|
المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
أدوات الموضوع |
#1
|
||||
|
||||
فائدة منظومة ال EGR فى مجال الأحتراق الداخلى
يعنى أيه EGR ..............؟
فى الواقع دول ثلاث حروف أختصارا للمصطلح الأنجلش (exhaust gas re-circulation) أى أعادة تدوير أو أدخال جزء من غازات العادم للمكنه تانى بعد خروجه من فتحات العادم ____________________ أزاى الكلام ده .....يا عمنا بأه ناخد عادم وندخله جوه غرف الحريق تانى ....وليه أساسا الهبل ده .....؟ ده مش هبل ....دى عالم بتفكر .....ومش قاعده زينا على القهاوى وعالم جد فى وقت العمل والأبحاث العلميه مش عالم بدون أهداف زى حالاتنا مفيش ورانا غير جدو ....وخالتو ....وأبو تريكه وخلافه من الهيافات التى أخذت بنا إلى زيل الأمم _________________________ نعم أخى الفاضل .... فمنظومة أعادة تدوير جزء من غازات العادم وأختلاطها بالشحنه النظيفه ( الهواء + البنزين ) داخل غرف الحريق صممت بالفعل لسبب علمى هام فعملية تدوير ( أعادة أدخال ) جزء من عادم المحرك سببها الأساسى هو تخفيض نسبة أكاسيد النيتروجين NOX(NO2) gases والتى تنتج من عمليات الحريق عند تصل الحراره ( داخل غرف الحريق ) أعلى من 3500 درجه فهرنهايت طيب ليه أحنا عاوزين نخفض نسبة أكاسيد النيتروجين اللى خارجه مع العادم _____________________ فى الحقيقه لقد أثبتت التجارب الطبيه أن تواجد أكاسيد النيتروجين فى العادم وتلويثها للجو الخارجى تؤدى إلى تلف فى خلايا مخ الإنسان لذا فأنه منذ عام 1976 تم أدخال منظومة تدوير جزء من غازات العادم فى مجال هندسة السيارات حيث يقوم بلف ال egr من خلال التحكم فى آداؤه بالتحكم فى الشوية العادم اللى حيدخلوا جوه غرف الحريق ودخول العادم لمانيفولد دخول الهواء ثم الدخول مع الشحنه النظيفه لأسطوانات المحرك فى أوقات محدده وبعنايه وذلك لتخفيض الحراره جوه الغرف وعدم وصولها لمعدلات حرجه تولد ظهور أكاسيد النيتروجين بكثره مع العادم الخارج من الشكمان أذا نطلع من كده بأيه 1- بنحافظ على مخ الأنسان من التلف مع أستنشاق العادم 2- بنقلل درجة الحراره المتولده عن حريق البنزين والهواء داخل غرف حريق المحرك .... يعنى بنحافظ على مكونات المكنه ( زى البساتم والصبابات وخلافه ) ودى صوره لبلف EGR يعمل كهربيا ( بيسمى النوع الخطى ) Electrically Operated EGR Valve (Linear) _________________________ ________ ودى صوره لبلف EGR يعمل بالتخلخل من خلال خط فاكيوم رايحله من بعد بوابة الثروتل بودى ( كما هو مطبق بعائلة الدايو ) Vacuum Operated EGR Valve _________________________ ___________ لأختبار بلف ال EGR الذى يعمل بخط تخلخل شيل خرطوم هواء التخلخل الواصل للبلف والمكنه شغال وحاول بأى وسيله تعمل تخلخل لشفط رق البلف من مكان فصلك للخرطوم لو المكنه رعشت وأترجت معاك أعرف أن البلف شغال تمام لو حريق المكنه لم يتأثر ومفيش رعشه ولا رجه حصلت للمكنه يبقى البلف بايظ أو خط أدخال العادم من البلف للمكنه مسدود بالكربون _________________________ _________ أما طريقة أختبار بلف ال EGR من النوع الكهربى أو الخطى فى حركة الفتح بيتطلب وضع عملية التحكم تحت جهاز الكشف للأعطال المسمى بالأسكانر
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
#2
|
|||
|
|||
رد: فائدة منظومة ال EGR فى مجال الأحتراق الداخلى
طب انا عندي دايو ليجانزا ولما بشيله او بفصله المكنه تمام
لما بوصله المكنه بتعرش والعربيه بحس انها عايزه تطفي ولازم اكبس جامد علي دواسة البنزين ايه تشخيصك للكلام ده ايه رايك في الكلام ده |
#3
|
||||
|
||||
رد: فائدة منظومة ال EGR فى مجال الأحتراق الداخلى
جزاك الله خيرا على المعلومات القيمة
سؤال لو سمحت يا مهندس سمير النوع التانى (EGR يعمل بالتخلخل من خلال خط فاكيوم ) ممكن بيتباع ولا مفيش منه قطع غيار لأن عريتى اكسيل ومش لاقى منه جديد وهل ممكن يركب عليها نوع ايه وبكام لو سمحت ؟؟
__________________
د / محمد إن الله لا يصلح عمل المفسدين
|
#4
|
||||
|
||||
رد: فائدة منظومة ال EGR فى مجال الأحتراق الداخلى
لو لم يكن الجديد متوفرا ولا يتم صيانته أو تغيير أجزاء له لأنه متقفل بطريقة معينه كما أن تلف الرق الداخلى له وميكانيزم التشغيل يجعل البلف غير قابل للصيانه
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
#5
|
||||
|
||||
رد: فائدة منظومة ال EGR فى مجال الأحتراق الداخلى
وفاتح ومعلق على طول حاول تنظفه هو ومكان تركيبه على المكنه فلو ملقيتش نتيجه أفضل يبقى ياتغيره ......يا تلغيه
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
|