الRPM على 900 عند الدوارة..زمان كان اعلى. ليه؟

[r0xer]

السلام عليكم

عندي مشكلة بقى لها فترة وقلت يمكن مع تغير الزيت تروح ولكن مراحتش

المشكلة ببساطة هي ان الRPM زمان عند الدوارة صباحا كان بيكون على 1200 ويبدأ ينزل لحد 700-900 ويثبت على كدا ودا الطبيعي

دلوقتي بقا بمجرد التدوير بلاقي الRPM على 1000 وينزل ل700-900

ايه الموضوع دا وهل دا معناها ان في مشكلة في العربية؟

العربية عاملة 50 الف كيلو. فيرنا 1600

ياريت المساعدة يا خبراء

[Vanditta]

الRPM على 900 عند الدوارة..زمان كان اعلى. ليه؟

ممكن تكون حضرتك تقصد ب زمان دى فترة الشتاء
وطبيعيى ساعتها ان الاربى ام يبقى اعلى فى الدوارة من فترة الصيف عشان حرارة الجو

[احمد على 1999]

بص يا باشا لو مفيش رجة يبقى احسن سيبها

هو فعلا عندك حق المفروض بيبقى اعلى من 1000 و ينزل
بس كلام الاستاذ فانديتا منطقى

[r0xer]

الف شكر يارجالة ليكم

لكن فعلا العربية بتكون باردة المفروض يعني مشتغلتش ليها يومين مثلا...مفتكرش مسألة الجو مؤثرة للدرجة دي معقول؟

عموما الشتاء قرب وهشوف..ومفيش رجة ولاحاجة الموتور طبعا عند الدوارة صوته اعلى شوية ولكن مفيش رجة ولاحاجة.

انا مغير بوجيهات وكل الفلاتر ولذلك مستغرب ان يكون في مشكلة!

[احمد على 1999]

هو الحمد لله مفيش مشكلة اكيد الموضوع حيبقى نضافة صمام ايدل و بوابة بس طالما مفيش رجة و لا شكوى يبقى لا داعى للفك