Gps+dvd أخوكم محتاس !

[Bondo2]

السلام عليكم يا شباب وكل خروف وانتم طيبين !

محتاج مساعدتكم وآراءكم فى حوار الجى بى اس ده ، بما ان العبد لله خيبان فى طرق ودهاليز القاهرة - - ففكرت أجيب واحد ، بس أنا مش عايز صراحة أجيب الوحدة اللى بتركب على التابلوه دى لأنها مشجعة على السرقة وشكلها ملفت

عشان كده عايز أجيب الوحدة اللى بتبقى دى-فى-دى وجى-بى-اس وشوية حبشتكانات كده كتير !

المهم ، أخدت جولة فى شارع دمشق مالقيتش جهاز زى ده لعربيتى ( هيونداى أكسنت 2011 ) غير عند اتنين :
- عند السجان ب 3000 بلبل ! ، صينى طبعا ومالوش أى ماركة ولا موديل

- عن محل تانى كده صغير مش فاكر اسمه وكان بيونيير صينى ( هو مكتوب عليه بيونيير فعلا بس الله أعلم بقى ده حقيقى ولا مضروب ! ) ، وده كان ب 2700

دلوقتى أنا عندى سؤالين :

أولا : هو مافيش ماركات محترمة عاملة الجهاز ده ، حتى لو صينى بس يبقى اسمه ماركة ، ولا كله كده ؟ ، ويا ترى حد جرب الصينى ده قبل كده ؟؟

ثانيا : هل أى جهاز فيه GPS يبقى تمام وممكن انزله خرايط مصر بسهولة ؟؟ ، ولا حسب موديل أو السوفتوير بتاع الجهاز ؟؟

تقريبا كده الجهاز اللى كان عند السجان هو ده ، لو طلع ده فعلا أيه رأيكم فيه ؟؟

Hyundai Sonata (1999-2005) 6.2 inch HD Screen Car DVD GPS Navigation System+Virtual 6 Disc Changer+Picture In Picture+Bluetooth+TV+Radi o+RDS+Ipod+USB/SD+Steering Wheel Control+Muti Zone+GPS Map on SD Card Ref#WS325 [ELDG8901B] - US$300.00 : ELER INTE

بصفة عامة ، ايه المفروض أخد بالى منه وانا بادور على النوع ده ؟؟

شكرا مقدما لكل الشباب الجامد اللى بيحب يساعد !

بص يا غالي انا رأي انك لو عايز تجيب ديفيدي تجيبه لوحده مش هيكلفك 1500 الجهاز بشاشتين في مسند الرأس وتجيب الجي بي اس لوحده هيبقي في حدود 650 جنيه في اسبير كار وهتنزل عليه خريطة i go ديه فيها يعتبر 90 % من شوارع مصر وممتازه الصراحه

وبكدا انتا هتطلع كسبان في الاخر ومتتعبش نفسك كل اللي في السوق صيني حتي لو جيبت ايه هتفتحها من جوه لازم تلاقي بادج مصنوع في الصين ههههههههههه

وعلي فكرة الصيني مش كله وحش والله في صيني ممتاز وبيعيش

[Bondo2]

المشاركة الأصلية كتبت بواسطة corsair بص يا غالي انا رأي انك لو عايز تجيب ديفيدي تجيبه لوحده مش هيكلفك 1500 الجهاز بشاشتين في مسند الرأس وتجيب الجي بي اس لوحده هيبقي في حدود 650 جنيه في اسبير كار وهتنزل عليه خريطة i go ديه فيها يعتبر 90 % من شوارع مصر وممتازه الصراحه وبكدا انتا هتطلع كسبان في الاخر ومتتعبش نفسك كل اللي في السوق صيني حتي لو جيبت ايه هتفتحها من جوه لازم تلاقي بادج مصنوع في الصين ههههههههههه وعلي فكرة الصيني مش كله وحش والله في صيني ممتاز وبيعيش

شكرا يا غالى على ردك السريع
ولو فيها رزالة بقى ، بما ان حضرتك جبت سيرة الI-GO ، فده ياخدنا للسؤال التانى بتاعى فوق ، هو أى GPS ينزل عليه أى سوفتوار وأى خرائط ؟ ، ولا حسب نوع الجهاز ( أو السوفتوار) بينزل نوع معين من الخرائط ؟

لا طبعا مش كل الجي بي أس بينزل عليه نفس السوفت وير بس الاغلبية اللي في السوق بتدعم ال igo

[Bondo2]

اذا ، لازم اسأل اذا كان ال GPS بيدعم I-GO ولا لأ عشان أبقى فى السليم
هل الDVD بالمنطق كده لازم يكون بيشغل Audio CD ولا ممكن يكون فى نوع بيشغل DVD بس ؟
يا ريت يا جماعة لو حد عنده محل موثوق فيه أجيب منه الجهاز ده يقولى لحسن أنا قرفت من الطريقى اللى قابلونى بيها فى السجان فى شارع دمشق !!