عايز اجابة علي شوية اسئلة . بصراحة وبما يرضي الله ..

[GINERAL]

سلام عليكم

بصراحة انا معجب بشكل الbyd جدااااا

وخصوصا اني انا شغلتي سواق تاكس .

كان عندي شاهين لكن بعتها ساعة الثورة .. وناوي اشتري الايام دية . وكل سنة وانتم طيبين .

انا بشتغل عالعربية لوحدي يعني مش بجيب سواق عليها . يعني تاكسي الملاكي .


كتييييييييييير جدا قالولي هاتها دية جميلة . وكتييير جدا قالولي ابعد عنها دية صيني .

والصيني من ساعة ما الاسبيرانزا شنشت فالتاكس . وهوة واخد سمعة زي النيلة .


فأنا عايز اسئلكم شوية اسئلة بس ياريت ألي يرد عليا يكون من ملاك السيارة نفسها .
- فترة العربية معاك بقالها اد اية
- عداد الكيلو متر كام حالاً ؟
- العربية بنزين ولا غاز ؟
- اية اكتر قطع غيار استهلاكية غيرتها .
- التكيف اكتر فترة شغلتو فيها اد اية . ومستوي الاداء بتاعو كام من 100 ؟
- الفتيس كويس معاك في جميع الغيارات ولا فية حاجة ؟ والدسك والاسطوانة عاملين اية ؟
- المساعدين الخلفي والسوست حلوين ولا مش تمام ؟
- اية اول حاجة غيرتها فالعربية لما جبتها

- قطع الغيار متوفرة فالتوكيل ؟ وقابلك قبل كدا قطع غيار مش موجودة ؟؟
- قطع الغيار متوفرة خارج التوكيل ؟ بكثرة . ولا في اماكن معدودة ؟
- من فضلك قول لي نبذة عامة عن اسعار قطع الغيار سواء توكيل او خارج ..

السيور - الاكصدامات - الفوانيس - طرمبة البنزين - الموبينة - المساعدين والعفشة اسعار التيوتا كام ؟ والصيني كام ؟


وفالنهاية جاوبني عالسؤال دة
هل تعتقد اني السيارة تصلح ان تكون تاكسي في القاهرة يعمل 16 ساعة يومي
نعم
لا

وشكرا ليكم جداً مقدماً

[peter magdy]

اسئلة من واحد فاهم
متابع معاك و يا ريت حد يقدر يفيدنا

[drpepo]

فأنا عايز اسئلكم شوية اسئلة بس ياريت ألي يرد عليا يكون من ملاك السيارة نفسها .

تحت امر حضرتك وانا من ملاك العربية

- فترة العربية معاك بقالها اد اية

سبع شهور

- عداد الكيلو متر كام حالاً ؟

20240 كيلو متر

- العربية بنزين ولا غاز ؟

بنزين

- اية اكتر قطع غيار استهلاكية غيرتها .

انا مش غيرت حاججة غير فلتر الزيت كل مرة صيانة لازم بغيره ومش عارف ايه اللى المفروض يتغير عند صيانة ال 20 الف

- التكيف اكتر فترة شغلتو فيها اد اية . ومستوي الاداء بتاعو كام من 100 ؟

بشغله على ططوول طول مانا في العربية بصراحة وبالنسبة للشهر والنص الجهنم اللى عشناها في مصر من الحر والرطوبة كنت بعمله على 3 وكان كويس جدا ومش برضى اعمله على 4 بصراحة علشان برضوا مش ارهق العربية بس لما الدنيا بتبقى رايقة وباليل مثلا 1 دى كتير بسقع منها

- الفتيس كويس معاك في جميع الغيارات ولا فية حاجة ؟ والدسك والاسطوانة عاملين اية ؟

هكشف عليهم في صيانة 20 كم والفتيس كويس احيانا قليلة جدا بيكون في عضة وخصوصا انى بستعجل في الغيارات شوية

- المساعدين الخلفي والسوست حلوين ولا مش تمام ؟

تمام

- اية اول حاجة غيرتها فالعربية لما جبتها

لم اغير شئ

- قطع الغيار متوفرة فالتوكيل ؟ وقابلك قبل كدا قطع غيار مش موجودة ؟؟

متوفرة

وفالنهاية جاوبني عالسؤال دة هل تعتقد اني السيارة تصلح ان تكون تاكسي في القاهرة يعمل 16 ساعة يومي نعم لا

طبعا نعم نعم نعم

[ابوشروق]

ربنا يوفقك
متابع بأهتمام أراء الاعضاء وأن شاء الله يفيدوك

[mhamdy75]

ربنا يوفقك