|
عفشة السيارة عفشة السيارة تشمل أنظمة التعليق و التوجيه و نقل طاقة المحرك للعجلات |
|
أدوات الموضوع |
#1
|
||||
|
||||
مشكلة ال abs
انا عندى مشكلة غريبة عملتلى صداع لغاية دلوقت
انا كنت ماشى بعربيتى فورد فوكس وكل حاجة تمام ومية مية فجأة لمبة ال abs لوحدها من غير اى حاجة نهائى ومرة تقيد ومرة تطفى يعنى مش قايدة على طول بس سمعت ان الحساس اما بيتوسخ بيعمل كدة بس مش عارف انضف الحساس دة ازاى او بأية مع انى وديت العربية للمشحمة ومافيش فايدة ياريت تساعدونى فى الموضوع دة |
#2
|
||||
|
||||
رد: مشكلة ال abs
لا طبعا غسيل المشحمة مش حيعرف يوصله لانه غالبا مدفون فى الطمبورة
عشان توصله سهل بس تفك العجلة و غالبا فى معظم العربيات بيتفك من الطنبورة من ورا و سهل و ساعتها تنضفه مباشر و فعلا مشاكل تراكم اوساخ الطريق على راس الحساس غالبا هى السبب الشائع لاضائة لمبة ال ABS بس لو النضافة مجبتش نتيجة يبقى لازم سكان
__________________
سبحانك لا علم لنا الا ما علمتنا |
#3
|
||||
|
||||
رد: مشكلة ال abs
وهل ممكن يكون سرة العجلة الخلفية لو تالفة ممكن تنور لمبة ال abs ???? اصلى روحت لعفشجى كويس بصلى على العربية وقالى انها عاوزة تتنضف بس وهو بينضف قالى ان السرة وطقم التيل الخلفى عاووز يتغير ومارضاش يكمل تنضيف الحساسات بتاعت ال abs الا اما اغير السرة الاول |
#4
|
||||
|
||||
رد: مشكلة ال abs
هو فى الصرة زيى حلقة مشرشرة بتلف مع الصرة و الحساس عبارة عن لاقط مغناطيسى ثابت مبيلفش و قريب من الحلقة المشرشرة بيحس بيها
انا مش متأكد هل المشرشر عندك باظ ؟ هل الصرة الجديدة بتيجى بالحلقة المشرشرة ؟ حكاية ان التيل عايز يتغير ماشى بس ملوش علاقة بلمبة ال abs الصرة عايز يغيرها ليه ؟ متاكلة جامد ؟ على العموم هو اللى شايف حالة الصرة و التيل و اكيد حكمه كويس عليهم بس موضوع اللمبة مرتبط بانظمة ال abs زيى الحساسات الرينجات المشرشرة الضفيرة الفيش لو واخدة رطوبة الصمامات و نضافة الحساسات و الرينجات ممكن تطفى اللمبة و لو مطفتش يبقى لازم سكان الكنترول بتاع ال abs
__________________
سبحانك لا علم لنا الا ما علمتنا التعديل الأخير تم بواسطة احمد على 1999 ; 10-01-2014 الساعة 09:10 PM |
#5
|
||||
|
||||
رد: مشكلة ال abs
بس كان عندى استفسار لو الفيش واخدة رطوبة ممكن تروح بعد قد اية ولا لازم تتنضف والحساسات اما انضفها بتتنضف فى كل العجل ولا العجلتين اللى قدام بس ؟؟؟ عشان انا عرفت اوصل للحساسات اللى قدام بس اللى ورا مش عارف اوصلهم وبالنسبة للصمامات هى فين بالظبط ؟؟؟ |
|
|