#1
|
|||
|
|||
صني سوبر صالون 2011 للخبراء - تسعير وتقييم
السلام عليكم ورحمه الله
اسعار المستعمل فالسوق بقت مجنونه بشكل رهيب وانا بدور لقيت عربيه صني موديل 2011 سوبر صالون ممتازه عامله 23 الف كيلو فيها خدشين صغيرين وحاله العربيه ممتازه سؤالي لاهل الخبره وارجو ماحدش يبخل علي 1- هل السوبر صالون منه فئات لاني قريت عن حاجه اسمها هاي لاين وازاي اعرف لو فيه فئات ؟ 2-سعر العربيه ده يعمل كام فالطبيعي بعيدا عن سعر السوق الحالي لاني ممكن انتظر لحد السوق ما يعقل تاني هي مطلوب فيها 93 الف وهرخص ( بيقولي فيها فاتوره يعني تحط اسمك وترخص ) 3- وده اهم سؤال هو ايه عيوب الصني 2011 ؟؟؟؟؟؟؟؟؟ وجزا الله كل من افاد بكل خير وفرج همه ووسع رزقه |
#2
|
||||
|
||||
رد: صني سوبر صالون 2011 للخبراء - تسعير وتقييم
السوبر صالون فيه منه هاي لاين ودا كل الجديد عليه زجاج ملون فقط عن الصوبر صالون العادي.
السعر مبالغ فيه جدااااا أنا أفتكر سعرها الطبيعي حوالي 85 ألف إن ما كنتش كارمه كمان. ياباشا مافيش حاجة إسمها عيوب عربية, العربية بتبقى عيبها إنها مش ملبيا طلباتك منها؟ الي ملاحظه على الصني إنها عربية تقيلة في الوزن وسحبها مش زي عربيات أصغر منها ومساحة الأرجل الخلفية ولاكن قدام دا إنتا عندك مميزات كتير قوي تقدر تقراها من التقارير الي مالية الدنيا على المنتدى.
__________________
|
#3
|
|||
|
|||
رد: صني سوبر صالون 2011 للخبراء - تسعير وتقييم
عربية تقيلة في الوزن وسحبها مش زي عربيات أصغر منها ومساحة الأرجل الخلفية ولاكن قدام دا ؟؟؟؟ دي عيوب ولا مميزات ؟ يعني ايه المقصود وشكرا علي الرد
|
#4
|
||||
|
||||
رد: صني سوبر صالون 2011 للخبراء - تسعير وتقييم
أولا أنا كان قصدي إني العيوب والمميزات بتختلف من شخصية للتانية ياعني الي عندي عيب ممكن يكون عندك ميزة والعكس. ياعني أنا شايف إني العربية تقيلة وسحبها مش حلو ولاكن بعد التجميع في أول الغيار بتبقى مش وحشة أبدا وأنا كمان غير دا كله عربيتي أتوماتيك فاليا التعليق دا أو الملاحظة دي على الوزن والسحب, ممكن إنتا بقى تكون مابتحبش الجري أو إني طلعتك بالعربية مريحة ومش هتحس بالتقل أو إني عربيتك مانيوال فا هتفرق عن الي معايا وغيره وغيره (اليوبر صالون مافيش منها غير أوتوماتك على فكرة) الملاحظة التانية: أنا عيلتي كبيرة وكلهم طوال والحمد لله وأنا طولي 186سم وعلشان كدة برجع كرسيا للآخر ولاكن الي بيبقى قاعد ورايا بيشد في شعره وركبه بتبقى خابطة في ضهري. ودا ممكن مايكونشي معاك عيب علشان مش لازم يكون لينا نفس الظروف. الي كنت أقصده بإني "قدام العيوب دي " وبالمقابل لما سبق ذكره من عيوب وقولت أقولك على كذا حاجة عجبتني في العربية إني الشنطة واسعة بحرررر, العربية شكلا عاجباني, الإتزان ممتاز مع السرعات,, الباور متزن ومش خفيف يحسسك إنها عربية لعبة,, التكييف بردو عاجبني جدا,, صوت الماتور على السرعات ليه صوت رياضي مميز كدة أن بحبه,, قطع غيارها متوفرة في كل حتة إستيراد وجديد (بس مش رخيصة على فكرة) وكفاية أقولك إني مغير حاجات بعدد شعر راسي في العربية من مساعدين وكبوت وإكصدام وفوانيس,,, إلخ,,, بسبب إني فيه ليا أخ صغير الله يجازيه ويهديه دايما حاطط بصمتع على العربية.
__________________
|
#5
|
||||
|
||||
رد: صني سوبر صالون 2011 للخبراء - تسعير وتقييم
السلام عليكم
فعلا اسعار العربيات مبالغ فيها هذه الأيام انا شوفت سوبر صالون 2011 سوداء في معرض وكان طالب فيها تقريبا نفس الثمن وكانت بحالة الزيرو وفعلا هي سياره فيها مميزات وعيوب لكنها استهلاكها للبنزين عالى شويه بالمقارنه بباقي العربيات والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
|