استحلفكم بالله اغيثونى

[mnp]

مشكلنى تنحصر فى الاتى
انا معاى عربيه سويفت 94 من يوم ماشترتها وهى مغلبانى ومطلعه عينى وخربت بيتى فى المصاريف والمشكله تنحصر فى الاتى
1- المروحه عندى كانت شغاله ديكرت روحت للكهربائى خلاها تشتغل على 90 وتفصل على سبعين والمفترض ان دة الطبيعى لاى عربيه لكن اختلف الامر معاى فى ايه بقا اول ما الكهربائى شغل الترمثتات ( ضربت معاى جوان والزيت دخل على الريدتير غيرت جوان حوالى خمس مرات قالو خلى المروحه شغاله على طول انظبطت العربيه ومشيت زى الفل وبطلت تضرب معاى الجوان لكن قابلتنى مشكله تانى ايه هى
2- كل شهرين بالظبط او ثلاث شهور اغير بطاريه روحت للكهربائى مرة قال المارش ومرة الدينمو واشتغلنى بما يرضى الله قال فى عندك عيب فى الضفيرة حالنى غيرت ضفيرة كامله ولسه العيب هو هو روحت لكهربائى اخر قالى المشكله مش كهربائ المشكله ان المروحه طالما شغاله ديكرت وما بتفصلشى هتاكل منك بطاريه
الســــــــــــــــــــــ ـــــــــــــــــــــــــ ـــــــــــوال
هل العيب فى وش السلندر وهل ممكن يكون هو الا بيسخن العربيه
طيب لو هو ال بيسخن العربيه اغيرة ولا اعمل ايه ولو غيرته السخونه هتروح واحد يقولى ممكن يكون الرديتير اقولك غسلت الرديتر وسلكته عملت اى شى ممكن تتخيله

[samirayad]

مكرر.............

[oceanboy425]

عيب بنزين ههههههههههههههه

[maka]

سوال و احد بس هى المروحة بتفضل شغالة بعد ما العربية تبطل ؟؟؟ لو الاجابة باه خلى الكهربائى يقلبها على الكونتاكت

و سوال تانى شحن الدينامو اخباره ايه بيشحن كويس ولا لا ؟؟

[mg57]

انا عندي ورشة ميكانيكا في الجيزة كلمني علي ٠١٢٨١١٥٦٩٨ وربنا يسهل