|
BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
|
أدوات الموضوع |
#1
|
|||
|
|||
حسبى الله ونعم الوكيل
أرجو من كل اللى يدخل الموضوع إنه يكمله لأخره علشان يستفاد ويتعلم :- التوقيتات اللى هتكلم بيها كلها فعلية وبإذن الله لو دخلت الأستاذة داليا المسؤلة عن الحجز واللى كانت بصراحة متابعة معايا المشكلة من ساعت مدخلت هتأكد كلامى والتوقيتات اللى أنا كاتبها العربية ليها معايا 10 شهور وعملت بيها 22 ألف كيلوا ومرحتش صيانة غير عالألف فقط من فترة حسين بصوت عالى فى الكابينة كأنه جى من الموتور من عند سرعة 50 كيلوا وكل مزود السرعة الصوت يزيد الكلام المهم يبتدى من هنا تحديدا رحت التوكيل الساعة 8.45 بعد 5 دقايق كان الصنايعية بينزلوا من المينيباص بتاعهم وداخلين الورشة جه المهندس يسأنى بشتكى من إيه _ قلتله الشكوى بتاعة الصوت العالى اللى فى الكابينة وكمان العربية بتحدف شمال قاللى عاوز الضمان إديتهوله قاللى إنت خرجت من الضمان لأنك مجيتش فى مواعيد الصيانات المقررة قلتله انا عندى فكرة بكده ومتحمل ثمن أى حاجة هتتغير فى العربية قاللى كده تمام وأخد منى العربية المهندس مصطفى اللى إستلم منى العربية هو العامل الأساسى فى ضياع وقتى وحقى التوكيل غلط غلطة شنيعة مش فى صالحه وهو غنك هتشوف عربيتك واللى بيتعمل فيها وكل حاجة من شباك الكافيتيريا العربية دخلت الساعة 9 بالظبط وكان ترتيبها رقم 2 لاحظت إن فيه حوالى 9 تاكسى بايت فى التوكيل لأنهم هياخدوا وقط للتصليح لقيت الصنايعية إبتدوا شغل فى التاكسى حوالى 9.30 وعربيتى زى ماهى مركونة الساعة عدت 11 ومحدش جه جنبها ودخل عربيتين ملاكى وابتدى فيهم شغل طبعا دمى اتحرق نزلت للمهندس مصطفى 3 مرات من 11.10 لحد الساعة 12.30 وكل شوية يقوللى حاضر هنشوفها حاضر هنظبطها ومخدش أى رد فعل لما زهقت رحت للأنسة داليا المسؤلة عن الحجز وقلتلها على المشكلة وإن التأخير 3 ساعات من غير أى شغل فى العربية إتصلت بالمهندس مصطفى وقالتله يهتم بالعربية قاللها أصل العربية هيركبلها قطعة غيار وهنبتدى الشغل فيها الساعة 1.15 العربية اتحركت ودخلت تظبط زوايا وبعد 20 دقيقة رجعت مكانها تانى من 1.15 لغاية 2.45 والعربية ثابتة متحركتش نزلت تانى للمهندس مصطفى قلتله محدش شاف موضوع الصوت قاللى هشوف الصنايعى وابقى ابلغك غاب حوالى ساعة وطلع بالعربية الساعة 3.25 وقاللى العربية تمام الزوايا إتظبطت لكن الصوت ده طبيعى _ قلتله طبيعى إزاى ده العربية معايا ليها سنة مفيهاش حاجة لكن صوتها بقى عامل زى موتور اللنش بالظبط قاللى طب ثوانى هطلع اجربها _ خدها جربها قاللى فعلا فيه مشكلة الصوت ده غريب قلتله إنت ملاحظتش إن صوتها غريب إلا 3.30 وانا معاك من 9.00 يعنى 6ساعات ونص قلتله يبقى انتو مجربتوش العربية سكت وحط وشه فى الأرض وقاللى معلش سيب العربية نعملها ونشوف المشكلة وتعالى خدها بكرة قلتله لأ ومين يتحاسب على العطلة والتقصير والتعب لازم حد يكشف عالعربية ويقوللى فيه إيه وطلعت إشتكيت للعقيد محمد رمضان والعربية فعلا دخلت تانى وبعدين قالولى البلى هيتغير الأمامى ولازم العربية تبات والمهندس سيف قال كده من الصبح وعلى فكرة سيف ده هو المسؤل عن العربية من ساعة مدخلت هنا إشتريت البلى منهم ورجعت عالسويس أركبه هناك وإتحسبنت على كل اللى إتسبب فى كده وفى وش المهندس مصطفى لأنى كان معايا أولادى الصغيرين وزوجتى وقلت نخلص التوكيل فى ساعتين ونكمل اليوم فى القاهرة ورجعنا كلنا من التوكيل عالسويس وكلنا تعب وحرقة دم من توكيل ربنا ينتقم منه ومن عماله اللى مبيراعوش ضميرهم |
#2
|
||||
|
||||
رد: حسبى الله ونعم الوكيل
حضرتك غلطان كان المفروض من اول ما شوفت عربيتك وقفة و هما منفضين و مش بيبصوا عليها كونت تزعق فيهم عشان يحسوا على دمهم شوية .
