|
#1
18-05-2011, 12:58 AM
|
||||
|
||||
تجربتى مع المتحده و المهندس محمود حسين
انا مبعرفش اكتب كلام كبير
لكن الموضوع باختصار انا انبسطت من المتحده بعد ما اتعاملت معاهم النهارده رغم ان محصلش شغل يذكر ف العربيه.. بالتفصيل انا عملت صيانة الالف امبارح و النهارده انا ماشى بالعربيه لاحظت صوت ف الفرامل غير صوت الايه بى اس اللى انا اعرفه و كمان كنت عايز اتاكد ان العفشه اتربطت كويس عشان مشوار الساحل الشمالى فقررت اروح تكنو سيرفيس التانى و بعدين افكرت ان فيه ناس كتير كانوا شكروا ف المتحده فقررت ازور المتحده و اتعرف ع المهندس محمود .... كنت ف المنطقه الساعه 5 و طبعاً تهت زى ما اغلب الناس كتبوا ف تجربتهم ...فاتصلت بالمهندس محمود و لقيت انى لو كنت مشيت ع الكروكى اللى ع الموقع كنت وصلت اسرع...المهم وصلت... الاستقبال كان ودود جداً من المهندس محمود وهوا قاللى بعد كده ان من اسباب سعادته ان انا عربيتى جديده(1000 كيلو)...و ان ده معناه الثقه ف المكان... بعد انتظار 10 دقايق قعدت مع المهندس محمود و اتكلمت معاه كلام تعارف و بصراحه اعجبت بفكره و بمشروعه.... من الحاجات اللى عجبتنى ف كلامه ان اهم وسيله للدعايه بيستعملها هى جودة العمل بحيث ان العميل اللى يخرج من عنده مبسوط من الشغل هوا احسن دعايه للمركز... و بعد التعارف و الكابتشينو المحترم قاللى تعالى تشوف الشغل بتاع عربيتك بنفسك و رحت لقيت العربيه مرفوعه و بيتأكدوا من ربطة العفشه و هيه ديه تانى حاجه عجبتنى انهم قالولى العفشه متربطه كويس ف التوكيل و لما قلتله انت كان ممكن تقوللى احنا ربطنا العفشه و كانت مش متربطه كويس لأن انا مشفتش الشغل ف العفشه قاللى احنا مانعملش كده لأن ده يبقى نصب.... و بعدين جه معايا الاسطى محمد عشان نشوف شكوة الفرامل ( المهندس محمود كان قاللى انه بيظن ان ده من الايه بى اس بس انا قلتله ان انا عارف الايه بى اس و الخبطه دى مش كده) و لما الاسطى محمد اختبر العربيه بره اكد لى ان دى ضغطة الايه بى اس و ان الايه بى اس ف الاسبرانزا مختلفه عن غيرها .... من الحاجات اللى عجبتنى ان كل الناس هناك بتتعامل على انها شركاء و خايفه ع المكان و سمعة المكان... و انا باتكلم معاه اول ما رحت قلت له انت ازاى تحط ارقام تليفونات الفنيين اللى عندك ف الموقع ...مش خايف ان العميل يتفق معاهم بره المركز قاللى لأ مش خايف خالص...انا ماقتنعتش بالاجابه لانى عارف نظام الفنيين ف كل مكان...بعد ساعتين ف المركز فهمت اجابته و اتاكدت فعلاً ان الفنيين اللى عنده دول اصحاب مكان مش عاملين ف مركز صيانه... بعد انتهاء العمل رفض انى ادفع اى فلوس و قاللى احنا معملناش حاجه تذكر... عموماً انا سعيد بالمكان و بالناس اللى فيه و سعيد اكتر بالمهندس محمود و ان شاء الله هيكون ده المكان اللى هالتزم فيه بالصيانه بره التوكيل... دى تجربتى مع المركز بمنتهى الامانه واتمنى ان يستفيد منها احبائى فى المنتدى ككل و ليس فى قسم السيارات الصينى فقط. لان المركز بيصلح كل انواع السيارات اليابانى و الصينى و الكورى...
__________________
التعديل الأخير تم بواسطة أشرف صبرى ; 18-05-2011 الساعة 01:07 AM 
|
|
#3
18-05-2011, 01:04 AM
|
||||
|
||||
|
رد: تجربتى مع المتحده و المهندس محمود حسين
الحمد لله الذى الهمك طريق الصواب انت شخص محترم وتستاهل كل خير
__________________
تم حذف بيانات الاتصال بناء على الشكاوى المقدمة ضد صاحب العضوية فى الموضوع التالى : http://www.masrmotors.com/vb/showthread.php?t=121431
|
|
#4
18-05-2011, 01:08 AM
|
||||
|
||||
رد: تجربتى مع المتحده و المهندس محمود حسين
__________________
|
|
#5
18-05-2011, 01:21 AM
|
||||
|
||||
|
رد: تجربتى مع المتحده و المهندس محمود حسين
كويس والله ونتمنى ان الناس تحكى عن مشاكلها فى عربيتها وماتم فى مركز الخدمة ده وتم حلها ام مثل التوكيل وربنا يوفق الجميع لارضاء ربه
__________________
 geologist the best 
|
 |
|
|
