#1
|
|||
|
|||
تجربتى بالصور عن خرطوم الريداتير
السلام عليكم ورحمه الله وبركاته
اولا اوجه كامل شكرى للمهندس eng/walaaeldeen هو من نصحنى وقدم الى كامل التفاصيل عن الموضوع مياه الريداتير كانت بتقل بشكل كبير جدا وكل يوم كنت بزودها الى ان اكتشفت العيب وهو الخرطوم الى رايح للموتور فسالت المهندس ولاء عن الحل وقالى غير الافيز مؤقتا على ما تجيب الكوعه من التوكيل ونصحنى بهذا ايضا hyundai 2005 الافيز الاول كان هكذا والصورة ده توضح التسريب الى كان موجود روحت النهارده اشتريت قفيز كويس ومياه خضراء للريداتير المياه 3 لتر تقريبا 15 جنيه والقفيز بجنيه ونص استنيت العربيه تبرد وفكيت القفيز ونزلت تحت العربيه وفكيت الخرطوم طبعا كنت جايب طشت الغسيل علشان اصفى فيه المياه سوق سوق بعد ما صفيت المياه واتبهدلت لانى كنت تحت العربيه بس المياه كانت سخنه الحمد لله كانت حلوه فى البرد ده بعدها قطعت الخرطوم من بعد القفيز القديم وده صورته نزلت تحت العربيه وركبت القفيز التانى وربطت عليه كويس جدا بس للاسف بالمفك بس ماعرفتش اجيب المفتاح علشان اربطه بيه علشان المكان كان ضيق شويه بس اتربط كويس الحمد لله وده صورته من تحت العربيه وده من فوق واوضح بعدها دورت الموتور وحطيت المياه الى انا صفتها تانى ماكنش فيها اى حاجه الحمد لله طبعا فى فاقد فى المياه وقع على الارض فعلشان كده اشتريت مياه وزودت بيها وعليت ال rbm شويه علشان اطلع الهواء وزودت قربه المياه ومسحت المياه من تحت الريداتير وحول الخرطوم علشان ابقى اعرف هى هتسرب تانى ولا لا وروحت طالع مشوار قصير جدا وحرقت على العربيه شويه ورجعت البيت بصيت على الخرطوم مالقتش فيه حاجه الحمد لله :133 6: يارب بس مايتقطعش من الناحيه الى متركبه فى الموتور علشان ده اكتشفت انه مستحيل اوصلها لا من فوق ولا من تحت ولازم التلاجه تتفك وده لو حصل هضطر اروح لميكانيكى او التوكيل هيكون افضل يارب الموضوع يكون عجبكم دمتم على خير اخوكم فى الله أمير الجمل
__________________
صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine |
#2
|
||||
|
||||
رد: تجربتى بالصور عن خرطوم الريداتير
تسلم ايدك على نقل التجربة
بس هو ممكن نخلى ربط القفيز من فوق أحسن ؟؟ |
#3
|
|||
|
|||
رد: تجربتى بالصور عن خرطوم الريداتير
شكرا لمرورك
__________________
صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine |
#4
|
||||
|
||||
رد: تجربتى بالصور عن خرطوم الريداتير
السلام عليكم
الحمد لله على حل المشكله وواجبنا في المنتدي مساعدة بعضنا البعض واليوم عندك غدا عندي والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#5
|
|||
|
|||
رد: تجربتى بالصور عن خرطوم الريداتير
ويشرفنى والله انى اشوف حضرتك واتعرف عليك اكثر شكرا لتعاون حضرتك معايا
__________________
صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine |
|
|