و كان المفروض تعملهم مشكلة عشان ميعملوش الحركة القزرة دى تانى معاك او مع اى حد . حسبى الله و نعم الوكيل فى كل انسان مهمل او مستهتر مش بيتقى الله .
__________________
عاشت مصر حرة مستقلة رغم انف المتأمرين و الحاقدين |
#3
|
||||
|
||||
رد: حسبى الله ونعم الوكيل
متزعلش نفسك بتحصل كتييييييييييييييييييييييي ر
|
#4
|
||||
|
||||
رد: حسبى الله ونعم الوكيل
حسبي الله ونعم الوكيل في م/ مصطفي ده الففففففففففف مرة
دوول فنانين تضيع وقت للاسف قعدت عندهم من الساعة 9.45 الي الساعة 4.30 تقريبا والعربية تخرج وتدخل 3 مرات يا مؤمن كل مرة عشان ناقص فيها شيء متعملش ويكدب ويقولك خلاص كله تمام كل الي قلت عليه اتعمل وبعدين اكتشف انه كداب وعاوز اني امشي وخلاص وتدخل العربية تاني وتخرج ونفس الكلام يتكرر العربية دخلت وخرجت 3 مرات حتي زهقت ومليت ومشيت وانا بدعي عليه ولا انكر دور استاذة داليا ولا يقوموا بمساعدتها والاستاذ عماد كمان شوفته بيحل مشاكل ناس كتير بس للاسف كنت خلاص زهقت فمشيت من غير مقابله لاني كنت ناوي اشرحله الي حصل واطلب مساعدته للاسف الي في الورشة نظام اقلب الزبون يطلع العربية ويقولك روح ادفع كله تمام ارد عليه تعالي سلمني العربية يقولي بس روح ادفع كل حاجة اتعملت ولما صممت جه يسلمني العربية فوجيء اني مطلع الورقة الي كاتب فيها المشاكل وبراجع واحدة واحدة ولما طلعت حاجات كتير لم يتم اصلاحها رد بان هو غير مسؤل عما يحدث بالورشة وهدخلها تاني وتخرج للمرة الثانية برده ناقصة ويعمل فيها زعلان ويدخلها تاني وبرده ناقصة بعد مخرجت بل ظهرت بالسيارة مشاكل لم تكن بها قبل صيانة الـ 1000 يارب انتقم منهم هما وكل واحد لا يتقن عمله الظاهرعشان انا كنت بتكلم باحترام لم اخذ حقي ملحوظة واقتراح من خلال خبرتي المتواضعة في مجال خدمة الدعم الفني والتركيبات
ارجو من التوكيل تحديد صنايعي يقف يستلم العربية مع مصطفي والي معاه عشان يبقي فاهم العميل بيشتكي من ايه ويكون هو المسؤول عنها داخل الورشة وهوالي يستلمها ويسلمها مرة اخري للعميل اعتقد ان السبب يكمن في عدم معرفة من يقوم باصلاح الاعطال بنوع العطل وشكله وعدم وجود شخص يهتم بكل سيارة علي حدي هو سبب المشاكل كلها بالتوكيل عدم وجود من يتابع ما يحدث بالسيارة والتاكد من ان ما يتم هو ما يريده العميل
__________________
أصبحنا مع بزوغ كل فجر جديد نتسائل كم رجل تم اعتقاله اليوم ؟ كم شاب وطفل قتل ؟ كم سيده انتهك عرضها ؟ كم صحفى تم قتله او اعتقاله ؟ كم مسجد أغلق او حوصر ؟ كم داعيه الى الله تم ضبطه ؟ كم منزل تهدم على رؤوس اصحابه ؟ |
#5
|
|||
|
|||
رد: حسبى الله ونعم الوكيل
حسبى الله ونعم الوكيل على الأهمال اللى هما فيه _ شكرا للمتابعة |
أدوات الموضوع | |
|
|