سؤال عن ابيزا 2012

[Thiago]

انا انشاء الله مقدم على شراء ابيزا 2012 , فكنت عايز اعرف فيها EBD ولا لا , بروشور الشركه بقول فيها (ممكن تكون بروشور النسخه الاوربيه ) و بعض المواقع بتقول مفهاش (مع العلم ان تقريبا" معظم السيارات الاوربى بتيجى ال ABS مع EBD ).

و لو فى حد جرب السياره يارات يقولى رأيه من حيث الشكوا , الاعطال و الصيانه . و شكرا"

[nourelatrosh]

في موقع عربيتي كاتبين abs + ebd

[خالداعزالناس]

فى انتظار الرد من خبراء ........ سيات فى منتدى مصر موتورز

وتقرير عن امكانيات السياره .......
وحجم الماكينه للسياره ........ والسعر الاجمالى ...... للنسخه الكامله فول اوبشن اوتوماتيك

[Thiago]

شكرا" على الردود . بالنسبه للامكانيات التى لفتت انتباهى و جربتها فى التست دريف : - مثبت سرعه -كاست CD و AUX و ملتى فنكشن ( 4 سماعات مش 6 ذى البروشر ما بيقول او انا مختش بالى منهم) -الاربعه زجاج كهربائى يمكن ان تفتح و تغلق بالمسه واحده و التحكم الكهربائى فى المريا الجانبيه مع الطى -2 وسائد هوائيه و ال ABS كان باين بس معرفش ال EBD -فتيس DSG ب 7 سرعات , ناعم و السحب كويس بس لازم كيك دون لو عايز تشد , عشان الاول بطيق شويه بس بعد كدا بتنط لل7 بسرعه , و الفتيس من الجلد شكلو لذيذ - تحكم فى ارتفاع المصابيح الاماميه و الفونيس الشبوره بتتحرك بالتوازى مع اتجاه العجل الامامى - و طبعا" الالكترو هيدرولك بور ستيرنج و امكانية فتح الشنطه و الزجاج الاربعه من الريموت غير كدا مافش حاجه تانيه لفتت انتباهى بالنسبه للمكينه هى 1598 سى سى , 105 حصان , بس مناسب للسياره و التسارع من 0 ل 100 فى 10 ثوان تقريبا" و السياره ال 5 door فئه واحده ب 134880