#1
|
||||
|
||||
عملت حادثة .. وعاوز معلومات..
من يومين وبالليل والدنيا ضلمه (هههه معلهش القافية تحكم)
كنت راجع من القاهرة بعربيتى الوزة موديل 2008 متجها الى طريق الأسماعيلية الصحراوى من الطريق المجاور لملاهى السندباد (جوزيف تيتو) وأنا طالع الكوبرى اللى بيودى على الطريق مش عارف ايه اللى خلانى آخد يمين قوى المهم .زطاخ دخلت فى الرصييف اللى فى أول الكوبر ومالت العربية ولكن ربنا ستر ومتقلبتش والحمد لله المهم بعد ما توقفت لقيت جنت العجله اليمين اتعوج من عند حافتة فقط والكاوتش اتقطع بطول حوالى 10سم (ضبه ومفتاح) وبعد ما هدأت بدأت أغير الأستبن اللى بعدما ركبته طلع نايم ( ماهى ناقصة قرف) المهم مشيت علية لحد ماعديت الكوبرى اللة كان فى آخرة بنزينة وبها واحد بتاع كاوتش اللى نفخة وأكملت المشوار بسلام والحمد لله ..ولكن اثناء سيرى كنت باسمع صوت دبدبه جايه من عند العجله اليمين فى المطبات الصغيرة .. طنشت طبعا (الدنيا ضلمة وعاوز أروح بسرعة ومعايا مراتى فلازم ابان انى متماسك وانا من جوه زى ما انتم عارفين ههههههههههه) المهم تانى يوم روحت لمركز خدمه معتمد فقالى المهندس بعد التجربه ورفع العربية انى لازم اغير المساعد اليمين (رقعت بالصوت ولا مؤخذة) طب بكام ياعم المساعد ده قالى ب 430 جنية قولت له شكرا وسلاموا عليكم ومشيت وان بكلم نفسى كاوتش جوديير بـ550 جنيه ومساعد كمان بـ430 جنية رحمتك يارب !! ياترى ياأهل الخير هى دى الأسعار العادية ولا فيه اسعار تانية؟؟ .. وياترى فيه حلول أخرى أقل تكلفة ؟؟ .. وياترى ممكن امشى بالمساعد ده على حاله كدة مدة قد ايه ؟؟ معلهش طولت عليكم ..بس أعمل ايه لازم افضفض لكم !! وشكرا مقدما....... :w6w2 00504112236376d
__________________
Tarek |
#2
|
رد: عملت حادثة .. وعاوز معلومات..
قدر الله وما شاء فعل
وحمد لله على سلامتك يا استاذ طارق واسرتك الكريمة شوف لو العملية مزنقة ممكن تمشى بالاستبن تخليه اساسى وتشترى فردة مستعملة ب100جنيه وتخليها استبن والمساعد المعووج ممكن تغيره بواحد استيراد من الحرفيين او جديد بس تجيبه من التوفيقية وبلاش التوكيل لانه عالى طبعا
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
#3
|
||||
|
||||
رد: عملت حادثة .. وعاوز معلومات..
الحمد لله على سلامتك يا أستاذ طارق (هو ده المهم)
وانا مع كلام الأستاذ تونسى .. بس ياترى سعر المساعد كام فى التوفيقية ؟؟؟
__________________
TAREK ALSEHT
|
#4
|
||||
|
||||
رد: عملت حادثة .. وعاوز معلومات..
بالنسبة للكاوتش انا فعلا ماشى على الأستبن وهو بحاله أكثر من ممتازة(اول مرة استعمله) اما الكاوتش المقطوع ركبت له طاقية واطار داخلى بـ 40 جنية وخليته استبن بصفة مؤقته لحد ماشوف واحد استعمال اما موضوع المساعد ده ..طبعا انا مقتنع برأيك ..بس السؤال ممكن امشى بيه قد ايه؟؟؟ ولا الحكاية دى فيها مشكله ؟؟
__________________
Tarek |
#5
|
رد: عملت حادثة .. وعاوز معلومات..
غيره افضل لكى لا يؤثر على حاجة تانية فى العفشة
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
|
|