هل الدبرياج يوقف تروس الفتيس ؟؟

[haninatoon]

لو انا ماشى للامام وضغطت دبرياج وغيرت الفتيس على وضع الراجع مارشدير ؟ اية اللى يحصل .

هل ضغط الدبرياج يوقف التروس وساعتها ممكن تجيب اى غيار ولا كلة ممكن الا المارشدير؟

اصل انا جربت ولاقيت عضة شديدة وصوت تاكل فى التروس
الفكرة انى اما مثلا بركن السيارة بطلع شوية للامام وبعديين ارجع
لو رجعت على طول بسرعة اسمع صوت تاكل
دة اية يا جماعة؟

[محمد فيصل]

يفضل دائماً فى حاله ركن السيارة عند التحرك الى الامام يتم التوقف تماماً ثم اخذ غيار المرشيديار الخلفى
من أجل المحافظة على تروس الجير بوكس
لان السرعة الخلفية لا تستعمل الا والسيارة متوقفة تماماً

[mhamdy75]

انت كده بتعشق تروس فى وضع حركة عكسى

وكده التروس تتكسر

لازم الغيار يكون فى اتجاه سير العربيه

او العربيه تكون واقفة

[haninatoon]

طيب وهل كدة انا الفتيس بتاعى تضرر بدرجة كبيرة ولا هو مصمم لتحمل مثل هذة الاخطاء؟
هو انا سمعت صوت فرم ولكن طبعا لم يتم التعشيق

[ahmedsherif1990]

المشاركة الأصلية كتبت بواسطة haninatoon لو انا ماشى للامام وضغطت دبرياج وغيرت الفتيس على وضع الراجع مارشدير ؟ اية اللى يحصل . هل ضغط الدبرياج يوقف التروس وساعتها ممكن تجيب اى غيار ولا كلة ممكن الا المارشدير؟ اصل انا جربت ولاقيت عضة شديدة وصوت تاكل فى التروس الفكرة انى اما مثلا بركن السيارة بطلع شوية للامام وبعديين ارجع لو رجعت على طول بسرعة اسمع صوت تاكل دة اية يا جماعة؟

اللى حضرتك بتعمله ده اسمه الفرامل العكسية
وده بيكون لما -لا قدر الله - الفرامل تسيب و انت ماشى ده يقر يسعفك بس اضراره زى ما قال الاساتذة قبلى
اما عن سؤال حضرتك عن التروس بتقف ولا لأ
الاجالبة تتلخص فى الفيديو ده
http://youtu.be/6BaECAbapRg
ده نظام الفصل بين التروس (الدبرياج بالفرنساوى ) و بيكون دايما الحركة من ناحية الموتور فى حالة حركة اما التروس من ناحية الفتيس بتتحرك حسب سرعة الفتيس اللى حضرتك بتوجهها الاول او التانى لحد الرابع و بعد كده ينقل الحركة للعجلات
مش عارف بقى ان كنت افدت حضرتك ولا لأ بس لو فيه اي سؤال
انا موجود