|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
انا مجتار جدا اشترى رينو لوجان ولا بونتو كلاسيك ولا فيرنا
انا مجتار جدا اشترى رينو لوجان ولا بونتو كلاسيك ولا فيرناptmnlo123per144
|
#2
|
||||
|
||||
رد: انا مجتار جدا اشترى رينو لوجان ولا بونتو كلاسيك ولا فيرنا
باشا انت ممكن تلغى الفيرنا من المقارنه تماما
البونتو عربيه شبابى هاتش باك(حلوه لو مش محتاج شنطه ومش محتاج موتور كبير) اللوجان عربيه حجمها كبير وموتور كبير وادائها حلو وثباتها على الطريق كويس جدا الاتنين فيهم اوبشنز كويسه وفى الاخر الاتنين اوروبى يعنى اعلى من الكورى حضرتك لو شاب ومش مهتم بموضوع الشنطه ده ومعظم مشاويرك جوه البلد يبقى البونتو انسب لو اسره وبتسافر كتير ومحتاج موتور كبير يبقى هى اللوجان ارجو انى اكون قدرت افيدك اخوك بوب الجامد |
#3
|
|||
|
|||
رد: انا مجتار جدا اشترى رينو لوجان ولا بونتو كلاسيك ولا فيرنا
اهلا بيك يا استاذ طارق معانا ...
ممكن حضرتك تقول لنا الاول ايه احتياجك من العربيه و طبيعه استخدامك ... علشان نقدر نفيدك صح عموما هي البونتو كلاسيك يمواصفاتها و سعرها الحالي اختيار موفق ... خصوصا لو محتاج عربيه هاتشباك حجمها صغير للزحمه و المشاوير جوه البلد ... و قطع غيارها متوفره لأنها فيس ليفت للبونتو ... يعني مش موديل جديد ... لكن وكيلها كسول شويه .. و يمكن مع الوقت يتطور ... اللوجان سواء روماني او مغربي لكنها بتحمل شعاررينو ... وبالتالي تقنيه و تكنولوجيا رينو .... و اكتر واحد يفيدك فيها بوب الجامد ... الفيرنا عربيه عمليه و منتشره و قطع غيارها متوفره .. و مطلوبه .. يعني حتكون احسنهم في اعاده البيع .. لكنها تقفيل مصري او هندي .. وبالتالي فيها مشاكل التقفيل و التجميع المحلي المعروفه ... ومبروك مقدما ...
__________________
من تواضع لله رفعه The ultimate car would be designed by Italians engineered by Germans built by Japanese &
|
#4
|
|||
|
|||
رد: انا مجتار جدا اشترى رينو لوجان ولا بونتو كلاسيك ولا فيرنا
انا ارشحلك البنوتو في ظل العرض الحالي
بس الرينو لوجان اقوي و اكبر خلي الفيرنا اختيارك الأخير علشان صعب تقارنها بيهم دلوقتي
__________________
No Pain No Gain Dr. Mohamed El-Refaey Radiologist |
#5
|
رد: انا مجتار جدا اشترى رينو لوجان ولا بونتو كلاسيك ولا فيرنا
الفيرنا دي غسيل و مكواه يعني تجيبها و ما تحطش بالك في اي حاجه
لو اتخبطت خبطه لا قدر الله ولا عاوز اي قطعه غيار حتلاقيها في ثانيه و كمان موتورها قوي جدا و بتجري بطريقه بشعه(بخاف لما بشوف عربيه فيرنا راكبها شاب) اللوجان عربيه لسه جديه و مش معروف مستقبلها حيبقي عامل ازاي غير ان تصميمها قديم جدا و متصممه اساسا علشان تبقي عربيه شعبيه و ما اعرفش التوكيل حيعمل ايه في اسعار قطع غيارها. و كشكل اقل شياكه في التلات عربيات تحسها عجوزه اوي و خصوصا ضهرها و كمان وشها. البونتو عربيه ايطالي و انضف تقفيل لكن موتورها صغير نسبيا و حجمها من الداخل مساوي للفيرنا و اللوجان بس الشنطه هيا اللي اقل منهم بالتاكيد. بصراحه انا لو بقارن و في ظل ظروفي الحاليه حجيب البونتو و اضحي بالقوه في سبيل التقفيل و الشياكه الايطالي و اكيد العمر الاطول من الاتنين الباقيين كحال اي سياره من فيات
__________________
حـازم خـضـر
|
|
|