التكييف و فلتر امازون السىء جدا

[lost2008]

من حوالى 5 شهور غيرت فلتر التكييف لان الفلتر القديم كان بقالو سنة و خلاص جاب اخره و معدش نافع معاه التنضيف كنت جايبه ماركة ALCO ب90 جنيه من محل المدينة المنورة شارع دمشق, المهم لما حبيت اغير قلت اجيب الامازون ابو 50 جنيه من عند نافع خصوصا انى كنت اشتريت من عنده بوجيهات و كفة مراية و كارتيرة عجل و طلعو كويسين بصراحة, بس للاسف الفلتر الامازون ده طلع سىء جدا بيتكتم بسرعة و نضفته كذا مرة و مفيش فايدة و كان اداء التكييف سىء جدا فقلت يمكن محتاج شحن خصوصا العربيىة بقالها 3 سنين و نص , و لولا ان بتاع مركز صيانة التكييف رجل امين كنت ادبست فى شحن على الفاضى و العيب طلع اساسا ان فلتر التكييف خامتة مش تمام, حرجع تانى لل ALCO , وكده عرفت هو ليه اغلى و الواحد مبيتعلمش ببلاش.

[khaabas]

لالالالالالالا
دور على فلتر ماركة الفا ALPHA كورى و 30 جنية بس هتدعيلى فى التوفيقية
وانا مغيرة من حوالى اسبوعين بس فلتر ممتاز ما شاء الله
ودى صفحة الشركة المستوردة على الفيس
http://www.facebook.com/pages/Alkhat...12367732119972

[lost2008]

المشاركة الأصلية كتبت بواسطة khaabas لالالالالالالا دور على فلتر ماركة الفا ALPHA كورى و 30 جنية بس هتدعيلى فى التوفيقية وانا مغيرة من حوالى اسبوعين بس فلتر ممتاز ما شاء الله ودى صفحة الشركة المستوردة على الفيس http://www.facebook.com/pages/Alkhat...12367732119972

مهو فلتر الامازون اشتغل حلو 3 شهور و بعد كدة انهار, بس عموما حجرب ال ALPHA على ضمانتك , لحسان الواحد مش حمل اى مصاريف اليومين دول

[khaabas]

والله ان شاء الله هتدعيلى بس متنساس فاصل لحد ميوصل 25 ج

[lost2008]

حكلم الشركة النهاردة و يا ريت يطلع عندهم موزعين فى شارع دمشق, لحسان مشوار وسط البلد ده اكيد حكسل انزله.