|
سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
|
أدوات الموضوع |
#1
|
|||
|
|||
ازاي اروح ابو قير يا جماعه
والله هتوحشوني لاني رايح مصيف بكره لمدة اسبوع في ابو قير في اسكندرية في فندق 6 اكتوبر بتاع القوات المسلحه هوه القوات المسلحه بتعمل افواج بالاتوبيسات تبعها بس انا عايز اروح بالعربية والمشكلة ان الاتوبيسات بترخم ومبترضاش تاخد الطريق الصحراوي وبتاخد الزراعي وانا عمري ما روحت اسكندرية بالعربية كنت بروحها يا بالتوربين الاحمر من محطة مصر وكنت بنزل اخد تاكسي لحد الفندق وياما مع فوج القوات المسلحة بس المره ديه انا خايف اسيب العربية في الجراش عندنا وعايز اخدها معايا فياريت تقولولي اعمل ايه امشي ورا الفوج من الطريق الزراعي ولا اخد الصحراوي بس مش عارف الطريق من اسكندرية نفسها ولا اوصل لحد الكورنيش ان شاء الله واسئل من هناك او امشي ورا اي عربية رايحه ابو قير يا ريت حد يفدني يا جماعه
التعديل الأخير تم بواسطة hazem_khidr ; 06-06-2010 الساعة 06:26 AM سبب آخر: تم نقل الموضوع الي المنتدي المخصص للطرق و تنبيه للعضو بمراعاه فتح الموضوع في المكان المناسب |
#2
|
||||
|
||||
رد: ازاي اروح ابو قير يا جماعه
بص بكل سهوله وبدون خرائط اطلع الطريق الصحراوى وافضل متجهة اتجاه اسكندرية لغاية ما تعدى البوابة ودوغرى لا شمال ولا يمين لغاية ما تلاقى طريق الكورنيش امامك تاخد يمين يعنى اتجاه الغرب وتفضل ماشى لا يمين ولا شمال طريق البحر لغاية اخرة حوالى 15 كيلو لغاية ما يخلص طريق الكورنيش وتوصل للمنتزة كمل وانزل النفق او تحت الكوبرى وخد شمال وكمل دوغرى لغاية ما توصل لمزلقان شمالك كبير بيدخل اتجاه الاكاديمية البحرية وطوسون عدى المزلاقان وعند المزلاقان دة يافطة تشير الى اتجاه الاكاديمية البحرية بعد ما تعدى المزلاقان اسحب على طول الى نهايةالطريق خلاص وصلت ابو قير وتقبل تحياتى ورحله سعيدة
|
#3
|
||||
|
||||
رد: ازاي اروح ابو قير يا جماعه
اتبع الطريق الصحراوى من بعد البوابة طوالى الى كارفور و المعارض ثم تلف مع العربيات شمال و بعدين حيكون فى كوبرى لا تتطلعه و خليك ماشى طوالى الطريق حيطلعك على البحر ثم تدخل يمن من على البحر (الكورنيش) طوالى الى اخر الطريق
حتوصل (المندرة) و تعدى من تحت تحت كوبرى المندرة و تاخذ شمال الى الاخر حتى تشوف نقطة الشرطة العسكرية و امامة مزلقان قطر تعدية و بعدين طوالى الى ابوقير |
#4
|
|||
|
|||
رد: ازاي اروح ابو قير يا جماعه
تسلملي يا جميل وليك عندي كيلو رغيف حواوشي اسكندراني هديه |
#5
|
|||
|
|||
رد: ازاي اروح ابو قير يا جماعه
تسلملي يا ابو المكارم يا ملك الخرايط والله ما قصرت |
أدوات الموضوع | |
|
|