فيرنا 2007 ساعدوني

[محمد زكي]

انا قدامي فرنا 2007 مطلوب فيها 42000 الف انا حاسس ان العربيه كده رخصيه تحديدا اني ممكن انزل فيها تاني لسه فحاسس ان ممكن يكون فيها حاجه ولا ده السعر الطبيعي وباقي الناس هي الي بتغلي

[tham1010]

افحص العربية فى كذا ورشة وأرفعها فى البنزينة
كمان أتأكد ان العربية مش عليها لا مخالفات ولا عمله مصيبة... وسجل العقد بالتاريخ الصح مش مجرد توكيل بالبيع...

[dr3mb]

اولا صلى صلاة استخارة
ثانيا اتاكد من رقم الشاسية
وياريت تاخدها وتروح تعمل فحص فى المرور يبقى احسن
وتخلى سمكرى وبوهيجى امين يشوفها ممكن تبقى مغيره حاجة
وربنا يوفقك بواحدة كويسة

[محمد زكي]

طب هو ده سعرها ولا ايه يا جماعه

محمد زكي حبيب قلبي نجم نجوم الحي العاشر

واحشني يا دفعه

هتركب فيرنا اخير شوفت بقا انك هتلف تلف وتركب الفيرنا هههههههههههههههههه

بص يا زعيم العربية ديه اكيد فيها حاجه لانها سعرها المفروض انه ميقلش عن 48000 جنيه

خد العربية واطلع علي غبور قليوب واعمل فحص بيع تقريبا هتدفع بتاع 250 جنيه بس هتضمن ان العربية سليمة بضمان الوكيل

وبعدين هتمسك الرخصة بتاعت العربية وتقارن رقم الشاسيه والماتور بالرخصه

وهتعمل عقد مسجل بأسمك ولو العربية فيها اكتر من توكيل ابعد عنها

ولو ملاكي في محافظة تانية يبقي تبعد عنها خالص لانها ممكن تكون كانت شغالة تاكسي في محافظة واتكهنت لملاكي وصاحبها عايز يبعها وده الاحتمال الاكبر لانه حصل معايا وكشفته

المهم قولي انتا هتروح المشوار ده امتي وانا هاجي معاك يا سكر

علي الاقل الاقي حجه اشوفك بيها

موبيلي محروق ومش عارف اتصل بيك