|
بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات. |
|
أدوات الموضوع |
#1
|
|||
|
|||
بديل الولاعة في الساجا؟
السلام عليكم ورحمة الله وبركاته
أنا جبت الساجا مؤخرًا بفضل الله ودلوقتي العربية مفيهاش ولاعة وأنا عاوز استخدم الولاعة كوصلة كهرباء لحاجات كتير زي شحن الجي بي اس وMP3 Modulator وخلافه بس مفيش ولاعة، هل في بديل عملي يكون بنفس مخرج الولاعة وأعمله ازاي وفين وهيكلف قد ايه؟ وشكرًا على المساعدة يا عالم عسل |
#2
|
|||
|
|||
رد: بديل الولاعة في الساجا؟
مفهاش ولاعه ازاى؟؟
دى ال128 فيها ولاعه وشوية ويركبوا فيها بوتاجاز 4 شعله دور كويس انت بس بلااش تصدمنى دانا ناوى عليها واية اخبار صاجها صحيح ؟؟؟والعفشة والثبات؟؟؟؟معلشى بقة استغلك شوية :$ :$ |
#3
|
|||
|
|||
رد: بديل الولاعة في الساجا؟
ههههههه، كانت غلطتي عشان مقرأتش الكاتالوج، هي فيها وصلة كهرباء بس مش ولاعة، وده المهم بالنسبالي، والعربية ما شاء الله ممتازة وهتحس أنك سايق عربية فعلاً محترمة، أنا لسه مكملتش بيها ألف بس مبسوط بيها الحمد لله، لو بتفكر، جربها وهتعجبك )
|
#4
|
|||
|
|||
رد: بديل الولاعة في الساجا؟
بالنسبة للصاج، الأجزاء المعرضة للصدمات بشكل مستمر قوية، وفي أجزاء البعيدة عن الخبطات زي السقف وكده، مش بقوة الأجزاء التانية، لكن اللي عرفته أن سمك الصاج عامةً 7 سم تقريبًا
|
#5
|
||||
|
||||
رد: بديل الولاعة في الساجا؟
7 مللى مش 7 سم
بالنسبه للولاعه انا اتغلبت على المشكله دى لانى كنت عاوز ولاعه لانى مدخن وفى نفس الوقت مصدر كهربا للموديلاتور فجبت مشترك بيركب فى مصدر الكهربا مكان الولاعه ومشغل عليه الولاعه والموديلاتور وشاحن الموبايل كمان واتنين مخرج يو اس بى وثمنه رخيص جدا جدا بـــــ 25 جم بس
__________________
مع خالص الدعاء من الفؤاد بدوام النعمه والفضل من الله تعالى. وأن يهديكم لما فيه خير لكم ولسيارتكم وأن يحفظكم ويحفظ ما وهبكم من كل شر وسوء ومن كل نفس أثمه ومن كل عين حاسدة. وأن يكتب لكم حسنه فى كل خطوة تخطوها بسيارتكم ويحط بها من ذنوبكم. وقدر الله لكم وكتب عليكم فعل الخير وراحة البال والغنى عن السؤال. محمد عبد المجيد المشتريات الخارجية شركة الاسكندرية للإضافات البترولية ( اكبــــا) 0116007025
|
|
|