمبريسور التكييف وشوية حاجات بسيطة بس عايزة رايكم في حاجة للناس اللي جربتها لاني بصراحة قلقانة جداااااا اجيبها واحتاس واكون ادبست فيها
عايزة اعرف العربية دي تنفعني وانا مبتدئة خالص ولا هتتعبني مش عارفة مع العلم اني لسه متعلمة السواقة جديد علي عربية لادا قديمة جدااااا بس مجهزة ب2 دركسيونوالفتيس متعب وبيعلني وخايفة من سواقة السيتروين دي النقطةو الاولي
النقطة التانية اني من اسكندرية ومعرفش ايه نظام قطع الغيار والصيانة هنا بس ناس كتير نصحتني بلاش العربية دي عشان قطع غيارها هنا صعبة وغالية ومفيش حد بيشتغل في الميكانيكا بتاعتها ومترددة جدا بصراحة
النقطة التالتة عايزة رايكم بامانة اجيب العربية دي علي اساس انها احسن من البديل التاني ليا اللي هي 128 ولا ابدا احسن بواحدة 128 اتعلم فيها وانا ونصيبي بقي مع العلم اني مش هرتاح للقديمة اوي من التمانينات او السبعينات وهخاف منها بس لو نصحتوني انها الافضل ممكن اقتنع

ملحوظة انا كان نفسي في الماروتي بس للاسف امكانياتي متسمحش بيها حاليا لاني هدفع 11 واقسط الباقي علي كام شهر لحد 15 الف ومظنش اني الاقي ماروتي بامكانياتي والبديل كدة قدامي محصور بين 128 وستروين ax 96 لو حد عنده بديل ليا تالت ياريت يفيدني بيه
واخييييييييرا واسفة عالاطالة ياريت حد ينصحني اعمل ايه وابدا ازاي لاني لسه يادوب مخلصة كورس السواقة من يومين وممشتش بعربية لوحدي بدركسيون واحد ومقلقة ومعرفش حتي مفروض اعمل ايه كل يوم قبل ما اركب العربية

والف الف شكر ليكم

[hamada20008]

بالنسبه للنقطه الاولي ال ax انعم بكتير من الادا مش هتتعبك وهي افضل بكتيير من 128 وكمان تستحتمل السفر

[Al Ghareeb]

طالما العربية مش مظبوطة و محتاجة حاجات لا أنصح حضرتك بيها لأنك مش هتستحملى الوقفة عند الميكانيكى و بتاع الكربيراتير و بتاع التكييف و الذى منه

ال 11 الف يجيبوا لحضرتك 128 حلوة ماشية و شغالة

او 127 فيورا حالتها ممتاز و أهى شبه الماروتى

و الله اعلى و أعلم

[azkol2005]

الموتور كامل تمنه 1500 جم
والعفشه كامله 1000 جم

[fineart607]

طبعا الستروين احسن بس الحالة شكلها هتتعبك وربنا يقدر لك الخير فى كلتا الحالات دى مرحلة ان شاء الله مؤقته فحاولى تجيبى شىء قليل الأعطال مع توافر قطع غيارة