#1
|
||||
|
||||
انا والاكسيل والماية اللى دخلت الماتور :(
السلام عليكم ورحمة الله وبركاته
طبعا امبارح قولت اشوف ادنيا كده نزلت فكيت الكربراتير نضفت مكانه وركبت تانى لقيت ان العربيه طلعت فى اول التشغيل بخرة ماية كتيير اوووى من الشكمان ولقيت فيه مكان ورا عند المنافول عمال ينزل مايه وكدا المهم مكترتش وروحت قافل على امل انى بكره اخد الكربراتير واروح عند البشمهندس معتز فى دار السلام يظبط الكربراتير وكل اللى انا لعبت فيه من جديد وفعلا روحت النهارده عنده وخدت الكربراتير فقط والراجل قالى ان فيه ناس جت له من المنتدى والحمد لله اتبسطوا جدااا من شغله (هو بصراحه فنان بمعنى الكلمه ) وقالى فيه ايه قلتله على كل العك اللى انا عكيته فى الكربراتير وكدا قالى خلاص متقلقش راح فاكك الكربراتير كله حتت صغيرة قدامى وعمل اختبار على كل جزء فيه بمعنى الكلمه الباب الاول والباب التانى و الاكس و المجارى كلها ونضف كله وبصراحه رجعه جديد تانى حتى الجوانات كلها راح مغيرها وادانى جوان جديد للمنافول علشان اركبه بدل القديم وقالى ركب الكربراتير وهات العربيه علشان اكمل لك ظبط عليها قلتله ماشى وعلى وعد انى اروح البيت اركب الكربراتير واروحله على طول وفعلا روحت البيت على طول وركبت الكربراتير فى مكانه وركزوا بقى فى اللى جاى ده خلاص انا ركبت الكربراتير وجيت ادور لقيت المرش بيجى يدور ويقف طبعا انا استنتجت ان فيه مايه جوه الماتور كدا دخلت من المنافول طبعا روحت ببص على الزيت لقيته مدى على طحينة قولت يبقى فيه مايه فعلا روحت رايح جايب طقم بوجيهات وفكيت الاربع بوجيهات القدام ودورت تدورتين كدا علشان اطلع الماية اللى جوه وبعدين ركبت البوجيهات الجديده ودورت راحت دايره واتصلت بالميكانيكى ساعتها قالى كدا يبقى جوان وش السلندر ضرب روحت متصل بواحد تانى قالى اجرى بيها مشوار لو المايه اختفت من الزيت يبقى خلاص المايه اللى كانت دخلت من المنافول هتتبخر وخلاص كدا المهم روحت دورتها شوية وبعدين اخدت بيها مشوار بسيط حوالى ربع ساعه وبعدين جيت ركنت وجيت ابص على الزيت لقيت الطحينة الى كانت فيه اختفت خلاص ومبقاش فيه حاجه بس مازال الماية الى بتنقط من ورا عند المنافول بتنقط زى ما هى المهم كلمت الميكانيكى الاولانى اللى قالى ان الجوان ضرب قلتله ان الزيت رجع لحالته الطبيعية يبقى ايه الاخبار قالى يبقى خلاص كانوا شوية مايه وراحوا لحالهم قلتله يعنى مفيش جوان وش سلندر قالى شوف بكره زيت جه فيه مايه ولا لا لو مفيش يبقى خلاص مفيش حاجه قلتله ماشى وقفلت معاه المكالمة دلوقت بقىا لسؤال ما هو التفسير العلمى لكل اللى حصل ده وليه الماية اتبخرت وهل ممكن امشى على الزيت ده عادى لو مفيش ماية جت تانى ولا لا خلاص كدا ارمية منتظر الرد ؟؟
__________________
|
#2
|
رد: انا والاكسيل والماية اللى دخلت الماتور :(
انا اعتقد ان الميه لو كانت بتدخل من المانفولد لغرف الاحتراق كانت العربية تبرجل جامد او تبطل خالص كمان
اما لو جوان كان اللى يطحن الريدياتير مش الموتور من جوه لان الحرار العالية بتخلى الميه تتبخر قبل ما تتخلط مع الزيت عليك انك تتأكد من وصلات خراطيم المية المبردة للكربراتير والافيزان بتاعتها لانه ممكن تكون بتسرب او طبب المية بتاعة الموتور اما بالنسبة لبخار المية اللى طالع من الشكمان فده طبيعى فى اى عربية موتورها بيعمل بكفاءة ده بيسموه المكنة بتعرق ميه وده بيحصل فى الشتا وخصوصا الصبح بدرى فما تقلقش من حاجة الدنيا عندك زى الفل
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
#3
|
||||
|
||||
رد: انا والاكسيل والماية اللى دخلت الماتور :(
السلام عليكم
+11111111111 كان عندي اكسيل وحصل معايا ان وجدت الماء بيسرب من خلف الكربيراتير ثم اكتشفت ان مدخل خرطوم التبريد مكسور فوضعت خشبه ودقيت عليها لغاية ما وصلت البلد والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#4
|
||||
|
||||
رد: انا والاكسيل والماية اللى دخلت الماتور :(
ما هو فعلا امبارح كانت العربيه مبرجله جاااامد وكان الليل ليل خلاص فقولت اركنها لغاية ما ابقى اشوف مالها النهارده والنهارده زى ما بقول لحضرتك كنت باجى ادور الاقى المرش كانه هيدور وفجاءة يوقف لان كان فيه مايه جوه الماتور والزيت كان لونه طحينة خالص
وتحياتى لحضرتك
__________________
|
#5
|
||||
|
||||
رد: انا والاكسيل والماية اللى دخلت الماتور :(
السلام عليكم
جوان وش سلندر ياريس والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
أدوات الموضوع | |
|
|